part2
وقفت على رأس الطاولة بكل شموخ ببدلتها السودا اللي تأكد انها سيدة من المجتمع المخملي 😌نظرتها الحادة لون عيونها اللي مش مفهوم اخضر او اصفر شعرها البني اللي خدي طريقه بغزارة على كتافها وحتى خصرها والولد اللي ماسك في ايدها بقوة
عبدالله:تفضلي من حضرتك
منيه:شكلها مرت المرحوم
عصام وقف بعصبيه:مرت منو انتي جايه تنصبي علينا
ابتسمت بهدوء:همج زي ماسمعت عليكم طمع جشع حقد وشر معبي قلوبكم 🙂
هيثم وقف:انتي هييي خاشه لحوشنا وتغلطي لمي لسانك وادوي باحترامك
ضحكت بصوت عالي زرع الرعب في قلوبهم خلى الكل عالسفرة يوقفو:غلط في النطق قصدك حوشي انا
سعاد:انتي مرت عامر
سمر:مش عمي ماكانش متزوج
كلهم يشوفولها باستفهام يستنو في الاجابه الا هوا مقعمز على كرسيه وماقامش عينه من عليها مافيش حد ركزله الا سمر اللي عينها ديما منه
سحبت كرسي وقعمزت على راس الطاولة:فيروز عامر الجارح
جبدت يد الولد الصغير:الجارح عامر الجارح
وسيطرت الصدمة عالكل
عصام:هههههه فوتيها على عيل يرضع في صبعه تي رانا بشيبنا بتضحك علينا فرخه زيك
روز ابتسمت:اهدا ياعصام ماتضغطش على روحك راجل عندك الضغط ولا شن رايك ياهيثم
فارس ابتسم
محسن:ماتقوليش الجمال هدا كله لينا وووه عالجو تي ياحليلك بنتجكتر بيك قدام الناس كلهم حي وحي تي زي عارضات الازياء ولا عيونك واااك 😍😍
عبدالله:انهي ياولد وانتي يا نصابه بتحكيلنا قصتك ومن الاول
روز وقفت:كل اللي بتعرفه يا عمي العزيز اني جايه اليوم باش ندمرك انت وخوك وكل من يتشددلكم يامجرمين
عصام:شدي لسانك واحترمي الحوش اللي انتي فيه
روز وقفت بينهم:هدي بس تحية ليكم وخطوة خطوة ناخد حقي وحق خوي وحق امي اللي ترملت
عبدالله:امك
روز:امي امي اللي خديتو منها راجلها وسندها
هيثم:شن تقولي انتي عمي مات في حادث
روز:الله يرحمه ويغفرله
عصام:اطلعي برا يانصابه وين ندري عليك من اي مزبله جايه انتي وفرخ الحرام هدا
روز خبطت عالطاولة بقوة:لو فيه حد بيطلع فهوا انت وخوك وعيلتكم هدا ملكي انا
الجارح نزلو دموعه وشد في يدها:يكفي ارجوكي اختي انا خائف
روز:لايوجد مايدعى للخوف هنا عزيزي اهدا
عبدالله:لينا كلام ثاني
روز:لينا هلبا وتوا انت واشرت على محسن خودني لحناي
محسن:من عويناتي ياعسل انتي
كل واحد انسحب بهدوء
قعد فارس في مكانه ويشوفلها بنفس الابتسامه:ابدعتي
روز شافتله باحتقار:نعم
فارس وقف قدامها:اللي يشوفك قبل نص ساعه مايصدقش انك نفسها اللي تتكلم بالانحطاط هدا
روز:هدا الاسلوب اللي مستواكم انت وبوك وعمك
"الكلام بالعربيه الفصحى يعني انجليزي"
فارس ضحك وتفكر flash back
الصبح فاق بكري وطالع من المستشفى بعد ماكشف على فيروز واطمن عليها وقف على محل خدي دخانه وكيف بيركب سيارته خبطت فيه وحدا
نزلت من السيارة ونحت نظارتها:اسفه جدا جدا لقد شردت قليلا
فارس:الزح
روز:ماذا
فارس:انتي شردتي وسيارتي تتحمل ها
روز:لقد اعتذرت منك وسأعطيك المال كي تصلحها طلعت من شنطتها دولارات ومدتهم
فارس:يبدو انه يومك الاول في هذا البلد
روز:نعم
فارس:احذري كثيرا انها ليبيا ليست بلدك لا تعطي مالك لاي احد يقابلك
روز:حسنا وتلفتت مغفل
فارس:شكرا لكي انستي
روز شافتله من فوق لتحت ركبت سيارتها وفاتاته
فارس:عيونها مستحيل يكونو الا سحر 🤤 ومشي
