فضاء

الجزء الثامن

الجزء الثامن
بقلمي:condee khalid

يتركك الأخرون و تصبح وحيداََ تصارع الحياة و الأحياء.

حأسافر بعد بكره ان شاء الله... تمام ان شاء الله تصل بالسلامه ي مهند ارح ي جمانه الزمن و د اول يوم لينا لازم نسرع..انا حأوصلكم ارح.. لأ ماف داعي بنطلب عربيه.. كيف ي سدين اجيي اخوكم قاعد البخليكم تطلبوا شنو يلا امشوا معه من غير كلام كتير... اي ي سدين احسن زاته عشان نصل بسرعه... اوك ارح... ودعتهم امهم و القت عليهم بوابل من النصائح و الارشادات (م تتكلموا مع زول غريب م تثقوا ف زول م بتعرفوه و انتبهوا ف دروسكم خلوا الفارغه و ابعدوا عن الناس الكعبين ووو..)... طيب طيب ي امي ارح ي جماعه.. و خرجوا و صعدوا الى السياره كانت سدين صامته و لم تنبس ببنت شفه اما جمانه ف كانت تكثر من الثرثره ف طريقه منها الى نسيان توترها من اول يوم جامعي لها.. سدين مالك ساكته؟ ( الأشخاص الصامتون يكونون مصدر للفت الانتباه ف اكثر من الصمت و قلل من الكلام... بالصمت تستطيع ان تلاحظ كثير من الاشياء التي يمكنك الا تلقي لها بالاََ و انت تتحدث بالنسبه لي الصمت مفتاح العقول)...ماف شي بسمع فيكم.. متأكده؟ ايي.. لمن امشي م تقعدي تتسيبي و م تمشي مقابلاتك فاهمه؟ و حاتابع معاك من هناك انا اشوف حاصل ليك شنو.. البعيد م زي القريب ي مهند و اكيد انت م حتكون حريص علي اكتر من نفسي.. ( اكتفت بهذا القدر من الكلام).. نظر اليها بصمت فهو اصبح يعرف م يدور ف عقلها هو الذي رباها كأب و صادقها كأخ ايصعب عليه فهمها!... خلاص وصلنا و يوم جامعي موفق😉.. و م تصاحبوا غير المزز بدور اعرس انا بعد د خلاص... عليك الله اقطع وشك ي مهند كفايه التوتر الفينا بعدين م حاصاحب غير الجعافر عشان بدورك تقعد معانا ف البيت😉... و من ثم دخلن الى الجامعه بدأن ف التلفت الى اليمين و الى اليسار ف حيره واضحه تجعل من حولهم يعرفون انهم"برالمه"... ارح نسأل قاعاتنا وين.. ارح..م بسأل لي زول من الطلبه م بثق فيهم يقوموا يبرلمونا ارح نسأل المشرفه ف المكتب.. تقوم تحرجنا لكن!.. لالا م بتحرجنا ارح.. طيب..
_لو سمحتي عاوزه اعرف قاعات معمار وين!
=اهلين.. طلبه جداد شكلكم هههههه...
_اي جداد والله و خفنا يبرلمونا😂
=و لا يهمكم انا بوريكم تمشوا طويل وتلفوا يمينكم بتلقوا قاعات كتيره مكتوب ع لافته بالجنبه معمار و فيها سهم بعداك بتعرفوا...
_تمام شكراََ ليك
اووف الحمدلله ارح يلا.. و ذهبن من حيث الوصف الذي وصفته لهن.. و لكن المفأجاه... ي بنتت لو سمحتي اقيفي ي هوووي... امشي ي سدين ارح ارح سريع د عاوز يشاغلنا.. و بدأوا يسرعن من مشيتهن.. ي جمانه كدي اصبري نشوفه عاوز شنو!!.. لالأ ارح بخاف انا والله.. طيب طيب م تقعدي تتبكي لي.. و لكن الصدمه انهن لم يجدن اي من الوصف لا علامة سهم و لا اي شيء.. و دخلن الى ذلك الباب..و لكن ذلك الشاب وقف أمامهم..
انا كنت عاوز اقول ليكم.. عاوز تقول شنو! عاوز تشاغلنا صح!!.. لأ بس... د  بس شنو؟.. د حمامات الرجال😁.. شنووو؟؟و خرج مجموعه من الشباب و نظرن اليهن ف ريبه و من ثم عم الضحك كل ارجاء المكان... قلت لي اتبرلموا ي دفعه.. و الله المشكله انه الشفع بقوا يدخلوهم جامعات و  بدأت موجة ضحك اخرى... انا بوريكم قايلين نفسكم ظراف لو راجل تعال اقيف هنا و انا بوريك اني ارجل منك.. لالا ي سدين تعالي ارح نرجع م عاوزين مشاكل من اول يوم... والله م اخليه انا حلفت فكيني فككييينننيي قلت ليك😠... سدين عليك الله انت يدوب بقيتي كويسه عليك الله ارح... والله العظيم م اخليه قلتت ليكك تعاااال هنا لو راجل تعال هناا.. جيت اه وريني حتعملي لي شنو هه.. شنوو ي مان عاوز تشتبك مع بت د م اخلاقنا لكن.. و الله م عاوز اشتبك بس عاوز اشوفها حتعمل لي شنو هههههههه... في لحظه سقط ف الارض من هول الضربه و بدأ فمه ف النزيف... سدين د شنو العملتي د واااي ي سدين اقسم بالله م حخليك حيعمل فيك مصيبة زمان انت م قدرها ارح نجررري سرريع... م حاجري منتظره اشوف حيعمل لي شنو... انت منو عشان تضربيني قايله نفسك منو!! و هجم عليها و لكن الشباب الاخرون وقفوا حاجز بينهما ي مان اهدأ م كده مهما حصل د بت م صح منك... والله م اخليها هي بتلعب معاي انا يوسف الرشيد؟؟... ارح جوا بعدين نتفاهم... م عندي معاها كلام لكن انتظري و شوفي انا حأعمل فيك شنو😉... اهدأ ي مان.. انا هادي م فيني شي بس بعد د م تطلعي براك لانه م معروف الحيحصل ليك شنو.. (الغضب يمكن ان يدمر الشخص.. سدين و هي المعروفه بغضبها الشديد و عدم قدرتها ع التحكم فيه اوقعت نفسها ف المشاكل مع اشخاص اقل م يقال عنهم انهم قذرين.. الغضب يعمي و يمكن ان يؤدي الى القتل فأياكم و التفوه بكلام اثناءه او اتخاذ قرار.. عندما يسيطر عليكم اخرجوا من المكان او اجلسوا اذا كنتم واقفون و العكس و اذا لم تستطيعوا فأصمتوا فهو خير الحلول) امشي هدد زول غيري انا م بتهدد..

حسبي الله ف العملت فينا كده هسه لزومه شنو😭.. اقعدي ي سدين اقعدي يااخ هسه غير المشاكل م جبتي لينا شي.. جمانه انا م عاوزه اخش الجامعه م عاوزه رجعوني البيت المجتمع د م بقدر عليه انا😭..