إنتقام الملاك الاسود

الفصل السابع

تفتكر ملاك لما خرجت من القصر بسهوله من غير ما حد يشوفها وراحت لمكان مجهول فى منطقة راقيه ومهجوره فى شقه متوسطه طلعت مفاتحها ودخلت لقت الداده اللى المفروض مقعداها مع جودى قعده قصاد التليفزيون بتتفرج ونايمه على الكنبه واول ما شفتها قامت بسرعه وقالتلها : اهلا يا ست هانم نورتى

ملاك ببرود : فين جودى واخبارها ايه

الداده بتوتر وكذب: كويسه خالص يا هانم وبصحه كويسه واكلت ونامت

ملاك: اممممم هشوف بنفسى

الداده بسرعه: هخش اجبهللك يا هانم

ملاك بحده: هجبها انا بنفسى

وتخش ملاك اوضة جودى تلاقيها كلها زباله وريحتها وحشه ومكركبه وتدور على جودى متلاقيهاش فتطلع وتقول بحده: جودى فين وتزقها على الارض
وتدور عليها وتخش البلكونه تلاقيها نايمه على الارض ولابسه هدوم خفيفه فتروحلها بسرعه بقلق وتشيلها وتقولها جودى جوجو حبيبتى اصحى فتصحى وتبص لملاك وتعيط وتقول لملاك وحشتينى اوى يا ملاك سبتى جودى ليه

ملاك بحنان : معلش يا قلبى انا جيتلك اهوه

وتبصلها ملاك وتلاحظ خدوش فى وشها وركبها متعوره وشعرها منكوش ومتقطع

ملاك بغل : مين عمل فيكى كده يا حبيبتى وليه هدومك خفيفه كده

جودى ببرائه: الداده لما مبرداش اكتب الواجب بتشدنى من شعرى جامد وبتقطعه وبتقولى انى لو قلتلك هتقطع جسمى بالسكينه

ملاك بهدوء مصطنع: وعملتلك ايه تانى يا حبيبتى

جودى ببكاء : بتضربنى جامد على وشى وبتضربنى بالعصايه على رجلى وبتعورنى كتير انا مبحبهاش يا ملاك خليها تمشى وانا مش هعمل حاجه اهيه اهيه اهيه😭😭😭😭😭😭

ملاك بحنان وهدوء مصطنع : قومى معايا يا حبيبتى وتخدها ملاك وتخش بيها الحمام وتشوف الجروح اللى على رجليها فتحمر عيونها من الغضب وتقلعا الهدوم المتقطعه وتلبسها فستان جميل وتسرحلها شعرها وتبصله بحزن على تقطيعه وتحطها على السرير وتقولها : بصى يا جوجو انا هاخدك معايا مكان كبير وحلو بس مش عايزه شقاوه ومش انتى بتعتبرينى ماما

جودى ببرائه : ايوه عشان بابا قالى انك انتى ملاكنا اللى بعتتهولنا ماما

ملاك : ايوه يا حبيبتى عشان كده بابا مبسوط منك خالص

جودى ببرائه : هو بابا راح لماما يا ملاك

ملاك بحزن : ايوه يا جودى هو دلوقتى عند ماما وهما الاتنين دلوقتى عند ربنا وبيبصوه عليكى من السماء وتشيلها ملاك وتخش البلكونه وتشورلها على نجمتين جمب بعض فى السماء وتقولها دول ماما وبابا

جودى ببرائه: هما بيشفونى من فوق وبيسمعونى

ملاك : ايوه يا حبيبتى

وتلاحظ ملاك ان جودى بتنام على كتفها فتاخدها وتنيمها على السرير وتغطيها كويس وتقفل الباب عليها بالمفتاح وتطلع وتبص للداده بابتسامه مريضه وتلوى راسها ناحية اليمين وتطرق ايديها وتقولها انتى عارفه انتى عملتى ايه

فتركع الداده على ركبها ببكاء وعويل وتقلها سامحينى يا هانم سامحينى انا انا كنت بس بربيها

ملاك بضحكه مريضه : ايوه بتربيها بتعذيبها زى الحيوانات انا بقى هربيكى شبها وتمسكها من رقبتها وترفعها بايديها لدرجة ان رجليها اترفعت من على الارض وترميها على الترابيزه الازاز لدرجة ان الازاز دخل فى جسمها وتقف ملاك على بطنها وتقولها تأذى طفله ازاى إن مكنتيش واحده حيوانه والحيوانات بيموتوه كده وتجيب ملاك سوط كبير وتضربها بيه لمده ساعه وترميه على الارض جمب جثتها وتجيب ملاك ميه بملح وتكبها عليها فتصحى بصراخ فتطلع ملاك فلوس وترميها عليها وتقولها مشوفش وشك بعد كده المره الجايه هموتك فتقوم الداده بصعوبه بالغه وتاخد الفلوس وتخرج

وتخش ملاك الاوضه اللى فيها جودى تلاقيها لسه نايمه وتحمد ربنا ان الجدران عازله للصوت وتشيلها ملاك وتنزل وتحطها فى العربيه وتركنها فى جراچ مول وتاخد چودى اللى صحيت وتقعدها فى مكان مخصص للاطفال مع اصحاب المكان وتسيبها وتطلع من المول وتروح شقتها تلبس بنطلون اسود جلد وجاكيت جلد اسود تحته بدى اسود وتلبس كاب اسود وتاخد شنطه سوده متوسطة الحجم وتطلع على قصر راقى جدا متحاوط بحراسه عاليه جدا و بعد خمس دقايق تكون ملاك جوه اوضة نوم راقيه جدا بعد ما اخترقت كل اجهزة الامان وتقرب ناحية السرير اللى نايم عليه راجل واضح عليه انه صاحب القصر ده

فتروحله ملاك وترش عليه مخدر فيتخدر جسمه كله وتربطه باحبال سميكه بعديها تديله حقنه فيبتدى يفوق فيلاقى نفسه قاعد على كرسى قصاد السرير ويبص على السرير بصدمه يلاقى ملاك نايمه مكانه وماسكه مسدسه وتقوله : عارف انك ظالم فحاطط مسدس تحت المخده توء توء توء معلش بقا قلقنا نومك بس تقول ايه بقا ساعة الحساب جت

اعرفك بنفسى مساعد عزرائيل ووبحركه سريعه تجلس قصاده بالظبط وتهمس جمب ودنه : جايه اخد روحك

ويبصلها برعب ويبلع ريقه ويقولها ................

🙂🙂🙂🙂🙂🙂🙂🙂🙂🙂🙂🙂🙂🙂

اتفاعللللللللللللللللللللللللللللللوه 

يا جماعه قولوا رائيكم فى الروايه يعنى حلوه وحشه 

اكتب تانى ولا ملوش لازمه