الرواية/صغيره على قدري🧸💔
للكاتبة/Doremy
_____________________
-
💙قـراءه مـمـتـعـه💙
-
الحلقة السادسة عشر:
يوم جديد
نضت لقيت روحي راقده فحضنه وضاغط عليا لين مقدرتش نتحرك
استسلمت وسرحت في عيونه المغمضات وملامحه الهاديه ورموشه النازلات
قعدت نفكر زعما رح نندم ؟ وهلبا حجات يدورو في بالي لكن بمجرد ما فتح عيونه وشفتهم خدو تفكيري وعقلي كله
اكتشفت ان مهما حاولت نهرب منهم مش حنقدر حاجه واستعمرتني خلااص ❤️
معتز:مبتسم .. خيرك؟
اني:سارحه فيه
معتز:نحبك
اني:ابتسمت بشويا
معتز:قام يده وحول قصتي من علي وجهي .. نحبك يا حلوه
اني:ابتسمت وطبست راسي ع رقبته ونتكلم بهمس .. مش حتخليني نندم ولا؟
معتز:قام راسي بصبعه وهوا مبتسم باسني جنب فمي بهدوء وناض وقف
اني:يبست فمكاني ومصدومه وفرحانه في نفس الوقت
معتز:خدي دبشه وخش يدوش
اني:نضت رتبت السرير ودرت قهوة معتز وكاكاو سخون لان الجو كان جموود
وتيت حجات مكرونة البشاميل وحطيتهم ع الرخامه
وخش معتز لاف الفوطه ع خصره
معتز:متكي ع الباب .. صباح الورد
اني:قعمزت ع الكرسي التفتتله .. صباحوو
معتز:قهوتي واتيه ولا .. وجي قعمز قدامي
اني:توا متحسش بي الصقع ولا غير اني؟
معتز:خدي رشفه .. عادي مدورينيش
اني:مش تنوض تلبس خيرلك؟
معتز:خايفه علياا😉؟
اني:شاده ضحكتي .. معاش تشوفلي هكيي
معتز:ضحك .. علاش؟
اني:حركت كتوفي .. مشعارفه هك
معتز:اتس اوكي تو تتعودي علي نظراتي ودوتي وكلامي الفاسد
اني:حطيت يديا ع خدودي ومرافقي ع الطاوله .. علاش تحب تقول علي نفسك كلام اخي؟
معتز:حط المق .. هادي الحقيقه
اني:لا مش هادي الحقيقه كل واحد فينا يقدر يكون زي مهوا يبي وزي مهوا يحب مفيش انسان ملزوم يمشي بالكلام يلي ينقال عليه
معتز:بابتسامه متنفهمش وعيونه معلقات فيا خدي مني مق الكاكاو متعي وشرب منه وحطه قدامي وناض وقف
معتز:طبس علي ودني ويتكلم بهدوء .. ومن قالك اني معدل علي كلام حد ولا حاسب حد؟ معتز ولد عيسى السلطان يدير الي يبيه وولا مخلوق يقدر يهمس
اني:التفتتله بنتكلم قاطعني بي بوسه خفيفه ع شفايفي نستني الي بنقوله
اني:تصنمت ووجهي تلون ومعش لقيت نفس
دارلي زحمه ودوشه في عقلي وقلبي وطلع من الكوجينه
ما فقت الا على صوت تلفوني يرن
شربت اميه ورديت .. ءء ايواا
خ ورده:صباح النور بنيتي شن حالك
اني:صصباح الخيرات اني كويسه انتي شن حالك
خ ورده:الحمدلله بنتي مبنطولش اعليك غير بنقولك بس
اني:انشاءالله خير
خ ورده:قتلك هادم صحابنا عيت#### دايرين عرس بنتهم وولدهم ومناديينا وراهو لازم تمشي ايواه
اني:حاضر انشاءالله غير نسأل معتز بس
خ ورده:يحضرلك الخير واسمعي بنتي مضنيتش يقولك لا لاكن تو نكلمه حتى اني نعرفه ولدي اهوا عنده عفسات
معتز:خش للكوجينه لابس والدخان في فمه
اني:برمتله .. باهي تمام
خ ورده:هوا قاعد ولا طلع توا؟
اني:لالا اهو كيف بيطلع
خ ورده:اعطيهولي
اني:حاضر .. مديتله الهاتف .. هاكا امك
معتز:ايوا ياام
خ ورده:صباح النور وليدي
معتز:صباحك عسل
خ ورده:عزو حبيبي بنقولك
معتز:نفخ الدخان .. اي؟
خ ورده:عيت#### مدايرين عرس بنيتهم ووليدهم وعازمينا
معتز:اي وعلاش تقوليلي؟
خ ورده:ماهو حتى جنى بتمشي معااي
معتز:التفتلي .. اها اوكي وعادي تمشي
خ ورده:سلم ولدي وحتى انت باش تحض....
