- العفو عند المقدرة .
أغلب الناس فاهمين معناها إن العفو لما تكون قادر تعفو بس ، يعني لو أنت قعدت تعفو ع شخص هلبا ، وجي يوم واستنفذت قوتك ، فا اهني أنت تقول ماعاش عندي قدرة ع إنه نعفو ونسامح .. وطبعا هذا كله "غلط" ،.قال تعالى : (إن تبدوا خيرا أو تخفوه أو تعفوا عن سوء فإن الله كان عفوا قديرا) .
من صفات الله سبحانه وتعالى العفو مع إنه قادر على إنه ما يعفيش عن الكافر ومرتكب المعاصي .ومن المواقف اللي تجسد الفكرة هاذي ، موقف نبينا محمد صل الله عليه وسلم ، لما عفا عن قريش وأهل مكة ، اللي ضروه وعذبوه وقالو فيه ما لا فيه ، وطلعوه من أرضه ، ولما فتح مكة ما انتقمش منهم ، مع إنه كان قادر ، لكن أختار إن يعفو عنهم ويكرمهم ،.
وكيف احني البشر ناخدو من طيب صفاته واللي هي "العفو عند المقدرة" ، بإن نعفو ونسامحو ، فالوقت اللي احني قادرين إن نعاقبوهم وناخدو حقنا .
ولأن الإنسان العاقل عارف كويس إن الله عز وجل هو وكيلنا في أمور زي هاذي ،.أما فكرة إن اللي ما ياخدش حقه فا ح يشوفوله ع إنه ضعيف ، والقوي هو اللي ياخد حقه بإيده ، فا الموضوع هذا عند الجهلة ، لأن الضعيف اهني هو ضعيف الإيمان بالله ، وقوي الإيمان وحده هو اللي واثق من إن حقه مش رايح وح يلقاه يوم غدوة محفوظ عند الله جل جلاله ،.
KAMU SEDANG MEMBACA
اقتباسات 💙🐼
Romansa🦋 ɑ💙‿ɹɹ̈̇ɹgȷɹɹɹ💜🔮 اللهم أرنا الجمال في كل تفاصيلنا وأيامُنا ☃💜🔮