الجزء الاول
بقلمي:condee khalidاصوات عاليه صرخات تعبر عن كثير من الخوف ممزوج ب الم الموت..
=لا م عايزه اموت انا م عايزه م دايره اولد البت د انا قلت ليكم م دايره امووت...
الطبيب:يخرج بأبتسامه مبتذله بعيده عن الطمأنينه..
=جابت بت مبروك و تتربى ف عزكم
_و فاطمه كيف؟ كويسه صح؟ م حصل ليها شي!..
حاول الطبيب طمأنتهم و لكن الاجابه كانت صادمه للجميع..
=للأسف بتكم ماتت حاولنا بكل مجهودنا بس د ارادة ربنا و البركه فيكم.
_عم الصراخ ارجاء المستوصف الصغير باحدى القرى الريفيه منهم من اغمى عليه و منهم من استحوذ عليه الصمت و اخر بداء بضرب نفسه و لكن كيف يهربون من قضاء الله؟..
=خلاص ي حليمه م تبكي ضغطك بترفع ادعوا ليها عسى و لعل ربنا يقبل دعواتكم مع انه م اظن بعد العملته بتكم د...
بدأت ف الصراخ =د كله بسببك ي عماد قلنا ليك م تغصبها على شيء هي م دايره... اصبر عليها م تقعد كل مره تشاكلها.. اريتني م عرستها ليك وااي ي الله بتي مشت خلاص بتها اتيتمت و م شافت امهاا ووبب علي اناا..
عماد=عمره م كان بسببي بتك عمرها م سمعت كلامي.. طول عمري صابر عليها م كفايه انها كذبت على صحبتها و خلتني اتزوجها غصب؟؟ حسبي الله عليك انت و بتك.. بتك عمرها م كانت زوجه كويسه و الحمدلله ماتت لانه م كان حتعرف تربي بتها...و خرج قبل ان تبدأ في حديثها اللاذع تجاهه.. كثيراََ م صبر ع افتراهم عليه و على عائلته و لكن لكل شيء حدود..
بعد ١٤ سنه:
حليمه=هسه ف داعي انا كل مره امشي اشوف البت المجنونه د.. اريتها ماتت مع امها.. كل مره نخسر قروش ف علاجها غايته كان م كلام الناس كان زمان جدعتها المجنون طول عمره بفضل مجنون.
سعاد:ي امي غايته انت! همك شنو ب كلام الناس خليها ف محل المجانين داك براهم بعتنوا بيها..هسه القروش البتدفعيها ليهم د م كان احسن تديني ليها انا 😏.
حليمه:برري عاد اخير امش ادفعها ليهم المره الفاتت جاتنا هنا عشان طردوها لمن م دفعنا ليهم اي شيء الا و الفضايح و كلام الناس...
سعاد:هسه م كان تخليها لي ابوها م هدا مقررررشش و م ناقصه شي و كمان مغترب..
حليمه:انا اتمسكت ف قراري عشان يشيلها هو و يعند م فكرته حيتخلى عنها بالسهوله د..
هسه كدي خلي الكلام الكتير د و امشي احلبي البقر و قشي الحيشان د اصلاََ م منك فايده..عند المستشفى النفسي :
=انت كل مره حتقعدي تشرطي الملايات و تنبحي كده عذبتينا زاتته قومي اتسممي... قذفت لها الطعام او كما يسمونه فهو اقل من ذلك قطعة خبز لا تكاد تشبع الاطفال و معها كوب ماء...
_عاوزه اقابل دكتور مهند هسه د.
=ي بت هوي هو م طوالي حيكون فاضي ليك قايله نفسك ماسكه المستشفى د انت قال نادي لي... انت وحده مجنونه و كمان اهلك جادعنك و فوق د عندك نفس تتكلمي ههههههههه و الله عشنا و شفنا.
قامت بالخروج و لم تعطها اي اهتمام لما قالته فهو اشبه بالروتين اليومي لديها:
الطبيبه (هبه) :ي زفت ي اسمك سدين طايره وين تعالي هنا لحقتها و أمسكت بمقبض يدها... لم تلبث حتى اعطتها ضربه قاضيه اسقطتها ارضاََ ع الفور مغمي عليها...
_م تلعبي معاي عشان انت عارفه انا ممكن اقتلك.
و بدأت ف الصراخ دكتوووور مهنننددد ي دكتوورر..