معتز:قص عليها .. لالاالالااا عارفتيني لا نحب جو الاعراس لا المناسبات الاجتماعيه ولا القطاف اهواا متاع جامل فلان واضحك لعلان
خ ورده:تي بووك مسافر وعيب انتو الزوز متمشووش
معتز:نمشي ندير عركه ونبات في المركز ليله هكي تبي ولا؟
خ ورده:حطت يدها على راسها .. يعني مسكر راسك
معتز:اني قتلك نمشي ندير مشكله وتوصل للشرطه
خ ورده:تنهدت بقلة حيله .. باهي باهي متمشيش غير اعطيني جنى نكلمها
معتز:تمام انتي لوطه؟
خ ورده:لالا ف الصالون
معتز:اوكي .. مدلي الهاتف
اني:ايوا خالتي
خ ورده:تو لما نروح نكملو هدرزه بنتي هي بسلامه
اني:باهي بايات
معتز:طلع للممر يلبس في سبيدروه .. البلي الاحرف
اني:علاش متبيش تمشي؟ متعاركين؟
معتز:قام راسه ويربط في السبيدرو .. من هنايا ميخشولييش
ويأشر ع رقبته
اني:مكتر مشاكلك
معتز:وقف ويساوي فروحه على مرايا المدخل .. ناس تبي ربايه شن نديرولهم هي؟
اني:عطيهم طريحه مليحه وبات فالحبس ولا؟
معتز:ضحك .. اييوواااهه
اني:ياساتر يارب
معتز:يضحك بشويا وواقف قدامي بزبط
اني:قايمه راسي .. هي برا توكل علاش واقف؟
معتز:قرب مني لين لصق فيا .. شورني بنفوتهم ونكسدلك😉
اني:غمضت عيوني بقووه وابتسمت .. باهي برا ابطح الي تبيهم واضربهم وريشهم ترييش لاكن اطلع بس
معتز:بنضره تقتل .. تبيني نطلع؟
اني:نزرط .. ءءء الشغل ءه شغلك!!!
معتز:اوكي .. وخر شويا وبرمني لمرايا المدخل وحاط راسه على كتفي .. باللهي شوفي روحك كيف حمرا متحشمه
اني نرعش بنموت من الحشمه وهوا يوزع فالابتسامات ويبوس في كتفي
معتز:قام راسه ويهمسلي ف ودني .. اني بنطلع ومتنسيش ان نحبك
ووخر فتح الباب
اني:حاولت نمسك روحي منسيحش بين يديه
تنهدت بشويا وابتسمتله .. معسلامه
معتز:طلع فرحان حاس بالنصر
وصل للشركه وبدي يشتغل ...
.
.
في حوش اهلي
خ ايمان:مكلماتكش اختك اليوم؟
لجين:اما وحده فيهم؟
خ ايمان:جنى بسلامتها
لجين:لا والله
خ ايمان:هالبنيه شاغلتني
لجين:مافيها الا كل خير امس كلمتها وامورها تماام
خ ايمان:خدت رشفه من الشاهي .. ايييحح مصدقه انتيي
لجين:استغربت .. كيف؟
خ ايمان:ضربت يديها في بعضهم بحسره .. هيهييي هالبنيه قداش بتعاني
وسكتو الزوز ..
لجين:خالتي
خ ايمان:التفتتلها .. نعمين
لجين:بصراحه هكي ولد اختك يصلح بي جنى ولا لا؟ برايك انتي نقصد
خ ايمان:سكتت كأنها تفكر بعدين ردت ..