end back
فارس:انتي بجد بنت عمي
روز:مايهمنيش حد يصدق اللعبه بينا
فارس قام ايديه:وانا متابع بصمت وطلع
جارح:روووز
تلفتت:نعم
جارح:من هذا
روز:ابن عمك
جارح:اممم متى سنعود للندن
روز:لا تسألني مرة اخرى متى نعود الم تأتي من اجل مساعدتي
جارح:نعم 😞
روز:اذن
جارح:اساعدك
روز باساته:سلمه بطلي الصغير
محسن يشوفلهم بهيام:محلاك
روز:انت اهبل ولا شنو
محسن ضحك:حاجه زي هكا شن الجو يابطل
جارح:بخير
محسن:شكلك تستقبل بس في الليبي 😅
جارح:لا
محسن:اخبرني ماهو اسمك
جارح:اسمي ماكس
محسن:كييف
جارح:هدا ليس من شأنك ابتعد عني
روز:هي نمشو
محسن:اكيد تفضلو هي
طلعو اتجهو للمستشفى قعمزو يستنو
ممرضه:عندها دكتور توا لحظات ويطلع تقدرو تشوفوها
محسن:تمام
روز:كيف صحتها
محسن:قالو كويسه ممكن الاسبوع الجاي تطلع
روز:كويس
محسن:انتي جايه تستقري هنا
روز:لا جايه ناخد حق بوي
محسن:اي حق
روز بثقه:حق بوي اللي عمك وبوك قتلوه
محسن:بوي قتله لالا اكيد تتخايلي
روز:الوقت بينا
جارح:رووز
محسن:اسم جميل ماشي معاك اكثر من فيروز
روز ابتسمت:انت الابيض من بينهم
محسن:شن قصدك
روز:ولا شي
طلع فارس:اهلا ببنت العم
روز:نقدرو نخشو
فارس:اكيد بس الاطفال لا
روز:تمام ماكس هلا جلست هنا مع محسن
جارح:حسنا لكن لا تتأخري
روز:تمام رد بالك منه
محسن:بهي
خشت وقفت جنبها:حناي
فيروز فتحت عيونها:منو انتي
روز:بنت عامر
فيروز:ولدي تزوج ودار صغار
روز باست يدها:ايه ولدك عنده بنت وولد
فيروز تبكي:وينه ولده
روز:شدي صحتك واطلعي من هنا وانا وعد نقعد جنبك ديما
فيروز:انتم وبوك بتقعدو معاي
روز سكتت
فيروز:ولا
روز:ياحناي بابا توفى ليه 3ايام
فيروز بدت تعيط:لالا ولدي كيف مات انا مالحقت نشبع منه كيف كذب اكيد كذب
روز ضغطت عالزر خش فارس ومعاه ممرضات
فارس:اطلعي برا 😡
طلعت تمسح في دموعها
محسن:شن فيه
روز:ولا شي
طلع فارس متعصب:انتي ماعندكش دم ولا احساس بسهوله تقوليلها ولدك مات
روز:وليش تضحكو عليها تعرف توا وهيا في المستشفى احسن ماتطلع وتكتشف وتتعب اكثر
فارس:عقول فاضيه
روز:سيطر يادكتور
فارس قدم منها وهيا ولا رفلها جفن
محسن:اهدو ياعيله الناس تتفرج
روز:بتمشي ولا قاعد هنا
محسن:لا مروح معاكم هيا
خدت خوها وطلعت بثقه
فارس يتبع فيها بعيونه:كان ناقص حوشنا هوا باش تكملها هدي
عصام يعيط:تي كيف بنته بعد السنين هدي كلها يطلع متزوج
هيثم:مرات وحدا من صاحباته جايه بتلهف الرزق واضح من منظرها اجنبيه
عبدالله:واسمائهم
عصام:ايح حتا انت شن صاعبه اكيد خوك حاكيلها وهيا دارت شغلها
عبدالله:وتوا شن بيصير
عصام:تي تقلب وجها من حوشنا دوة فارغه تو تطلب قرشين وتهرب بيهم
وصلت للحوش لقت شناطيها كيف وصلوهم
جارح:اخيرا حقائبي
روز:شكرا
خشت للحوش شافتهم كلهم متجمعين يشربو في قهوة
سعاد:انتي قعدا
روز:من اسلوبك شكلك سعاد
سمر:احترمي نفسك وادوي كويس
روز:انا نحكي اللي يعجبني
منيه:كم عمرك انتي
روز:شي مايخصكش
منيه:بوك عنده رزق وين كنتو عايشين
روز ضحكت:ااخ ياعيلتي اللي تواطو الراس شكلي بنتعبكم هلبا
سعاد:كله يوم او يومين وتطلعي من هنا راسك مكسور
روز قعمزت عاول كرسي قابلها:يوم او يومين وكل نظام هالحوش بيتغير مش عاجبني شي فيه
سمر:ومنو انتي باش تحكمي وتطلقي هكا
