من اجل الأنتقام (بقلم/شيماء أشرف)

الفصل العاشر

بسم الله الرحمن الرحيم
----------------

🌺صلي على محمد🌺..
......
مر يومين...على ابطالنا جميعاً و كل ما حدث فيهم..ان بعد ذهاب سميرة...و تسأولات فريدة عنها...و لكنها لم تجدها....فنست امرها تماماً......نذهب إلى الحديقه و كان البنات و أيضاً ناديه و ملك و زينب و بجانبها يجلس عادل...اما الباقيه..فكانوا ينهون بعض اعمالهم لكي يتفرغوا للرحله التي سوفه يأخذونها في قرية رسيل السياحيه..و كان كما يحصل دائماً..ضرغام بيشاكل في الكل...و انضمت لهم فريدة....

ناديه:انا عاوزة اعرف حاجه...هو انتي يا بنتي طالما انتوا الأتنين مش طايقين بعض كده..اشترتيه ليه..

ايمي:بصي يا نونو يا سكر انتي....ضرغام ده كان صديقي و هو لسه في البيضه بتاعته..بابا الله يرحمه كان جايبهولي هدية....كبرنا سوا...صحيح اننا ناقر و نقير لكن مش بنستغنى عن بعض أبداً...

فريدة بسخريه:بجد..عاوني شايفه انه مش طايقك اهو و طول الوقت بيهزقك..حتى الببغاء بيفهم واللهي..

ضرغام:ايمي .....جميله.....فريدة..... قبيحه.....فريدة...قبيحه...

فريدة بعصبيه:انتً ببغاء قليل الأدب اوي...فعلاً غبي...

ضرغام:ناااااا...فريدة...قبيحه.....فريدة....بشعه...فريدة...مشعوذه....فريدة...فردة...فريدة...كاوتش...

فريدة بصدمه:مستحيل تكون حيوان أليف او لطيف خالص...

ضرغام:فريدة...حقوده...فريدة ....شريرة..فريدة****..

فريدة:انتَ ببغاء وقح ....و موتك على ايدي انا...

ايمي بغضب:فكري تعمليله حاجه و انا انهيكي...

فريدة:شايف يا عمي صحاب حفيدتك بتقولي ايه..

عادل بقرف منها:مالك يا فريدة...هتعملي عقلك بطير...

فريدة بغضب مكبوت:عندك حق يا عمي...عن اذنكم..

زينب:راحه فين يا فريدة...

فريدة:راحه النادي اصل صحابي مستانيني....و سابتهم و مشيت.....و بدأ الكل بضحك بشدة...

اريام :والله ضرغام ده عسل...

اوركيد:ده اداها على وشها...

رسيل:اول مره تعمل حاجه صح يا ضرغام..

ضرغام:رسيل...مغروره..رسيل...باردة..

رسيل بقرف:احسن من اني اكون قليلة ادب زيك..

ايمي:بس ايه رأيكم..اداها كلمتين في دماغها....تربيتي..