ولد اختي اهواا الي فقلبه على لسانه وتقدر تصارحه تقولهاله فوجهه حكايتنا هادي نهايتها شنيي؟؟ وهوا لاونه فالقلها الشكاره كلها ماهو نوعيته يحدف الكلمه فوجهك لا يلف لا يدور ودغري طول
لجين:عيونها دمعو وخنقتها العبره .. ياخالتي اني ولا مره فحياتي نشوف اختي هادي بدات في موقف هكي يديها مربوطات وكاتمه في قلبها الدموع فعيونها ومش قادره اطلعهم
ومعاش قدرت تتحمل لجين وبدت تبكي بالشهقه وايمان خدتها فحضنها واطبطب عليها وتواسي فيها
خ ايمان:يابنيتي جنينه ماينخافش عليها وسيورها تنحل هالمشكله
لجين:تبكي .. عمري فحياتي ماساعدتها وهي طول عمرها واخدتني تحت جناحها وتخاف عليا من نسمة الهواء واني نشوف فيها متمرمطه وماشيه فالرجلين وغاصرتها فرقبتي وساكته
وتبكي لجين وتبكي لين تقطع القلب
خ ايمان:خلااص ياسرك من البكي شن في يدك اديري انتي
لجين:ترشف فخشمها .. وين نعلم انيي نبي نساعدها بأي شكل ومنيش قاادره
وقعدت خاله ايمان تواسي فيها
.
.
اني:من فرحتي محسيتش بروحي الا ماسكه هداكا الهاتف ونتصل بي لجين نبي نخبرها ..
تررن ترررن
لجين:تمسح فدموعها .. عمرها طويل اهو تتصل
خ ايمان:ابتسمت وهيا تمسح على شعر لجين .. امسحي دموعك سلم بنتي ومترعشيش وخيتك مش ناقصها هيا
لجين:حاضر
الووو
اني:صباح الورد والحجات الحلوه
لجين:ضحكت .. صباحك سكر شنو الروقان اهوا؟
اني:ترا حزري فزري
لجين:تنهدت من قلبها بفرحه والتفتت لايمان
ايمان:ابتسمتلها وطلعت من الكوجينه
لجين:اامممم بتجينا اليوم؟
اني:نضحك .. غلطط
لجين:ااممممم شنوو والله معرفت!!
اني:غمضت عيوني ووطيت صوتي .. يحبني
لجين:بسم الله من هوا؟ 😳
اني:منو الي بيحبني غير واحد ترا😒
لجين:شش ششادي؟
اني:زمريي
لجين:مالا منييي؟؟ نهارك اسود والطرطور الي واخدك شن قاعد يدير
اني:🤦🏻♀️نقصد معتز معتز معتززز
لجين:ستاكت .. ءه كيف؟ قصدي منو مسمعتكش؟ معتز؟
اني:اي اي زي مسمعتي معتز ماغيره
لجين:عيطت بفرحه .. ههيييييي يحليييلي طاح على وجهه طرف البكلاوه
روزي خاشه للمطبخ مخلوعه من العياط وعمتك لجين ما هنت روحها وهيا يحليلي الشخصيه يحليلي الجمال
روزي:شن فيييي؟؟ خيركك؟
اني:ههيي هادي روزي؟
لجين:تي فوتي روزي وكل شي وتعالي جاي احكيلي كيف صاار بتفصييل
روزي:حاشيه ودنها مع لجين تتسمع .. جنووو؟؟ ستاحشتك يا بنتت
اني:روزا ياقلبي شنحالك؟
روزي:مليح اني انتي شنو جوك مع زوجك ؟
لجين:تجبد ف الهاتف من ودن روزي .. اسكتي اسكتي خليها تحكيلنا شن صاار
روزي:فتحت المايك .. هي تكلمي شنو صار؟ على شنو تتكلمو؟
اني:بديت نلكلك وخايفه كان تسمع روزي ولا وسن ولا ايمان اني قاعده بنت ومقربش مني نهاري احرف
لجين:الووو وينكك؟
اني:ءه ءااا مصارش شي قالي نحبك وخلاص
روزي:منووو؟؟
لجين:معتز معتز
روزي:ضحكت .. الروماانسييي
اني:هههههههههههههه عاد روزي والحب قصه
روزي:تنهدت ويدها علي قلبها .. عمره ما حيحس بيا اعرف اني
لجين:حتى سمير تلقيه طايح علي وجهه لاكن متحشم😂
روزي:مستحييل
اني:اففففف انتي وياها اسمعو بنصكر اني تو نجيكم بعدين ولا غضوا ونهدرزو ونحكيلكم بتفصيل
روزي:اوكي اوكي
لجين:لاااااهه علاش به؟ خزي عليك
اني:عبيطه انتي؟ ميجيش نقوللكم هكي في الهاتف خلي لين نكونو فيس تو فيس خير
لجين:باهي به
روزي:باااي ديري بالك على نفسك
اني:حاضر هي سلامات
لجين:سلاام وزيدي خليه يطيح فيك
اني:صكرت منهم واني خايفه لجين تزلق فالدوه وتفلق الشكاره
.
