#ILYAHAAF
Original Writer: Amanda Dulagan
Genre: Sabahan Slang Love Story
Category: Love Story, 🔞🔞🔞-read at your own risk
***
A remake from the Original Writer ~ Amanda Dulagan ~
Nantikan the repost of the remake of #ILYAHAAF... Inspired by the o...
“Ok, heart… muah” ada bunyi chup kiss lagi tu… “11 ah.. My Valentine’s Sundate…” “Ok… I won’t forget bah” saya bilang… hahaha… gete oh kau, Branden… “Bye.. I MISS YOU...” Ouch, betul ka tu you miss me, Branden? Berkobar-kobar terus jiwa saya bah.. “Mmmm.. I miss you too..” deii pandai sudah saya menjawab kan.. hahaha!
~~~~~~***~~~~~~~~
Next day…
As expected, teriak-teriak sudah mummy menyuruh askar-askar dia bangun for Church….
“Babies..!! wake up you all! No grace oh bangun lambat!” oh mom! It’s just 6.30am… saya buka sebelah saja mata saya, menyilik the alarm clock on my bedside table…
Oh ya… mummy panggil kami semua babies.. tapi kalau dia sudah start panggil nama sebenar tu, berjaga-jaga lah kami tu.. ada lah yang kami buat salah…
It’s 7.30pm sudah… we are already at the breakfast table di kedai dim sum .. nyummy sau mai… after that we went to mass… Church habis tepat 10am… kami sampai rumah about 10.20am sudah…
Yeah! Sempat saya bersedi mencantikkan diri… saya agak Branden memang tunggu saya dekat bus stop where I was dropped off last week… mana lah dia tau mana satu rumah saya… kalau dia tau pun tidak kan lah dia mau ambil saya depan rumah… keluar nanti bakakuk daddy saya..
Sudah saya siap semua… kissed my mummy and daddy after minta izin to jalan sekejap… saya berjalan menuju to the bus stop… dari jauh saya nampak a white Kancil berparking di bus stop…. Famous bah Kancil time dulu-dulu kan.. sempat lagi saya silik-silik di dalam mau tengok siapakah gerangan lelaki yang berkaca mata hitam…
Aumm! Branden… handsomenya kau.. damn… Dia kasi buka pintu di front passenger’s seat dari dalam kereta…. Cepat-cepat saya masuk… who knows tiba-tiba daddy or Junior limpas…. Takut juga saya kedapatan.. hehehe…
Simple saja dressing saya on Valentine’s Day… a one shoulder top, jeans and platforms… sekarang platform kena panggil wedges.. hahaha… Branden pakai a black colour collared polo tee and jeans… Nampak tu muscle-muscle dia beii… so tagap… aummm…
Valentine’s Day lah kami ni konon….
Branden bawa saya to the beach… dekat saja pula… hahaha…. But it’s still too early, tiada sunset pun…. Jalan-jalan saja lah kami.. makan jagung, jeruk manga, minum air kelapa… ahaks… zaman dulu-dulu tu kira romantic sudah kalau berjalan-jalan di beach makan jagung..
“Sweetheart.. I bawa you go somewhere k..” Branden bersuara… suka betul Branden panggil saya sweetheart, heart, my heart… all about hearts.. belum pun kami officially couple…. So we drove off…. Teringat saya tu lagu Tanak Kampung…
Indada keritaku bawa kau jalan-jalan Rumahku pun tiada Ada pun bapa punya
HAHAHA…! So faham-faham lah… bapa dia punya kereta lah bah ni…. Relax saja Branden drive… until….
Aiks? Kenapa bah Branden drive masuk ni simpang? Awal juga dia mau hantar saya balik…? Dia drive saja sampai dia limpas tu simpang masuk kampung saya… aww… dia bawa saya to his kampung… but… umm.. yikes… baru 2nd date sudah dia bawa saya to his kampung…
STOP.. he stopped his car… dia parking depan a big house… cantic dan besar bah sangat rumah Branden ni…. Orang kaya kali dia ni kan
“Bah come lah, sweetheart… meet my parents…” Branden bawa saya turun dari kereta…
And today, baru saya dapat tau Branden has 17 adik-beradik… bukan lagi satu football team! Sama-sama pemain simpanan bah sekali! Hahahaha….. logiuts juga mummy and daddy kau ni, Branden saya bisik dalam hati saya sambil ketawa kecil… hairan Branden tengok saya ketawa sendiri… hehehe…..
Branden is the 16th antara 17 siblings…. The youngest son, and paling juga kena sayang… and he has a younger sister… No.17 is a girl…
Astaga malunya saya masa tu…. Belum ada apa-apa hubungan sudah kena bawa jumpa his parents…. Saya belum ada ticket untuk kahwin lagi bah ni….
“Mom… this is Eve... my girlfriend…” okay… di sini lah saya tau yang kami sudah officially couple… tuan punya badan pun tidak tau sudah jadi girlfriend orang…
Bukan pula Branden tanya saya duluan kan… selamba saja dia announce sama family dia ‘this is my girlfriend’…
I smiled dengan Branden’s mummy.. saya salam and cium tangan mummy dia…
Mummy Branden nampak berumur sudah.. faham-faham lah kalau anak paling bongsu pun sudah 14 tahun… Branden’s sister is in form 2 baru… some of Branden’s siblings ada yang sudah kahwin and tinggal berasingan… ada juga yang kerja di KL, JB and Singapore…. Brunei pun ada…. Merata dunia bah dorang kerja…. One of his brothers studying di utara semenanjung….
“Eee… tiada lah aunty… “ malu-malu lagi saya kena panggil alawa…. “Bah go lah you all.. ada sudah daddy masak..” andu bah so sweet… daddy Branden yang masak…
Alalah… terus saya terimagine kalau saya kahwin sama Branden ni, dia lah yang masak untuk saya… Awww.. so hot cooking husband!
Walaupun saya sudah kekenyangan, tapi saya tidak mau juga mengguris hati mummy and daddy Branden… so kami makan lah beramai-ramai together…. Lepas makan kami bercerita-cerita…. Banyak lah saya kena tanya.. about school, family… kenapa muka saya macam ala-ala Hindustan pun ada… Aik… tidak pula saya tau muka saya macam Hindustan… saya tau lah hidung saya mancung.. tu saja pun… hahaha…
Mau juga saya jawab sebab daddy saya Pakistan sana kedai runcit dekat padang kampung anu…
Jahat kau, Eve… jangan juga kau mau kasi main-main orang tua…. Hahaha….
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
