لم يستطيعوا افاقة كريس فحمله تاو على كتفه ليهربوا من هذا المكان كان لوهان يقودهم ومن خلفه البقية.
أخذوا يسيرون مبتعدين عن تلك البناية حتى وصلوا لمنطقة سكنية ولكنها هادئة جداً و تنيرها اعمدة الانارة فقط ظلوا ينظرون حولهم يستدلون على الطريق او اي شئ.
تاو : وقفت ليه هنروح فين؟
سأل وهو يخفض جزعه بسبب ثقل كريس على ظهره.
لوهان : معرفش هو انا عارف احنا فين اصلا!!
جوين : احنا هنكمل مشي لحد ما نلاقي اي حد يساعدنا ونروح للقسم يلحقنا.
تاو : نروح فين يا عنيا؟ سمعيني كدة تاني!
جوين : ايه مالك؟ نروح للبوليس يساعدنا ونعرفه اننا كنا مخطوفين.
تاو :هو رأي يحترم وكل حاجة بس انا مش هحترمه.
اردف وهو ينظر لها من أعلى لأسفل بتكبر.
جوين : محدش طلب منك تحترمه اصلا انت تسمع الكلام وانت ساكت.
صرخت به كان سيرد ولكن لوسي تدخلت في الحوار بحرج
لوسي : طب هو احنا مينفعش نروح لحد من اكسو طيب على الأقل نطمنهم اننا هربنا علشان جيسيكا متضحكش عليهم.
تاو : اهو ده الكلام مش تقوليلي نروح للبوليس في حد مخطوف يروح للبوليس.
لوهان : هه اومال المفروض بيروحوا فين يا عالم زمانك؟
تاو :وانا ايش عرفني دي اول مرة اتخطف فيها.
أجاب بغباء ليتنهد لوهان بفقدان صبر.
جوين : انا بقترح انك متتكلمش تاني تمام. واكسو مين دول اللي نروحلهم يا لوسي احنا ناقصين مصايب مش كفاية اللي حصلنا بسببهم. انا مش عايزة اسمع اسم شوية المتخلفين دول تاني.
صرخت بهم بغضب ليقف تاو أمامها معترضاً وقد القي كريس علي الارض في عصبية لتجري اليه لوسي تحاول رفعه من علي الارض
تاو : انتِ بتتكلمي كدة ليه يا ست انتي ماتشوف خطيبتك يا لوهان. لااا بصي انا اغلط في اصحابي تمام اما تيجي انتي وتغلطي فيهم اعصرك انزل منك حربايات صغيرين شبهك يا حرباية.
جوين : هااا انت بتشتمني؟
شهقت بصدمة ليصفع لوهان وجهه بفقدان صبر.
تاو : اه بشتمك اصحابي خط أحمر معلش.
جوين : حلو خليك مع خطوطك الحمرة هنا. عاوز تروح لأصحابك اتفضل احنا هنروح للبوليس يالة بينا.
تاو :شايف خطيبتك شايف المجايب القذرة بتاعتك ابقي استنظف يا اخي قرفتنا.
ختم حديثه لتكون الشعلة التي تبدأ شجار جديد، كان هناك احد الاشخاص كبير السن يقف في شرفة منزله ويرى شجارهم من بعيد وكريس الملقي علي الارض كالميت. فأمسك هاتفه ليقوم بالأتصال.
أنت تقرأ
اختطاف
Fantasyالمذيعة : انباء عن اختطاف رئيس شركة sm وفضائح متتابعة لأعضاء الفرقة الكورية exo منها هروب الُجنديان من الجيش وسرقات وصور مُسربة والشرطة تستمر في البحث... Covered by :@evaru4 20/1/2020