.
في الشركه
خش احمد زي الثور الـملبوس لي مكتب معتز لا احم لا تستور
احمد:بصوت عااالي .. شديتككك
معتز:كان سااارح في عالم ثاني نط مخلوع من احمد ..
بسم الله الرحمن الرحيم
احمد:صايخ يضحك
معتز:حدف عليه البيرو .. برا يا عنبو&&$$
احمد:ميت ضحك .. الي واخد عقلك يتهنى بيه
معتز:ضحك .. متفه راسك
احمد:بالله عليك تقولي فشني كنت سارح؟
معتز:ابتسم ويشوف قدامه .. كان نقولك حاجه مش حتصدق
احمد:صلح تقعميزته .. خديت الاوراق!
معتز:عطيني اسبوعين وتلقاهم عندي كلهم
احمد:ابتسم .. كيف صار؟
معتز:بنته وقدرت نجيبها لي صفي توا مش مازال غير نرتب اموري والطريقه الي بنجيب بيها الوراق وااتيه
احمد:وشني الطريقه؟
معتز:.........
.
.
اني:اتصلت بي وسن باش نقوللها ان بنتلاقو في حوش بوي
تررن تررن
وسن:الووو
اني:اهلاا وسونه شن الاخبار
وسن:اهلين ياقلبي الحمدلله خير شن حالك انتي
اني:حالي باهي اني غير بنقولك
وسن:اييه؟
اني:بنجي لحوش بوي مشعارفه بعدين ولا غضوا علي معتز قلت نقولك باش تعبي بالجي
وسن:البختت اني نوتي فدبشي باش بنمشو للشرق غدوا احني
اني:ااييحح علااش باهي
وسن:هادا هو عمتي مكرشه في ولدها تبي تشوفه
اني:مبرد وجهها شن بدير بيه ولدها
وسن:هادا هو شن بديري هي
اني:خساره كنت نبي نلتمو باهي متقدريش تجي بعدين؟
وسن:صاعب هلبا والله مانقدر
اني:باهي خيرها في غيرها وتوصلو بسلامه يارب
وسن:انشاءالله ومتزعليش روحك
اني:ضحكت .. لالا منيش زعلانه هي نخليك تكملي حوستك بسلامه وسلمي على جهاد والصغار
وسن:يوصل انشاءالله سلامات
صكرت من وسن ودرت دوره ع الشقه والكوجينه وحطيت طاجين البشاميل في الكوشه
خشيت دوشت ولبست قونه قصيره فوق الركبه مكسره وكاروهات
وعليها توب صوف صفرا وكمامها طوال وحطيت الخُف في رجليا وبديت نحوس ..
.
.
معتز:وهادا الي حيصير
احمد:يشوف لمعتز .. يا ولد اللذين شن الافكار الجهنميه اهيا
معتز:هههههههههه نعجبك
احمد:بخبث .. وبتسيب البنت الصاروخ الي عندك هكي بلاش😉
معتز:يشوفله بنفس النظره .. الصاروخ الي عندي طااح ونعرف كيف نستغل طيحته😉
احمد:يضحك .. ياودي شوره طاح عليك جابك مدروخ
معتز:انسند ع الكرسي .. ميدروخني شي اني غير الويسكي
احمد:ربي يستر وميجيش يوم يدروخك فيه الصاروخ بدال الوسكي
معتز:خيرعمك انت شادها فجرتي صاروخ ما صاروخ يارا انشالله يفجر راسك
احمد:ههههههههههههههه تو تشوف وقول احميدا ماقالها
معتز:تقعد من كرسيه .. نوض اقلب وجهك نوووض وانت موليلي زي ام زكي
احمد:ناض وعيونه دمووع من الضحك .. اوكي اوكي ريلاكس ريلاكس
معتز:خدي المقلمه من الطاوله وحدفها فيه .. ريلاكس في ز&$# يا فا&\#
احمد:طالع من الباب .. لسانك مولي صايع بزياده هالايامات😂 يا عازة عمي عيسى بالله مفروض بالزقيا يعطي فيك
وطلع يجري هرب
معتز:سند راسه ع الكرسي .. مجنون وراس امي
فات الوقت ومعتز يدرس فالخطه الي دايرها باش يجيب الوراق الي ماسكهم محمود علي بوه ، وكانت خطه جهنميه
.
