Unwanted Lover

XXV

Unknown PoV

Kararating ko lamang dito sa bahay. Pinatawag daw ako ni Master Halgo kaya naging maiksi ang pagkikita namin ni Akumi. Alam ng Diyos kung gaano ko gustong ikwento lahat sa kanya , pero for the meantime ang tanging pwedi oo lamang sabihin ay kilala ko sila at poprotektahan ko sila.

Kating-kati na ang dila ko para ikwento lahat sa kanila kung hindi lamang makakasira sa plano. Alam ko kung gaano nila ako kinamumuhian. Paano ko nalaman? Lagi akong nakasubaybay sa kanila. Lahat ng pangyayari sa buhay nila alam ko. Alam kong nabuhay sila sa malaking kasinungalingan. Yung panahong may nagpadala ng pugot na ulo na manika sa kanila alam kong mga tauhan iyon ni Victor. And I was the one who killed it.

Hindi na bago ang pagpatay sa akin , ipinanganak kaming ganun. Minulat kami sa ganung buhay. Pinalaki kami sa ganitong paraan. Kapag nakapasok ka sa grupong ito wala ng alisan, wala ng atrasan. Pero ginagawa lamang namin ito kapag alam naming tama. Pinalaki kaming nakahawak ng baril at kung ano-anong klaseng armas pero ginagamit lamang namin ito kapag naaagrabyado kami.

"Yuki, hanggang kailan mo ba itatago ang katotohanan sa kanila? Marami ka ng nagawa sa kanila. Hindi ba ito ang tamang panahon para sabihin sa kanila ang lahat?" ilang beses na akong pinilit ni Master Halgo na umamin sa magkapatid. Pero kagaya ng lagi kong sinasabi makakasira lamang iyon sa plano.

"Alam mo naman ang isasagot ko jan, Master. Makakasira lamang iyon sa plano. Kapag nalaman nilang ako si Yuki , sigurado akong gagawa sila ng paraan para mawala ako sa landas nila at kapag nangyari yun magagaya sila sa mga magulang namin. At hindi ko hahayaang pati sila mawala sa akin."

Lumaki silang ako ang inaakalang pumatay sa mga magulang nila. Pero paano ko gagawin iyon? Kung limang taong gulang pa lamang ako ng mamatay ang pareho naming magulang. Paano ko magagawa iyon sa taong mahal?

"At least ang katotohanang hindi ikaw ang pumatay sa mga magulang nila. Lumaki silang kinamumuhian ka. Paano kapag nalaman nilang ikaw si Yuki? Kahit kay Akumi lamang. Alam kong maiintindihan ka nila." minsan talaga ay nakakainis na itong si Master. Siya ang nagplano ng lahat tapos kukulitin niya akong sabihin ang totoo? Nagbibiro ba siya?

"Siguro kapag natapos na lahat ng problema at naubos na natin sila Victor." huling sinabi ko pagkatapos ay umakyat patungo sa kwarto ko.

Kahit ako ay hindi ko alam kong  paano ko sasabihin sa kanila. Gusto ko sa time na iyon, ayos na ang lahat wala ng Victor ang mananakot at makakapatay.

-
Jiyo PoV

Lunes na. Parang ang habang weekends ang lumipas. Mabuti na lamang at katext ko si Margaret ganun din ang tropa.

Buong magdamag akong walang tulog kaya di na ako magtataka Kong magmukha akong zombie na walang tulog.

Maingay na ang room ng pumasok ako. Halos tungkol sa aquintance party sa Friday ang naririnig ko. Oo nga pala sa biyernes na iyon. Hanggang ngayon ay wala pa akong susuutin dahil wala naman akong balak na pumunta lalo na at si Ryumi ang kapartner ko. Buti sana kong si Margaret ay hindi ako nagdadalawang isip na pumunta.

Natapos ang kalahating araw na puro paalala sa aquintance party. Discussion lang din ang naganap. At bukas ay magkakaroon na naman ng quiz sa lahat ng subject namin ngayong umaga. Talagang hindi naaawa sa amin. Linggo linggo atang nagpapaquiz. Kailangan ko ng matinding pag-aaral mamaya sana lang ay walang istorbo.

"Uy, ano? May susuutin na ba kayo para sa Friday?" tanong ni Merds ng maihatid ang pagkain namin. Lunch break na kasi. As usual parang fiesta na naman ang lamesa namin.

Kasama na din namin si Margaret kumain. Bale lima na kami ngayon sa pwesto namin. Ang nakakainis lang e ako at si Margaret ang naging tampolan ng asaran ng tatlo na to. Lagi akong nilalaglag ng tatlo na to lalo na ang tungkol sa pagkakaroon ko ng gusto kau Margaret. Hindi pmba pweding ilihim?