رواية: صغيرة على قدري
للكاتبة: Doremy
زي ما وعدتكم وفيت بوعدي ونزلتها..انشالله ترضيكم الحلقة لأن بجد نكتب فيها ونفسيتي شبه مدمرة ومعنوياتي تحت الصفر علي خاطر الحلقة١٧ امتسحت مني😭 ومعاها حلقتين ١٠ و١٤ بس هادم عندي نسخه منهم في المذكرة..الحلقة١٧ لأن كاتبتها مؤخراً ملحقتش ننسخها وامتسحت من الواتباد بالغلط.. أرجوكم يا بنات بالك وحده منكم عندها الحلقه او دايره سكرين او حافظتها عندها تجيني عالخاص بليييز لأن معنوياتي هااابطه+حنزل الحلقات ١٠و١٤ لأنهم عندي...
_____________________
_
قراءة ممتعة☹️
_
الحلقة التاسعة عشر:
#فلاش باك#
الصبح..
خديت طاسة اميا دوبت فيها الحبه وصبيتها كلها في اللوندينو...التفتت لقيت معتز واقف عالباب!!!!!
معتز:يسكر في جاكيته بالسوسته.. قهوتي واتيه؟
اني:من الخوف لين قلبي بيوقف.. ءءءااه ءءء
معتز:قام راسه فيا.. خيرك ستاكيتي؟
اني:زمطت ريقي عرفته مشافش شي.. ءءها ءءاا لا شي سرحت بس شن قتلي؟
معتز:القهوه القهوه
اني:عطيته المق.. ءءءا اهيا اهيا القهوه
معتز:خداها ومستغرب.. خيرك انتي اليوم؟
اني:انييييي؟؟ لاااا شي مفيش شي لالااا الامور تمااامم مليحه بكلل
معتز:اوكي اوكي بشويا فهمت
اني:بضحكه صفرا.. هههههه ايي
معتز:ماشي تمام اني طالع
اني:تت تمام سلامات
طلع معتز من الباب واني معاش قاموني رجليا من الرعشه قعمزت عالكرسي ويدي ع راسي...قريب رحتي فيها يا جنى قريب انتهيتي
#نهاية الفلاش باك#
اني:ماسكه البيبي ونبوس فيها.. عممري محلاها معتز شوف
معتز:حاط يديه في جيوبه ويتفرج.. ايه صغيره بكل
اني:مبتسمه ونشوفلها.. شوفها مقنينتها تتاكل زي الحلوى
معتز:باهي وانتي بتهبلي فيها
اني:مبتسمه.. محلاها ياربي نبي زيها
معتز:شافلي وطبس راسه ع البيبي باسها بسرعه ووخر
اني:مفهمتش خيرك اني تقول خايف منها
معتز:حط يديه فجيوبه.. منحبش الصغار فلعمر هادا نخاف منهم
اني:شديت ضحكتي بسيف.. توا معتز طول بعرض يخاف من البيبي؟
معتز:شافلي بالجنب.. مش نخاف منهم بالمعنى الحرفي يعني نخاف نمسكهم انطيحهم ولا يتكسرو عظامهم بين يديا ولا يموتو ولا يص........
اني:قاطعته.. خلاص خلاص اللفجي عليك شن الرعب هادا معاش تمس الصغار انتا بكل ع هالحاله
معتز:بتقزز.. ومن قالك بنمسهم اصلاً وهما كأنهم لحمه حمره تي شن هالقرف
اني:فنصت.. هيييهه ملايكه هادم معاش تقول هكي
معتز:ت باهي باهي سقديني اعطي البنت للممرضه خلي ادخلها
اني:شديت يدها بصبعي.. لاااءء نبيها
معتز:نفخ بملل ومشي نادا ع الممرضه جت دخلتها للحضانه واني معتز جبدني بلغصب باش خشينا لغرفة نور الي كانت راقده من ابرة المنوم .....
زرقت اني ومعتز عالحوش بسرعه جبت شنطة البيبي وجت معانا ديمه كانت الساعه ٢ونص.....
فاقت نور ع اذان الفجر بالضبط وقعدت معاها اني وديمه ومعتز في السيارة لوطا .... ع الساعه٧ اتصلت بخالتي وعطيتها علم.....
