Walking in the Wind (Valdemora Series #2)

Chapter 11

Patayo na kami nang mapansin ko ring patayo na iyong sina Gab. Inakbayan niya pa iyong babae saka may binulong na kung ano dahilan ng pagtawa nito.

Binilisan ko ang paglabas doon saka naglakad pabalik ng school. Naiinis ako na ewan kasi tuwing nakikita niya ako ay laging nakabusangot ang mukha niya, samantalang kapag iba naman ang kasama ay todo ngiti at pa-cute. Akala mo naman parang artista na dapat sambahin ng ilan.

"Lib lang ako," paalam ko kay Chesca dahil wala ako sa mood na asarin niya ngayon.

Tumango lang ito kahit alam niya namang kailangan ko lang ng katahimikan ngayon.

Ilang gabi na rin kasi akong hindi nakatulog ng maayos kakaisip dahil doon. Pati sa trabaho minsan ay nagiging lutang na ako.

Na-attach iyong sarili ko sa kanya. 'Yong tipo na nasanay ako sa presensya saka sa paminsang pang-iimbita sa akin. Tapos bigla nito akong hindi papansinin?

Hindi naman ako nakikipag-chat sa kanya palagi para i-ghost ako. Text nga lang kami, eh. Hindi ko naman alam na nangyayari rin pala iyon sa mga texts.

Nagbasa muna ako ng kaunti sa lib ng ilang libro. Hindi katulad noon ay marami nang mga estudyante na narito.

I picked my usual spot which is beside the window. Pinili ko talaga iyong pinakamalaking libro para maitago ko ang ulo sakaling mapasarap ang tulog ko.

Talagang tulog ang ipinunta ko dito kasi antok na antok na ako. Hindi ko naman kayang kalabanin iyon lalo pa't namumungay na iyong mga mata ko.

Nag-oovertime na nga ako, nagbabakasakaling mapadaan lang siya doon sa trabaho kaso wala. Ayoko rin namang pumunta doon sa condo niya ng basta-basta. May respeto pa naman ako.

I forced myself to sleep. Bahala na kung maabutan ako rito mamaya ng librarian basta makatulog lang ng mahimbing. I can't risk anything especially my health.

Ilang subjects nalang muna ang ililiban ko ngayon, lagi naman kasi akong present sa lahat nang iyon. I just want to have a good sleep for the mean time.

Kahit dito man lang ay mabawi ang lahat ng pagod ko. Hindi na nga rin ako minsan nakakapag focus dahil laging inuukupa ang isip ko.

Nagising na lang ako nang maramdaman ang marahang tapik sa akin. I groaned and opened my eyes a bit.

Napakurap kaagad ako nang makita kung sino ang kasama ni Chesca saka nanlaki ang mga mata ko. Naramdaman ko pa iyong pagkabasa ng braso ko.

Pinunasan ko iyon dahil sigurado akong laway ko iyon. I also wiped my mouth in case there's still traces of my saliva in it.

"Kanina pa kayo?" kinakabahan kong tanong dahil baka nainip sila kakahintay sa akin. Mavy just stared at me with full of concern. Mabilis kong ibinalik sa pwesto iyong kinuhang libro saka inayos ang sarili.

"Hinahanap ka kasi sa'ken kaya dinala ko na dito. Hindi ko naman alam na tulog ka," paliwanag sa akin ni Chesca habang kinukuha ko iyong bag ko.

"Ganun ba? Sige, salamat."

"Alis na'ko ah? Dinala ko lang talaga 'yan dito," tumango ako at madaliang kinaway ang kamay bago nawala sa paningin namin. Sinabayan ako ni Mavy sa paglalakad habang inaayos ko iyong libro.

"Ako na," hihigitin ko na sana iyon kaso nakuha na niya sa akin. Pasimple niyang binitbit ang mga iyon habang sinasabayan ako.

"Ba't ka pala napunta dito? May kailangan ka sa'ken?" tanong ko. Saglit ko pang inayos ang sarili , lalo na iyong mukha ko dahil baka may natira pang tuyong laway. Nakakahiya naman.