- عُمرك ماتندم على حاجه كويسه درتها!
بالعكس ديما خليك هكي تحب تعطي ولما تعطي كله لتعطي فيه طالع من قلبك و بنيه صافيه و بضمير مستريح ❤️🕊
- خليك أنسان متصالح مع نفسك و تحب الخير و ماتطلعش منك الا الكلمه الطيبه القنيّنه اللي تخلق في قلب أي شخص شعُور حلو هلبا ❤️🕊
- اللي تبي تسأل عليه كلمه أسأل عليه لان أنت هكي تبي و هو حُر لو مايبيش يسأل❤️🕊
- اللي تعجبك صورته قوله أن صورته حلوه بكل مشاعر صادقه من غير مايكون عندك النُقص بأنك مستحيل تتغزل في أي شخص باش مايصدقش روحه❤️🕊
- اللي تعجبك لبسته عزز فيه التقه وقوله أن طالع قنين من غير أي تحسس أو ماعنديش علاش نقوله❤️🕊
- خليك أنسان كلامه من القلب يطلع و يكون مُريح في كلامه و يخلي أي شخص يحترمه من كتر ماهو مُحترم❤️🕊
- اللي يطلب منك السماح سامحه اللي يديرلك لقطه أخي مادوراش،اللي يبيعك و يجي يوم و يحتاجك ساعده،خليك متصالح مع نفسك و عارف أن كل خير دير فيه باش تلقاه و أنك شخص نيتك مع كل الناس كويسه لانك كويس ❤️🕊
- إنك تكون أنسان مُحترم و متصالح مع نفسك شعور حلو مش أي حد يعرفه ❤️