خرج شاب ف منتصف الثلاثينات يوحي بأن كل هدوء العالم و طمأنينته متجسده ف ملامح وجهه.. طويل القامه.. عريض.. اسمر اللون.. وسيم الى حد ما.. شعره منساب ع اعلى جبهته اسود كسواد منتصف الليل ...
مهند=سدين؟؟ ف شنو مالك بتكوركي؟..
سدين=بكورك؟ ي ود بكورك شنو؟ بقيت بتهلوس انت شكلك.. تعال عاوزه احكي ليك شي!
مهند:( لم يشعر بأي استغراب) اي شكلي بهلوس تعالي احكي لي ماله انا عندي غيرك؟ 😉
سدين:عمرك م حتخلي حركاتك د 😂..و ذهبا الى الكافتيريا ف الطابق الاعلى و جلسا ف احدى الطاولات..
مهند: دقيقه قبل م تحكي لي حصل شنو قبل م تجيني هنا!
سدين:م حصل شي جيت طوالي! لي ف شي حصل و لا شنو؟
مهند : اممم،، لالا اها قولي...
سدين:طبعا م حكيت ليك و اخيرا قدرت اكتب بعد زمن... و من ثم تابعت حديثها معه...انتهيا و غادرا و كل منهم ذهب ليرى مشاغله.. هي الى غرفتها وهو الى مرضاه.
قامت بالرجوع الى غرفتها و شرعت ف الكتابه....
انا سدين ع حسب م دكتور مهند بناديني م عارفه ليه الناس بدوهم اسماء يعني م ارقام؟... كلامي ممكن يكون غريب بس انا م شايفه للاسم اي معنى... عمري كان ٨ سنين لمن جابوني المكان د وين م اقبل بسمع الناس بقولوا لي ي مجنونه!.. م شغاله بيهم كتير اصلاََ.... دكتور مهند قبل كده قال لي انه انا عندي شي اسمه اضطراب الفصام العاطفي.. مع انه انا م شايفه كده انا كويسه الحمدلله😂.... المهم كله كلام فارغ.. الليله القمر كبير و النجمه البتكون جنبه قاعده معناها الليله السبت... كنت بمشي لمدرسه و الاستاذه كانت بتضربني بشكل عنيف او تحبسني بسبب انه حبوبتي بتقول ليها عاقبيها اشد العقاب لمن تغلط انا كنت طفله م كنت فاهمه انا بعمل ف شنو ةل مره ضرب و كل مره نبذ لدرجه اني بقيت عنيفه و عصبيه شدييد بكره الناس كلهم و احتمال د سبب كبير ف مرضي لو طلعت مريضه... تاني قالوا لي عاوزين يدخلوني مدرسه المستشفى عشان اتعلم لكن مستحيل ادخلها بقو يجيبوا لي معلمين ف البيت عشان لو حصل و اتعالجت م اوقف مستقبلي.. عندي صحبتي انا مسمياها جوري دايما بقعد اتونس معاها وريتها لي دكتور مهند بس شكله م حباها بقول لي م تقعدي معاها كتير لمن تجيك...اصلاََ هي الوحيده البتفهمني الباقين كلهم بخافوا مني م عارفه ليه... دكتور مهند مرات بسمعه ف التلفون بقول ي ابوي او ي امي... اي زول بكون عنده اب و ام؟ قبل كده سألته السؤال د قال لي اي طبعا.. بس انا م حصل شفتهم قدامي م اظن يكون عندي اصلاََ انا غير الناس انا متفرده و نادره.. كل زول بكون متفرد ب شي و انا متفرده بأنه م عندي اب و ام،، من م كان عمري ٩سنه جابو مخصوص لي لانه الدكاتره التانيين كلهم بعاملوني كعب لمدة سنه كامله انا م قادره اتأقلم معاهم،، قبل كده ف واحد ضربني بس انا م عملت ليه شي.. بعديها ب كم يوم راسه جا ملفوف ب قماش سألته كنت عاوزه اتطمن عليه صرخ علي و قال لي انت قاتله و مجرمه مع انه م عملت ليه شي. 🤷♀️،، اصلاََ م شغاله بيهم كلهم انا ماشه بتم ليك بكره هسه جوري حتجي عاوزه احكي ليها قبل م انوم.. )..
#يتبع
صلوا ع سيدنا محمد
YOU ARE READING
فضاء
Non-Fictionكلً مننا له فضاء ف أعماقه... َ لكن هل سيظهر القمر و نرى النجوم و الضوء و يمتلئ هذا الفضاء؟!!. لا نعلم ف كله مكتوب و كله مقّدر. 💛