صياد بت الشيوخ

١٥

زينب: كلي احبج اتذكر من يدنك ويخلي حلكه يم اذني ويكول احبج بصوت ناصي شيء هزني وخلاني اكله علي باجر تعال اخذني

علي: كتبتلهة احبج مجاوبت وره نص ساعه دزتلي علي باجر تعال اخذتني
كبل طفرت كتبتلهة واهلج
زينب: اني احجي وياهم

علي: ماشيء اجي باجر بس مادخل بيتكم ارمشلج اطلعين
زينب: ليش
علي: احسن
زينب: بس عدي حجي وياك
علي: كولي
زينب: تنطيني فتره لان تعبانه حيلل ومالي طاقه الكلشي وحتى حجي لتحجي وياي عوفني اخذ قراري

علي: الترديه يجرالج

زينب: ماشي تصبح ع خير
علي: اجمعين حبيبتي

زينب نمت

علي بقيت منايم ابد واني فرحان
زينب الصبح نزلت حجيت ويه امي وكتلهة علي راح يجي ياخذني حاجيه ابوي وحسين

امي: اي يمه احسن قرار بس يمه اذا تعبانه ابقي جم يوم بعد
زينب: ماما ماعدي شيء هناك بيتي علي يروح للشغل اني ابقه بالبيت
امي : اني احاجي ابوج اصعدي حضري غراضج
زينب: حضرتهن

راحت امي شوي وكالت ابوج يريدج
رحت سلمت عليه وكعدت بديوان شوي ودخل حسين

الشيخ محمد: يبويه امج حاجتني وكالت رجلج يريد يجي ياخذج وانتي محاجيتهة احنه مو تفقنه تبقين جم يوم

زينب: اي يابه بس اني اشوف بقائي ماله داعي اني زينه والحمدلله وعلي دوام ومحد مهتم بااكلته وشربته واني ماعدي شيء بيتي محد موجود

شيخ محمد: هيج تشوفين
زينب: اي يابه واذا محاب ارجع عادي اخابره
شيخ محمد: لا بنيتي شلون محاب
هاهية ردي البيتج

زينب وره محاجاني ابوي انتضرت علي يجي بس ما اجه اتغدينه وبعده مجاي راسلته كتبتله تجي شوكت

علي: راسلتني واني بدوام كتلهة من ارجع من الدوام امرلج ب٣

زينب: اوكي

علي: رجعت من الدوام رحت البيتهم كبل خابرتهة
زينب: خابرني كال بره كتله بس ابدل كال انتضرج كتله انزل اتأخر كال لا ماعدي شيء

زينب: يمه اجه علي صاعده ابدل
حسين: مايدخل
زينب: ماايرضه

شيخ محمد: كوم دخله بويه عيب من اختك عايفين رجلهة بره وسفه الناس اتشوف نسيبنه بره مثل الغريب كوم بويه

حسين: اي شيخ كايم
علي: جنت طابك بابهم طلع حسين سلم
حسين: ها ضلع
علي: هله ابو علي
حسين: ليش بره تعال انزل
علي: لا مستعجل
حسين: شعدك مستعجل تعال طب بين ماتجي مرتك
علي: غير مره
حسين: دنزل لا اطيح حضك
علي: اعذرني خويه ماكدر صيحلياهة بسرعه
حسين بقيت الح علي مايرضه

شيخ محمد: وين رجل اختك
حسين: بويه مايقبلً
ام حسين: شجته مو جان يجي ويدخل حتى قبل لاتزوج زينب
حسين: يمه علي واعرفه فشلان من ابوي علمود زينب ماشفتيه من اجه ويه عمامه مدنك ومستحي منه

ام حسين: والله يايمه هالعلي ماكو منه حتى اختك تحمد بيه اشكد اتكول خوش رجال بس لو موذيج الساعه وابليسهة
شيخ محمد : هسة هو وين بعده بره اني طالعله

حسين: شيخ عوفه غير مره نعزمه هو ومرته هسة السالفه حاره
زينب: نزلت اسمعهم يحجون عليه ويمدحون بيه

حسين اخذ الغراض مني اني بوست امي وابويه وكتلهم رايحه
ام حسين: اوكفي بنيتي
بدولكه مي وصبتهة وراهة

فتحت الباب علي نزل اخذ الغراض من حسين بس مادخل
اجه سلم عليه
علي: واخيراً شفتهة صدك ضعفانه بس هي هي حلاتهة ونزاكتهة اجيت سلمت عليهة

علي: شلونج حبيبتي
زينب: الحمدلله انت شلونك
علي: زين يلا اصعدي خل اصعد غراضج
زينب: صعدت واني احس اول مره اشوف علي هيج شعور غريب
علي: سلمت ع حسين وحسين باس زينب كالهة اجيج والله
زينب: هلة بيك وجيب امي

علي: صعدت بسياره واحنه ساكتيين هدوء
علي: شغلت اغنيه

جنه ثنينه مندمجين بيهة
زينب: احس الكلمات تعبر عن حال علي فصارت عيني بعينه
هو لزم ايدي اني رخيت وحيل استحيت

علي: اشكد مشتاق اشكد عدي حجي اشكد عدي وجع محتاج احجيه الج وتطيبين جروحي

زينب: بقيت ساكته
علي: مناويه تحجين شيء ولو حجايه
زينب: لا احجي
علي: اي احجي لاتبقين ساكته
زينب: اي

علي: مرينه من السوك
طبكت ع جهة
زينب: ليش وكفت
علي: تعاي ننزل
زينب: شنسوي
علي: امشي
زينب: علي فدوه خل ارجع انت عود ارجع وحدك والله اريد بس اوصل اريد اشوف البيت انضفه
علي: سماح نضفته وجهزت كلشي
زينب: علي لاطلب شيء من سماح تره هي كافي عليهة بيت اهلك وجهالهة وعقيل وسوالفه

علي: عقيل مخبلني والله عود هو اخوي الاكبر مني
زينب: امشي للبيت
علي: براحتج

زينب: وصلنه للبيت علي نزل فتح الباب ودخلنه للكراج
فتح الباب ودخلنه اشوف البيت يلمع وعطره يخبل اول ما دخلت

باسني بخدي كال هذا سلامي الج
سكتت كال يلا ددخلي شبيج

دخلت للغرفه واشوفهة نزله جديده واضويه مطفيايه وبس التيبلم وعطري المفضل مرشوش كبل حضني كال اسف والله مو قصدي

زينب: علي اكلك شيء
علي: كولي يروحي انتي

.