"نظر حسن إلى السُرة مرتبكاً مبتسماً"
حسن: اولاد عم صالح..!!
السُرة:اي اولاد عمك صالح يا حسن وخصوصي عائشة
حسن:بتلمحي لشنو يا حبوبة؟!
السُرة: أنا برضو البلمح،نظراتك ليها قبيل كانت فاضحاك ماف زول لاحظ ليك غيري
حسن:امممم متابعاني إنتي يعني
السُرة:هههه ابدا يا ولدي بس الريدة الكنتا بشوفا في عيون جدك لي ظاهرة في عينيك لعائشة.
حسن:عمي ح يوافق؟؟
السُرة:لو جيت بالدغري أظنك عارف صالح كويس وعارف تربيته لبناتو.
حسن:اي عارف ونعمه التربية.
السُرة:خلاص أمشي بالباب عديييل واقعد قعده رجال وقول دايرها
حسن:بس هي لسة بتدرس معقولة عمي ممكن يوافق ويخليني أنا اقريها باقي السنة الفاضلة ليها دي؟!
السُرة:شوف يا حسن،،صالح ربى اولاده ووصلهم لمراحلهم دي بعرق جبينه وبساطه قريشاته،،قصة تكمل تعليمها من عندك دي ما اظن ولدي يقبلها،بس مالو أنت أمشي واطلبها طلب رسمي اقلاها تكون حجزتها وتكون معروفة "حسن لعائشة وعائشة لحسن".
حسن:يا الله يا حبوبة ما عارف اقول ليك شنو،،كلامك ده ريحني شديد،،كنتا داسي من الناس كلها وماف زول عارف حتى إني بريدها بس إنتي كشفتيني هههه.
السُرة:الحمد لله الكشفتك،،انا يا ولدي ما عاوزاكم تبقوا زي شباب اليومين ديل تطلعوا من ورا اهلكم وتختلوا براكم،،عايزاك تكون راجل عشان "بنيه العز المربية تبقى من نصيب الحسن الشاطر"
"عم الهدوء منزل صالح الصغير والظلام الحالك يغطي أنحاء الحارة ما عدا ذاك الضوء الخافت،ضوء القمر الذي تتحدث تحته زينب وعائشة في همس"
عائشة:القمر شكلو حلو خلاص
زينب:يشبه حسن هههه
عائشة:زينب ياخ أبكي ليك عشان ما تقولي اسمه تاني
زينب:ههههه لالا م تبكي بهظر معاك بس
عائشة:عارفة يا زينب الحاجه المخلياني مبهورة بحسن شنو؟!
زينب:شنووو يا سندريلا ههه
عائشة: إنو شبه أبوي في تعامله وأخلاقه ماشاء الله ربنا يحفظه.
زينب:"ردت زينب ممازحه عائشة" يحفظ ابوك ولا حسن؟؟!
عائشة:زينب لا إله إلا الله يحفظهم الاتنين
زينب:طيب طيب جديا كده،،لو حسن طلب رقمك ح تعملي شنو؟!
عائشة:على اي أساس،،شوفي يا زينب طالما أنا عارفة نفسي عندي مشاعر اتجاهه مستحيل اخلي في مساحه للتواصل بينا حتى لو التواصل ده ح يكون على اساس انو ود عمي وخلاص
