بدر
بعد ماگالي الدكتور على حالة نجمه ونيازك أنصدمت من الي راح يصير بنجمه
أتصلت على أهلي و گتلهم على الصار و أهل نيازك وبيت أم أحمد (خطيب نجمه) ورحت توجهة أجيب ميء
ماطولت رجعت لگيت ألاهل كلها موجودين حتى عمامي أجتني أمي وكالت
أمنيه : يمه وليدي بدر أخيتك شبيه؟شلون صارت؟ شگالگ الدكتور؟ ريحني بخبر زين الله يريحك دنيا وآخره؟
كلش كسرت گلبي أمي شنو راح أكوللها يعني شكللها مثلاً «يمه بنتج تأذت كلش وأحتمال تفقد بصرهة وحالته كلش حرجه » خلوا روحكم بمكاني اووف اوووف
بدر : يووم الدكتور كال حالت نجمه كلش خطرة و حرجه و أحتمال لا سمح الله تفقد بصرهة؟
أمي من سمعت بالخبر رأسن أغمي عليها لزمتها قبل لا توكع ووديتها بوحده من الغرف اااووف أني ناقصني أمي يالله
طلعت من الغرفه أو بالاصح من المستشفى كلها أختنگت بعد مگدر أبقى بيها ولا لحظه وحده،أختي من لحمي و دمي حالتها حرجة، أختي اللي ضحكتها أبد متفارق شفايفها معقولة راح تختفي هالضحكه وبعد مگدر
أسمعها وأشوفها والله متستاهل اللي ده يصير بيها ليش هيج يالله ليششش! !!؟؟؟
~شمس pov~
جنا كاعدين أني وأهلي بالصاله نضحك وفرحانه لان خلصت من علي القرد بجسد حمير على گولت نجمه،تذكرت نجمه و گلبي نغزني گمت أريد أتصل عليها
أتصلت عليها مرة ومرتين و تلاثه وماكو جواب زاد خوفي مو من عوايد نجمه أتصل عليها ومترد بالعاده من أول رنه ترد حتى لو جانت كاعده يم خطيبها أو أهلها أو نايمه معقوله صاير مكروه بيها لالالا أستغفرالله أعوذ بالله من شيطان الرجيم مابيها أن شاءالله غير العافية
رجعت أتصلت على نيازك و هم نفس الشيء، نزلت جوه بابا صاحلي من فوك وگتله
شمس: ها بابا ردتني؟
أبو شمس صفاء: بابا شمس روحي جهزي نفسج بسرعه رايحين للمستشفى
أني هنا گلبي وكف معقولة اللي جنت حاسسته لنجمه ولنيازك يطلع صح: بابا ليش أنروح للمستشفى من بيها
صفاء: بابا بنت عمتج و صديقتج مسويات حادث توه أبو بدر أتصل وگالي يلا بسرعه خلي نروحلهم
شمس ياساتر يارب مابيهن غير العافي دخلت للغرفة ولبست وطلعت بسرعه ماطولنه شيء ربع ساعه ووصلنا المستشفى سألنه الاستقبال وكالوا بالطابق الرابع صعدنا المصعد وتوجهنا للغرفة بس مدخلناهة لان ممنوع شفنا عمتي و وزوجها وأهل أحمد واحمد هم وأهل نيازك بس بدر ماكو
ورى شوي أجه بدر و أخذته عمتي بالاسئلة وهو حجالها وأنصدمت من الگال شوي ووكعت عمتي خليناها بالغرفة وظلين كاعدين يمها وندعي للبنات وعمتي
ورى نص ساعه أجه أحمد وراحتله أمه وگالتلها وهي تبچي: ولك يمه أحمد ولك خطيبتك راح تنعمي ولك مسوي حادث وحالتها خطرة يمه هالمسيكينه شراح يصير بيها يايمه
أحمد ظل يباوع لأمه ويضحك مامصدك الي امه ده دكوله: يووم شده تحجين انتي ههه نجومه مابيها شيء وأكيد هذا واحد من المقالب مالتها، يووم كلشي مابيها ههه شوفي البارحه جنت أحجي وياهةة وتضحك وشيء عادي مابيها اي شيء لا تفاولين على خطيبتي ماشي
كلش كسر گلبي خطيه يبجي ويحجي ويضحك اوووف يالله فدوه لاسمك اكون نجمه مايصيبها شر
وأحنا ساكتين ونبجي بس أجه الدكتور وگال
: سلام عليكم ياجماعه؟
الكل: وعليكم السلام
الدكتور: ياجماعه عندي خبرين مفرح الاول هو وحده من البنات صحت وتعدت مرحلة الخطر وراح ننقلها لغير غرفة
بندر: والثانية دكتور؟ !
دكتور بأسف: والله الثانية حالتها زينه بس مو كلش هي صحت وراح نأخذ أشعه لراسها حتى نتأكد من شكوكنا والباقي بيد الله؟ !
بس هذا الي كاله الدكتور وراح طلعوا نيازك ياعمري وجها كله خدوش وأيدها وراسها ورجلها مجبريهن أخذولها للغير غرفة رحنا يمها تطمنه عليها ومتكدر تحجي بس تسأل على نجمه اوووف شراح أنكللها
طلعنا ولكينا بدر لسه توه جاي بين واحد من الشباب مخبرة، أخذوا نجمه لغرفة الاشعه علمود يسولها أشعها وأحنا كاعدين بالممر وننتظر على أحر من الجمر شويه وطلع الدكتور وگال
الدكتور:
#_يتبع......،..
YOU ARE READING
~الحب مؤذي~باللهجة العراقية
Short Storyنجمة" pov. كنت راجعة اني وصديقتي من حفلة صديقتنا واحنا انسولف ونضحك. ماحسينه الا و السيارة تنقلب بينا كان بس شغلة وحدة اريدها الا وهي ((اريد اشوف اهلي قبل لا يغمى عليه )) درت وجهي لصديقتي هذي اختي قبل صديقتي واني نظريات مشوشه اسمع اصوات بعيدة او يم...