روز:انا المالكة ولا بابا ماحكالكش ياحلوة انه هدا الحوش اللي مأويك ملك لبوي 🤬
سمر تلفتت لامها
منيه:احم سمعت عمتي مرة او اثنين قالت انه عامر شاري الحوش للعيله
روز:مزبوط مزبوط
خش فارس:مساء الخير
سمر وقفت:اهلين حوبي نديرلك قهوة
فارس:تعبيش روحك فدوى نوضي
فدوى:حاضر هي
رووز:نبي دار نقعد فيها الليله مبدئيا
سعاد:وشن قصدك الليله مبدئيا
روز:بكرا نصحصحلكم كويس وبنقلب كل شي نبي الغرفه اللي تجي عليها عيني
سمر:وحدا عايشه في الشارع بتجي توا تغرق في عزنا
روز:عزنا صار ماشي مع الوقت تتعودي عالنطق الصحيح للكلام. 😉
فارس يتفرج عليها وطول الوقت يحاول يفهمها كيف تفكر او عاشن ناويه
بعد ساعات وصلو عصام وعبدالله وهيثم
عصام:وين هاديكا الكلبه
منيه:ركبت هيا وخوها لدار الضيوف قالت بتقلب الحوش كله
عبدالله:نقتلها
روز:متعود عالقتل
تلفتولها كلهم
كانت لابسه سروال جينز وعليها تيشرت واسع اسود ودايرة شعرها ضفرة: مافيش شغاله هنا
هيثم:مافيش لو تبي تاخدي مكانها مافيش مانع
روز:اوك
رن الجرس
فدوى:فيه ناس تبيك
روز:خليهم يخشو
خشو خمسه نساوين
عبدالله:من هادو وشن يبو
روز وقفت:اكيد تعرفو انكم بتستقرو هنا لفترة لاني محتاجتكم
حميده:ايه عارفين
روز:نبي 2للمطبخ و2للنظافه يشرفو عاكل الحوش ووحدا تفرغ روحها لماكس بتكون معاه طول الوقت لبسه اكله شربه وطلوعه ديما معاه ترد بالها منه وكويس عينها ماتتحولش من عليه
حميدة:تمام حاضر
روز:تفضلو شوفو خدمتكم ومبدئيا مافيش عشا اللي يبي ياكل اعطوه خبزة وميه 😅
هيثم وقف وشدها من شعرها بقوة:انتي يا...... بتحكمي فينا
روز مبتسمه وتشوفله في عيونه
هيثم سرح فيها لين حس بيد ضغطت عليه وبعداته
فارس:هكا نتعاملو مع ضيوفنا
هيثم:تي شوفها تحساب روحها مالكه حق
روز:بكرا تعرف مالكه ولا شحاته زي حضرتكم الاجتماع الساعه 9 في شركاتكم ونتواجهو يامجرمين
فارس:واثقه
روز:لمن الدار اللي بابها اسود
كلهم شافو لفارس:انعم اي خدمة منها
روز:نبيها وانت تقدر تاخد دار الضيوف
سمر:انتي باي وجه تطلبي في داره
فارس:تمام بكرا نغيروها اوامر اخرى
روز:لا
جت الشغاله سماح:مدام اي دار نرقد فيها ماكس
روز:لا خليه معاي في نفس داري انا تو نركبله بس اعطيه ياكل
سماح:حاضر
سمر:انت كيف تسمحلها تاخد دارك
فارس:مش مشكلة اريح من المشاكل
روز شافتله باستحقار:اي حناي امتا تطلع
فارس:بعد بكرا
روز:ممتاز نبي ليها غرفه مجهزة بكل معدات طبيه ممكن تحتاجها في اي وقت وممرضه تقعد معاها هالشي تخصصك يادكتور
فارس:تمام
سمر:ياخالتي شوفي ولدك ماقالش لا بكل طول الوقت سارح فيها
سعاد:اكيد يجهزلها في شي انا ماشفتاش هادي مع حد قبل
عصام ضغط على يدها:يوم واحد ورح نطردك برا حوشنا ياكلبه
روز:طلع وجهك الحقيقي بس ماتكونش مدبرلي موته زي بوي
فارس:خلاص ياسر خلونا نرتاحو من المشاكل يوم بس تفضلي فيروز لدارك وانتم بكرا اجتمعو وتفاهمو وريحونا
سمر:وخيرك انت واقف في صفها شن عاجباتك
فارس:اعرفي مع من تدوي احسن ياسمر
روز راكبه من الدروج:عيلة تقصف العمر 😏
خشت لدارها شن دير
جارح:العب
روز:هيا عالنوم خديت دواك
جارح:نعم لقد تناولته
روز خشت غيرت لبسها وطلعت:علاش ماتبيش تحكي زيني يابطلي
جارح بزعل:انتي تعلمي لماذا وايضا انتي دائما تمنعينني من التحدث باللبنانية
