"لنرى ونسمع الاشياء الجيدة،التي من الممكن لن نتلقاهة ابداً"
.
.
BTS
.
.رجعت نجمة من بيت شمس، بعدما ودعت شمس و نيازك، دخلت للبيت شافت امهة كاعدة وكاعدة يمهة ام احمد خطيبهة راحت وسلمت عليهة وكعدن يدردشن شوي.
بعد مرور ساعة ونص استأذنت ام احمد.
أم احمد : يلا ياجماعة الكعدة ماتنمل وياجن بس صار لازم ارجع اترخص.
أمينه : وين بعد وقت، ابقي ع الغده.
ام احمد : تسلمين ام بدر، قابل احنا نريد نجربكم، غير مرة ان شاءالله.
امينه : براحتج.
كامت ام نجمة حتى توصل ام احمد للباب، ورجعت لگت نجمة كاعدة تلون بأظافرهة.
نجمة : ماما اليوم راح اروح لبيت صديقتي.
امينه : وليش ان شاءالله، لسه توج راجعة من بيت اخوي.
نجمة : اي صح نسيت اگولج، عندي الج خبر بمليار ياام بدر.
امينه راحت وكعدت ع كنبة : شكو؟!.
نجمة : خالو صفاء راح يلغي الزواج بين شمس وعلي.
حطت امينه ايدهة على حلكهة : اقسم يانجمة اذا جانت وحدة من مزحاتج والله امسح بيج الصالة.
نجمة برطمت وكامت من مكانهة : مامااا شبيج، هيج موضوع ماينمزح بي، وبعدين اذا مامصدكتني اتصلي على خالو بنفسج وتأكدي.
وعافتهة وصعدت لغرفتهة، اما امينه اتصلت على اخوهة تتأكد من الكلام اللي كالته نجمة بنتهة.
الساعة 8:00م
نزلت نجمة من غرفتهة وهي مجهزة نفسهة لحفلة عيد ميلاد صديقتهة، لكت اخوهة وابوهة وامهة كاعدين يتقهون بصالة.
بدر : على وين ان شاءالله؟.
نجمة : لحفلة عيد ميلاد صديقتي، بابا منو راح ياخذني انت لو بدر؟
بندر : لا اني تعبان مگدر اخذج، خلي بدر ياخذج.
بدر : لا.
نجمة : وليش لا، اني مو اخيتك؟.
بدر : نجمة تعبان وباچر ان شاءالله عندي سفرة لرياض ورايح انام.
YOU ARE READING
~الحب مؤذي~باللهجة العراقية
Short Storyنجمة" pov. كنت راجعة اني وصديقتي من حفلة صديقتنا واحنا انسولف ونضحك. ماحسينه الا و السيارة تنقلب بينا كان بس شغلة وحدة اريدها الا وهي ((اريد اشوف اهلي قبل لا يغمى عليه )) درت وجهي لصديقتي هذي اختي قبل صديقتي واني نظريات مشوشه اسمع اصوات بعيدة او يم...