إكتشفت زوجي في الاتوبيس بقلم: الكاتبة دعاء عبد الرحمان ..."منقولة"+"مكتملة"

الحلقة الثانية

أكتشفت زوجى فى (الأتوبيس ) ""

""الحلقة الثانية

دخلت بيتى وانا بين السعاده والاحساس بالذنب
وزاد أحساسى بالذنب عندما وجدت امى جالسه
تقرأ فى كتاب الله بسكينه وهدوء يالهذه الام الطيبة المسكينه
وهى واثقة فى تصرفاتى وأنا أخون هذه الثقة بمنتهى الامبالاه
سلمت على أمى بشىء من الحياء وقبلت يدها هى أبتسمت وقالتلى
كلتى ولا لسه

قلتلها أنى شبعانه وعاوزه أنام علشان مصدعه

قالتلى طيب أدخلى نامى وأنا ماشيه قالتلى ربنا يبعد عنك ولاد الحرام يا بنتى
الدعوه أخترقت قلبى أخدتها ودخلت نمت على طول من كتر التعب

- صحيت تانى يوم بدرى على غير عادتى وذهبت للكليه
أستنيت سماح مجاتش خالص
- أتصلت بيها كلمتنى وهى نايمه قالت انها مش جايه
علشان محمد جاى عندهم وهى عاوزه تقعد معاه

أول مره أشعر أنى فعلا كنت بروح الجامعه علشان أى حاجه فى الدنيا الا الدراسة
كنت قاعدة كئيبة ومش فاهمه حاجه وعاوزه أروح
قعدت فى الكافتريا شويا مع زميلات لنا فى الكليه
بس طبعا مش متعوده عليهم فستأذنت ومشيت
أخدتها مشى حوالى ساعه وانا بفكر فى حالى ونفسى
- طبعا الست سماح زمانها قاعده تضحك تهزر معاهم
وانا هنا لوحدى زهقانه وكئيبه والحياة ملل

- تانى وثالث يوم نفس الحكايه سماح مش بتيجى أكلمها
تقولى مش فاضيه هنخرج هنتفسح مش عارفه ايه وكلام يغيظنى وخلاص
قولت والله ما هعبرك تانى يا سماح براحتك أيه هو مافيش غيرك يعنى
- وخدت بعضى ورجت لبيتنا بس مدخلتش شقتى روحت لصاحبتى (حياء)
أصلها جارتى طبعا هى مصدقتش نفسها أيه ده بقى منى هانم
أتكرمت وجات عندى يا اهلا يا أهلا أتفضلى يا شابه تحبى شربات ولا أزوزه

- دخلت سلمت على مامتها بصراحه ست طيبة زى أمى بالظبط
قضيت معاها وقت جميل وعرفتنى على منتديات كتير
كلها أسلاميه ونسائيه وشجعتنى أنى أبقى أدخل أشترك
وأتفاعل معاهم وعرفتنى ان فى دراسه شرعيه عن طريق النت معاهد وحاجات
طبعا كالعاده خدتها على قد عقلها وعدتها بالمشاركه والتفاعل والدراسه فيها كمان
أول مره أروح البيت وانا ضميرى مستريح
بس مفيش حاجه بتستمر على حالها

...
فعلا مفيش حاجه بتستمر على حالها

- فى اليوم التالى مباشرة أستيقظت منى
ولكن ليس لديها رغبه فى القيام من السرير أصلا كسل وملل طبعا
ماهى مصلتش الفجر كالعادة فلابد أن ينطبق عليها
حديث رسول الله صلى الله عليه وسلم :
(يعقد الشيطان على قافية رأس أحدكم إذا هو نام ثلاث عقد ، يضرب كل عقدة مكانها
: عليك ليل طويل فارقد ، فإن استيقظ فذكر الله انحلت عقدة ،
فإن توضأ انحلت عقدة ، فإن صلى انحلت عقده كلها ،
فأصبح نشيطا طيب النفس ، وإلا أصبح خبيث النفس كسلان )