من اجل الأنتقام (بقلم/شيماء أشرف)

الفصل العاشر

عادل بضحك:والله يا بنات انتوا جيتوا و ماليتوا عليا الدنيا..في الأول زي ما انتوا شايفين..كلهم بيكونوا في الشغل...و عيال مهاب حالهم حال..بس انتوا ماليتوا عليا اخر ايام حياتي...

رسيل و هي تذهب أليه و و تنزل على رجليها..و تمسك يديه..و تقول...

رسيل:اوعدك يا جدي ان عيلتك هتتجمع من تاني..و هتكبر..و ربنا يديك طولت العمر و تفضل وسطنا..

عادل بحزن على ما كان يفعله بحقها:سامحيني يا بنتي سامحيني...سامحيني...كان لازم اكون سند ليكي..بس اتخليت عنك..

رسيل:متقولش حاجه يا جدي و مفيش داعي تعتذر..انتَ مهما كان كبير العائلة..و جدي...

عادل و هو يقبل اعلى رأسها و يحتضنها..:عرفتي تربي يا ملك..يا ريت تسامحيني انتي كمان

ملك بصدق:مسمحاك يا عمي...انتَ مغلطتش في حاجه..انتَ كنت خايف على ابنك...و الحمد لله ربنا واقف جنبي و بقى ليا عيلة....

اريام:ايه ده يا عادل بيه...بقى هي تاخدها في حضنك...و تسيبني انا....و راحت مدخله نفسها في الحضن و ضحك عادل عليها...

اوركيد:ايه ده..و انا كمان..عاوزة حضن يا عادل بيه..

عادل بحدة مصطنعه:اوركيد...اياكي تقولي عادل بيه تاني....انا جدك زي ما هما حفيداتي..انتي كمان حفيدتي..سامعه...

اوركيد بفرحه:سامعه يا جدو...و جريت على حضنه...

ايمي بدراما:ايه ده يا عادل بيه....بقى بتخوني معاهم..كده يا عادوله....تاخدني لحم و ترميني...عضم...ااااه..قلبي الصغير لا يتحمل.....و ضحك الجميع عليها و ضحكوا اكثر عندما قال ضرغام عليها..

ضرغام:ايمي....مجنونه....ايمي...حمارة...

ايمي بغضب:بس يلا انتَ..ربنا يخدك نستني ادخل الحضن الجماعي ده...و راحت جاريه على عادل و حضناه....

زينب بغيرة:انتي يا بت انتي و هي...ابعدوا عن جوزي كده...هتفضلوا حاضنينه...

اريام:قولي بقى يا زينب انك غيرانه..عشان هيطلقك و يتجوزنا احنا الأربعه صح...

زينب بصدمه :يطلقني..

اريام:ايوه يا زوزو...اصل عادوله هيطلقك..و يتجوزنا اربعه...اصل الشرع محلل لأربعه..فايطلقك و يتجوزنا احنا الأربعه

زينب بحزن مصطنع:بقى هانت عليك يا عادل..تطلقني بعد العمر ده كله...تتجوز القرود دول و تسيبني انا..