Short Stories

Maganda Ako PERIOD

Bigla ko tuloy na-miss mga tao sa amin. 

"Hi, Miss. What's your name? Are you new here?" Tanong ng lalaki. Ingles ng ingles!!! Sus! Kaya ko din yan no, ano akala nila sa akin. 

"Isn't it obyus?" Tinaasan ko siya ng kilay tapos biglang tumawa yung mga tao sa paligid. Ano problema nila? Tama naman grammar ko ah?!

"Ah eh sorry miss ha. What's your name pala?"

"My neym is Jenny Maligalig," Mukhang nagulat naman yung iba at yung iba naman, nagbubulungan tapos nagtatawanan. Eh ano kung Maligalig apilido ko? 

MAGANDA NAMAN AKO PERIOD.

"Paolo Sotto nga pala," Paolo Sotto? "Kaano ano mo sa Vic Sotto?" Tanong ko sa kanya tapos nagtawanan na naman yung mga tao. Ang bababaw naman ng mga kaligayahan ng mga 'to! Ang dadaling patawanin.

"Ahehe, wala. Di ko siya kaano ano," Nagulat na lang ako kasi bigla akong hinila ni Neil palabas. Ano bang problema ng taong 'to? May kinakausap eh. Bastos talaga!

"What's your problem?!" Tanong niya noong wala ng tao sa paligid namin.

"What is my prablem? You are asking me what is my prablem? Baka naman ikaw ang may problema? Sus, you're damaying me pa,"

"Damaying?" Hitsura niya, parang nagugulantang. Muahahaha!

"Dinadamay mo pa ko!!! Ano ba yan! Simple english, you cannot falow!" Gusto kong matawa sa itsura ni Neil. Waaaaahahahahahaha!

"Ano bang problema mo?! Wag kang trying hard, please lang. Isa pa, you're an embarrassment! How could you ask that question?!" Ang sakit naman nito magsalita!

"What kweschon ba?! At anong embarrassment pinagsasabi mo?" Tanong ko kay Neil.

"Yung... Yung about sa Vic Sotto!!!"

"Ahhh yun pala yun. Eh bakit ba?! Sa probinsya, pag magkaparehas kayo ng huling pangalan, may chansang magkamag-anak kayo. Dito ba hindi ganun?!" Gustung gusto ko na talaga humagalpak sa tawa dahil sa itsura niya pero hindi pwede kasi masisira plano ko.

"WTF?! Wala ka sa province! Naririnig mo ba mga sinasabi mo ha? And to think na alam nilang pinag-aaral ka ng mommy ko?"

"Sorry sa mommy mo ha. Don't worry, para sa mommy mo, I'll enhance my intonation and I'll improve my pronunciation. Ang perfect mo kasi. Also, sinong trying hard? I'm not even trying!" Tinadyakan ko siya at umalis na doon. 

Ilang linggo din kaming parang aso't pusa ni Neil. Lagi niya akong tinutukso na pangit! One time pa nga, magkasama kaming naglalakad sa school tapos bigla na lang niya akong lolokohin. Feeling tuloy ng iba, may gusto ako kay Neil. Kung alam lang nila!

May mga pumuporma nga pala sa akin pero tinatarayan ko lang. Hindi ako magpapaloko no! Baka mamaya, pinagpupustahan lang nila ko. Isa pa, nilalait lait lang sila ni Neil. Gusto ko, pag nagkaboyfriend ako, yung ganun kay Neil or better sa kanya para di niya malalait yung taong yun!

BTW, wala akong kakampi sa klase kung hindi ang sarili ko. Naging presidente nga pala ng room at buong school si Neil. Escort din siya at ako naman ang muse. Alam ko naman na pinaglaruan lang nila ako eh. Akala siguro nila, tanga ako o ano pero hindi nila alam, alam ko yung ginagawa nila. Buti na lang palaban ako at hindi ako nagpapatalo. Hindi ako mahina no! Hindi porkit probinsyana ako at pinag-aaral ako ni Ma'am Cherry, ganoon na lang kababa tingin nila sa akin. 

Hindi ako makakapayag!

Kaya noong Sunday, nagpaalam ako kay Ma'am Cherry at nagpunta sa mall. Bumili ako ng make-up at kung anu ano pang bagay. Nagpatrim din ako ng buhok. Nilagyan pa nga ako ng bakla ng bangs eh. Jusko, kahit ano naman ang ayos ko, maganda pa din ako PERIOD.