روز:لانه ياخوي الاهبل انت نص ليبي ونص امريكي وتتكلم في اكثر من لغه وكلهم مامنهم فايدة
جرح:كلا هناك فائدة انها هوايتي انا احب تعلم لغات العرب فقط لماذا لا تحترمي رغباتي
روز:رغباتي قالك حول خليني نرقد يالبناني 🙄😂
جارح ركب على ظهرها:انتي بشعه
روز:اختك
جارح:اووف سأخبر امي
روز:ههههه عيل
جارح:حسنا 🙄هيا للنوم
روز غطاته وحضناته بقوة:انت اخر اماني حانحافظ عليك بكل قوتي
جارح:لاداعي لكسر عظامي ايتها الغبيه
روز ضحكت وبعد وقت خداهم النوم
سعاد:هالفرخه باين عليها قوية ولو طلعت امك رح توقف في صفها ونطلعو خاسرين
عبدالله:مصدقه كذبه انها بنت عامر تي مستحيله طول السنين اللي فاتو يتواصل مع امه معقولة ماقاللهاش انه تزوج
سعاد:وبلكي طلع حق رهو زوز مش واحد
عبدالله:اطفي ام الضو واسكتي
فارس يخدم عاللابتوب وكل شويه تجي قدامه صورت فيروز: اووف شن قصتي هالفرخه كل لحظه طالعتلي بس قوية وجريئه مووت كلامها اووف زعما بوي وعمي عندهم علاقه في موت بوها
صباحا الساعه 7
روز واقفه في الجنان تتريض حست بيد عاكتفها تلفتت مخلوعه:ماهذا ال..
فارس:على رسلك يافتاة تمهلي قليلا
روز:شن تبي
فارس:حلو خليط اللغه اللي دايرتيه 😉
روز:شن تبي
فارس:شوفي هكا وهكا وهكا هادو جيران كلهم يتفرجو عليك وانتي عارضتلهم جسمك وشعرك وعيونك هكا عيب يااجنبيه احترمي المكان وانهم يعرفو المرحوم مش لازم تحترمينا احنا
روز:والمطلوب توا
فارس قرب منها اكثر غطالها شعرها بطاقيه التوته:لليوم هكا كويس وبعدها انا ندبرلك مكان تتريضي فيه
روز:تمام
فارس:صباحك
روز:صباح النور
فارس:ماتبيش توكلينا حتا اليوم قصدي بطني دير في صوت من امس رهو
روز ضحكت:لا فيه ماكله
فارس:جميل ومشي
بعد ساعه اجتمعت العيله عالطاولة اللي تعبت بعدة انواع واصناف من الكلات واغلبهم حاجات مش مفهومه بالنسبه ليهم 😅
نزل جارح:صباح الخير ياعائلتي
فارس قامه:صباح النور ايها الجارح
سمر:تعودت عليهم شكلك
فارس:وقت ماكله مش وقت كلام
عبدالله:انت يافرخ امك وين ولا ماعندكمش ام مفلوتين وخلاص
جارح:لن ارد عليك ايها البدين المقرف 😤😏
فارس ومحسن ضحكو
نزلت من فوق لابسه قفطان طويل اسود وفي يدها شنطه بيضا وكندرة نفس اللون شعرها عاكتافها
روز:صباح الخير
محسن:ممكن سيلفي معاك ياجميلة الجميلات
روز ابتسمت:اكيد
عصام:ولد 😡
محسن:لحظه يابوي وربي قطعه غبرا
روز قعمزت مكانها:رغم كل السم للي فيكم قدرتو تجيبو صغار نظاف يعني انتم تبو روحكم سيئين رغم انه فيه بصيص امل وسطكم
هيثم:موتك على ايدي يا فاسدة
روز:طلعو اللي في قلوبكم تعالا
جارح جاها:ماذا
روز:انا سأذهب للشركة الان سماح ستظل معك طول اليوم لا تفتعل المشاكل ماكس
جارح هز راسه:حسنا ولكن احضري لي بعض الحلوى
روز:اوك هي اجلس حتا تأكل
فدوى:مايفهمش فينا
روز:لا يفهم
فدوى:كم عمره العسل
جارح:10
فدوى:بطول عمرك
بعد وقت في الشركة
عصام:لو طلعو صغاره رح ياخدو حصتهم من الشركات
عبدالله:دوة فاضيه تي شوفهم منظرهم منظر ليبين
هيثم يفكر في فيروز منظرها عيونها وجمالها
عصام:انت ياولد
هيثم:نعم
عصام:فاش سرحان
هيثم:ولا شي نفكر اكيد الورق مزور
عبدالله:اي صح اطلب المحامي
انفتح الباب وخشو.........
عبدالله 😨😨
