صياد بت الشيوخ

١٥

الدمع من كد مانزل ماخله لون برمشي

........
علي: جنت اراسل بيهة بس ماكو مترد فبيوم النحل الموضوع كلت خل ادزلهة شيء بلكي ترد وتحاجيني

دزيتلهة زينب اني راح اسافر بشغل احتمال ابقه اسبوعين او تلاثه واريد اشوفج واسلم عليج بس مستحي من اهلج راح اخليلج كل التحتاجيه عد سماح مرت عقيل هي تجيبه الج ولاتحين للبيت محد يبقة يمج ابقي يم اهلج الحد ما اجي واخذج واذا ماقبلتي ترجعين بعد بكيفج

طبعاً هو جذب بس اريدهة اترد شفت ماكو رد ولا فاتحه الجهاز عفت التلفون كمت سبحت بعدني بالحمام اسمع تلفوني يدك عفته عبالي جماعتي
طلعت واني مو بالي الجهاز كبل نمت
كعدت ب١ بليل ع رسايل كومه وجهازي يهتز اشعار كلت ياستار شكو سحبته فتحته واشوف رسايل من مرتي من الفرحه خابرت مترد

زينب: فتحت الجهاز ولكيت رسايل هواي من البنات بس شيء يدفعني ع ارل شخص افتح مراسلته هو علي فتحته قريت من البدايه رسايل ندم واعتذار وشارح السبب وهوتي تبريرات بس ماهزني بس رساله كاتب راح اسافر وماكدر اجي اشوفج مستحي من اهلج ومنج ع سوايتي اني كبل نزلت دموعي احسه يروح بعد مايرجع وشلون كلبه يطيه يسافر ويعوفني مريضه

خابرته مارد اكثر من مره
وماكو علي بليل كتبتله علي جاوبني وراهة سافر وين متريد روح روح بس جاوبني بالاول
هو خابرني مارديت جنت مرتبكه شحجي
كتبلي ليش متردين
زينب: دنيا ليل
علي: بس اني رجلج مو غريب
زينب: اي صح بس ماريد احجي بليل
علي: ع راحتج حبيبيتي
شلون صرتي
زينب: زينه كلي علي صدك اتريد تسافر
علي: اي
زيتب: ليش تسافر ضروري يعني
علي: لا مو ضروري
زينب: وعاجبك الوضع تسافر وتعوفني هيج مريضه
علي: تعاي البيتج واني اهتم بيج
زينب: ليش تريد اتسافر
علي: البيت ومابيه مرتي وموحش عاد اخلص فتره روحتج يم اهلج مسافر

زينب: هذا السبب مقنع يعني تسافر وتعوف مرتك مريضه والله لان ماموجوده هيه
ليش تفكر بس بروحك ليش متكول هي مريضه وتريد من يهتم بيهة واهلهة موجودين يرجعوهة زينه الك ليش كل همك بس انت

علي: غلطانه والله زينب ١٢ يوم صارلي واني ليلي ماحس بيه طعم ضميري يأنبني ها نامت ها موجوعه ها هسه تبجي ها تضحك اكلت نامت شربت اشتغلت اتغيرت ضعفانه سمنانه اريد بس اشوفج اريد بس اسمع صوتج اهلج حاربوني حرب بيج

زينب: من ايدك علي
علي: اعرف وراسلتج وخابرتج وبررت وشرحت وانحل الموضوع وردت بس احجي وياج بس ماكو انتي كاطعه وياي كطعه قويه
زينب: ابردلك راس

علي: هسة مناويه اترجعين البيتج
زينب: لا
علي: لعد اني مسافر باجر
زينب: الله وياك
علي: فكري تره اول وتالي راجعه انتي
زينب: انشالله
علي: احبج