اختطاف

Ch 23

اثناء هروب جيسكيا من ادريان كانت هناك سيارة تتوجه في الطريق المعاكس هرباً من المكان الذي تحول لساحة قتال.

استطاعوا اخذ خطيب كاري بأعجوبة وابتعدوا عن تلك المهزلة.
كان صوت صراخهم من الداخل وبكاء كاري في هستيرية يملأ الأجواء فاحتضنها سيهون يحاول ان يهدأها

شيومين : دوس علي الجرح يا دي او متسيبهوش كدة.
صرخ به بشدة وهم يحاولون ان يعدلوا جسد جون الذي قد فقد الوعي بعد اصابته.

قام دي او بخلع القميص الذي يرتديه ووضعه مكان الجرح ليوقف النزيف قليلاً وقد امتلأت يداه بالدماء.

دي او :لاذم نخده علي اقرب مستشفي لو فضل علي الوضع ده هيموت.

تشين : انجز يا لاي شوفلنا اي مستشفي؟

لاي : واحدة واحدة يا حنجرة الكلاب اما اعرف انا فين الاول هشوف مستشفي.

اردف بحنق وهو ينظر للطريق بتركيز وارتفع صوت بكاء كاري واخذ سيهون يربت علي ظهرها وهو يحتضنها.

سيهون : بس يا كاري يا حبيبتي انتي عارفة اني ضعيف قدام دموع النساء مش كدة هعيط والله. متزعليش طيب طلعي كل اللي في قلبك ياحبيبتي.

اخذ يهدأها والجميع نظر له بصدمة وقرف.

شيومين : احنا ازاي هنوديه مستشفي اكيد هيحققوا في حوار اصابته ده وممكن نروح فيها.

دي او : عاوزني اعمل ايه يعني اسيبه كدة.

صرخ  بغضب وفي نفس الوقت كان لاي يمسك هاتفه يحاول استخدام gps لتحديد المواقع ودقيقة سيبكي لأنه اضاع الطريق وخائف من ان يخبرهم بهذا.

بيكيهون : طب ما نطلعاله احنا الموضوع سهل.

كاي : يا سلام الموضوع سهل من واقع خبرتك الطبية يعني عارف انه سهل.

بيكيهون : ايوة يا بني انا شوفت الحوار ده في ٣ افلام قبل كدة بص يا دي او احنا هنجيب خمرة ونحطها علي الجرح نعقمه او نخدره.

شيومين :خمرة! انت متخرج من كلية طب شارع الهرم يا بني ايه اللي انت بتقوله ده؟

بيكيهون : ياعم صدقني لو مفيش خمرة ازازتين سوجو هينفعوا وبعدين نجيب سكينة ونسخنها وتطلع الرصاصة عادي وهنخيطه ولا مستشفى ولا حاجة.

سيهون :والله فكرة حلوة انت شكارة افكار يا واد يا بيكيهون .

كاي : انا كمان موافق عليها علي الاقل مش هندفع مصاريف المستشفي ونتكلف.

شيومين : فكرة ايه اللي حلوة يا عم القرف منك له سكينة ايه اللي هنسخنها دي. الشئ الوحيد اللي هسخنه هو سيخ محمي وهدخله في صرصور ودنك علشان اعرف الجذمة القديمة اللي جوة دي بتشتغل ازاي.

اخذ يصرخ موجهاً كلامه لبيكيهون.

كاري : دي او هو انت متقدرش تعمل كدة علشان متتأذوش؟