.
في حوش عيسى
روحت ورده من الصالون ع الظهر وبعدها بشويا خشو سند وساره
في الصاله ..
خ ورده:يوم الاربعا مدايرين حفله ولازم تمشو باعتيلكم حتى الكاردس
ساره:ياماما بعد غضوا نبي نمشي لصاحبتي منبيش العرس متاعكم اهوا
خ ورده:معناها بري معايا غدوا الثلاث ايوه
ديمه:اي شن تبي فيها صاحبتك تتلاقي معاها ف الكليه لاكن العرس بيفوتك
ساره:لالاا ضروري نمشي
خ ورده:بري بعد غضوا معانا للحفله ومن غدويتها بري لحوش صاحبتك مشادك حد
ساره:اايييححح شن هادا
خ ورده:تحشمي علي وجهك المرا جتنا هي وبناويتها وكناينها في عرس عزو وقامو القدر علاش تبو تقشرولي وجهي معاها وراجلها صاحب بوكم
ساره:😒بلاده
خ ورده:ما بليد الا انتي وحتمشي غصبن عنك بري هي حطي لوجهك ماسكات شوفي الارهاق تحت عيونك من السهر
ساره:معناها هي نبي فلوس بناخد قفطان نمشي بيه
ديمه:ووك ووك في عرس عزو مخليتي ما عرمتي وتوا تبي قفطاان مصح خليقتك
ساره:متدخليش انتي سكري فمك
خ ورده:خلي تشري المهم تفكني من وجيجها اني لابنعطي فلوس لا شي
ساره:شنييي؟ مالا منين بناخد؟
خ ورده:بوك كاتبلك شيك قبل لا يسافر ديري رايك
ساره:قال بابا متقطفوش بيهم الا كان حاجه ضرريه
ديمه:مدامك عارفتيه قطاف علاش تبي فلوس؟
ساره:اسكتي انتي خير من نهارك احرف
خ ورده:اي كلامها حق مدامك عارفتيه قطاف علاش اديريه؟ مصح وجه الحي ياربي
ساره:معاش نبيه القفطان تو نحط اي خرقه عليا ونطلع .. ومشت للكوجينه
خ ورده:بصوت عالي .. بشوي عالتلاجه را تكمليها وانتي لما تتعصبي تصبيه كله فالماكله
ديمه:بصوت واطي وغالبها الضحك .. ياروحي عالتلاجه
خ ورده:شاده ضحكتها .. خلي اختك فحالها واسكتي
ديمه:😂 باهي سكتت
خ ورده:اتصلي بي نويره قوليلها ع العرس وراهو بعتولها بطاقه معاي اني
ديمه:مش قلتيلي اسكتي؟
خ ورده:فنصت فيها .. اتصلي راه انوضلك
ديمه:تضحك .. باهي باهي
الخط يضرب
ديمه:يام البطاقات عطوهملك في الصالون؟
خ ورده:اي جتني بنتهم الكبيره زهور
ديمه:وقلتي لجنى؟ ماهو عزو مرات ميخليهاش!
خ ورده:اي من بكري كلمتها، شوفي اختك يافرخه الخط يضرب
طوط طوط
ديمه:مشغول يطلع في ابصر مني تكلم
خ ورده:شوي وعاوديلها عطيها علم
ديمه:حاضر غير قوليلي شن قال عزو؟
خ ورده:شن بيقول متلا؟ طبعا قال منيش ماشي غير بيحطنا بس
ديمه:اي والله اريحله من يدير مشكله هك كبرها ولدك وتعرفيه عاد
خ ورده:وخيره وليدي ياحنه؟
ديمه:ياماما علي مني بتغطي ماهو كله واضح مشاكله وما مخلي حد فحاله وقداش مره يبات فالحبس
خ ورده:عويينه هادي عيون النااس بري بري اندمري ولا كولي زي اختك نوضي من قدام خليقتي
ديمه:استغفرالله شن قلت اني؟
خ ورده:فنصت .. نوضي منوض
ناضت ديمه حتى هي للكوجينه وساره تتسهوك عليها
