TITLE: Maganda Ako PERIOD
Ako si Jenny V. Maligalig. Seryoso, yan ang apilido ko kaya wag na kayong ano diyan pakiusap lang! Hindi naman importante kung ganyan ang apilido ko.
Ang importante eh maganda ako PERIOD.
"Ang ganda ganda talaga ng anak ko," Sabi ng nanay ko sa akin. Hindi naman kami mayaman eh. Sa katunayan niyan, nakatira ako malapit sa bukid.
Pero dahil prinsesa ang turing sa akin ng pamilya ko, hindi ako lumalabas ng bahay kasi ayaw nila akong umitim. Ni ayaw nga nila akong ipakagat sa lamok kaya naman nakastuck na ko dito sa SARILI KONG KWARTO at sa KULAMBO ko.
"Jenny, may bisita ka!" Sigaw ng Kuya ko.
"Sino ba yan Kuya? Madilim na ah? Wag mong sabihing kaeskwela ko yan. Aba! Baka gusto niyang matikman ang hagipit ng kamao ni Jenny M?!" Tumingin ako sa nanay ko pero mukha siyang nalungkot. Ano meron?
"Sira, hindi! Si Ma'am Cherry, kukunin ka na," Agad naman akong napatayo sa aking mala-prinsesang higaan.
"Ay, ngayon ba iyon? Ngayon na ba ako pupunta sa kamaynilaan?!"
"Ay hindi hindi. Nakagayak naman na mga maleta mo diyan, diba? Ano pa bang hinihintay mo, luwas na!" Pagkalabas ko sa aking pinakamamahal na kwarto, nakita doon si Ma'am Cherry.
"Ma'am Cherry? Ikaw nga!" Niyakap ko si Ma'am Cherry.
"Oo, Jenny. Sige na, magpaalam ko na sa kanila. Aalis na tayo," Nagpaalam na ko kila nanay at tatay. Umiyak pa nga sila eh pero si Kuya, bato talaga! Nakuu pero sa loob loob niyan, naiiyak na din yan. Scholar kasi ako ni Ma'am Cherry pero kapalit ng pagpapaaral niya sa akin, hindi kami aalis sa kanya. Siya nga pala yung may-ari ng lupa kung saan kami tumitira. Napakayaman nila at talaga namang mababait.
Mababait?
Hindi pala. Hindi doon kasama si Neil, anak ni Ma'am Cherry. Isa siyang bastos, mayabang, at talaga namang napakasungit na anak ni Ma'am Cherry. Wala siyang minana sa kanyang ama at ina. Pero dahil tauhan lang nila kami, sinikap kong maging mabait sa kanya.
Yun nga lang, pag walang tao...
Gera na!!!
Pagkadating na pagkadating namin sa Maynila, naisip ko agad sila nanay at tatay. Pati si Kuya Arnold syempre! Ang laki laki pala dito no? Ang ingay! Ang daming sasakyan, pasyalan, at kung anu ano pa! Mahihirapan kaya ako dito? Sabi nila, puro sosyal daw mga tao dito eh. Maaarte daw magsalita tapos iba daw talaga! Madami daw masasamang nilalang kaya nga sabi ni tatay, ingatan ko daw sarili ko at wag magpapaimpluwensya.
Pero dahil probinsyana din ako, hindi nila ako magagalaw. Batak ata ako kahit babae ako! Madaming nagkakagusto sa akin sa lugar namin dahil hindi daw ako madaling makuha. Matapang ako at kaya kong sumuntok ng lalaki. Isa pa, maganda daw ako, makinis, matalino, at maganda ang hubog ng katawan ko. Perpektong perpekto, diba?
Kaya kinaiinggitan din ako ng madami. Pake ko sa kanila?
Ang importante, maganda ako PERIOD.
"Mom, what is she doing here?!" Tanong ni Neil sa nanay niya pagkakita na pagkakita niya sa akin. Iniirapan ko lang naman siya. Jusko, baka mahawa pa ako ng kayabangan niya eh diba nga sabi ni itay, wag papaimpluwensya. Che! May pa-mom mom pang nalalaman eh pwede namang nanay o mommy! Ang yabang talaga!
Ilang araw din ang nakalipas at nag simula na ang unang klase ko dito sa Maynila. Isa na akong 4th year highschool at next year, kolehiyo na ako. Saan kaya magandang mag-aral? Sa UP? La Salle? Ateneo? UST? UE? FEU? CEU?
Bakit ko ba iniisip yan! Dapat ang iniisip ko eh paano ba makikisama sa mga tao dito? Grabe, panay english naman naririnig ko. Nakalimutan kong sa ekskusibong paaralan ako nag-aaral. Hay nako! Ayos lang naman siguro mag-isa diba? Hindi naman ako mamamatay.
