صياد بت الشيوخ

١٤

يا ليل شيخلصك بعد حاجيني🤍'

علي: خابرني اخوي عصام وعقيل وعمي كالو تعال عدنه وياك موضوع
اني رحت للبيت لكيتهم موجودين عمامي كلهم واخواني

عم علي: يابويه اسمعنه زين حرمتك ماضنهة بعد ترجعلك
علي: كمت ع حيلي
عقيل: اكعد خل عمي يكمل
عم علي: بويه استهدي بالرحمن خل انفهمك انحلهة بالحسنى
علي: عمي اني مرتي اريدهة ما اطلكهة ومستعد اروح الابوهة اعتذر واعتذر منهة هم واجاني علم حرمتي تريدني

عم علي: بس بويه اهلهة يردون يفرغوهة منك وانت يابويه رجال لاتشمر روحك عليهة ميت الف بنيه تريدك وتتمناك

علي: كمت وكتله عمي شنو هالحجي مرتي مصار ١٥ يوم من ازوجتهة ياطلاك ما اطلكهة ومرتي ترجعلي اني راح اروح الجبير عشيرتنه واخذ زلم وانروح الابوهة

حسين: خابرني علي عصبي كال ماطلك فاهم ماطلك لو شيصير
حسين: كول يالله جا اني الاريد اطلك مو حلوه اختي مطلكه بس ابوي مايرضه وعمامي اتدخلو وكالو بعد ما انرجعهة وانت ياخويه اطي مجال خليهة يمنه بعد وبلكي ابوي يبرد واحنه يمهة لايضل بالك

علي: شوي هدئت كتله خويه شتحجي اليوم عمامي جايهم خبر من عدكم ع موضوع الطلاك اني مرتي اريده وهي تريدني

حسين: خويه مال اتريدهة ادري بس زينب ماعتقد تريدك
تعرف زواجهة غصب واني الغصبتهة والله شاهد ما شايفهة ولا متواجد يمهة ماكدر اشوفهة واسمع من امي مخلصتهة بجي وحريمنه كله يمهة

علي: كتله لا هي كايله للاهل اريد رجلي واذا تريد اسئلهة اني مرتي مااااطلكهة وابوك مع احترامي اله اذا بقه مصر ع حجايته اسويهة بالقانون واخذهة

حسين: علي شتحجي لك احنه هيج تهددنه احنه بيت شيخ محمد ابو حسين الزلم تنگل بينه من مكان المكان هيج تحجي ويانه

علي: اعذرني  خويه مو قصدي بس سويتهة بدون ملح مرتي واريدهة موقصدي اهدد بس هذا المعروف يااما تطوني مرتي ونحلهة بدون عرف عشائري يااما بالقانون

حسين: وشسوي بالقانون؟؟؟؟
علي: افتح بيت الطاعه واخليهم يكشفون ع البيت وتجي غصب اليه
حسين: مع الاسف تجرجرنه بالمحاكم والشرطه هاي المرجيه منك يصاحبي وعضيدي

علي: مجان بيدي بس هذا الحل وياكم
حسين: مع السلامه وسديته بوجهة

رحت للبيت كعدت ويه ابويه وكتله بويه علي يريد مرته واليوم يجون زلم انحضر عمامنه

شيخ محمد: مالهم مره عدنه لايجون ولا يعتبون فاااهم

حسين: بويه حگ الله هذا البت تريد رجلهة وهو يريدهة حتى حرام هي راضيه باليصير وياهة وكل الصار مو قصد وتعرف يابويه مارين بوضع همة ولازم نوكف وياهم مو ضدهم