Hold You Accountable (Published) | ✓

Kabanata 14

Kabanata 14

"Gio, huwag kang maingay!"

Gusto kong burahin ang ngisi sa mukha ni Gio. Kanina ko pa siya hinahabol kasi parang tanga lang pupunta ba naman siya sa STEM building.

"Anong gagawin mo kasi sa STEM building?!" Hinihingal na tanong ko. Bakit kasi ang haba rin ng legs nitong lalaki na 'to?

Madrama siyang pumikit. "Papasyal lang. Magu-unwind. Hahanapin ang sarili."

"Gagio ka talaga! Ano nga?!"

"Tatanong ka pa! Syempre pagkakalat kong crush mo si Sarathiel!"

"Huwag kasi!" Para akong batang nagmamaktol dahil sa sinabi niya.

Magmula nang marinig niya akong umamin kay Clary. Atat na atat na siyang magsumbong kay Sarathiel. Nakakainis lang kasi ayaw niya talaga ako tantanan!

Nakakahiya kaya umamin! I mean, kaya ko naman pero di ngayon! May field demo pa kami. Ayokong ma-distract dahil balak ko talagang manalo ang ABM.

Sakto naman na nakita ko si Sarathiel na naglalakad habang kausap si Czanne. Nanglalaki ang mga mata ko dahil ayaw kong magkasalubong sila ni Gio.

"Gio, tara na kasi!" Nahawakan ko na si Gio sa balikat at pilit siyang hinahatak pabalik sa building namin.

Namumula na ako sa sobrang inis. Si Gio kasi mukhang tuwang-tuwa pa.

"Sarathiel, my love!" Sigaw ba naman ni Gagio!

Napalingon tuloy sa amin si Sarathiel na nakakunot ang noo. He was examining the both of us.

I gritted my teeth in frustration. I was about to turn around and run when Sarathiel called for me.

"Zafi," unti-unti siyang lumapit sa amin. Gio was smiling from ear to ear.

"Dude! Alam mo ba may crush—" tinakpan ko ang bibig ni Gio.

"Sa'yo si Gio!" dugtong ko sa naudlot niyang sasabihin.

Gulat na gulat ang ekspresyon ni Gio. Napahawak pa siya sa dibdib niya. Akala mo naman talaga!

"Thanks?" Sarathiel looked confused. He immediately turned his attention to me.

"Did you eat lunch? Sabay na tayo?"

"H-ha?" nauutal kong sabi.

"Will you stay at school? Baka raw may meeting ang heads for props." He said, shrugging.

"Ah sige. Oo. Sabay na tayo kumain. Balik lang ako sa room."

"Samahan na kita?" Sarathiel offered.

"Ampucha, hatid-sundo naman pala." Halakhak ni Gio. Siniko ko nga para manahimik.

Sinamahan ako ni Sarathiel sa building namin. Halos lahat 'yata nang makasalubong namin ay napapalingon sa kanya. Some even tried avoiding to glance at him but he still gets their attention.

Ang weird naman kasi talaga na may STEM sa ABM building.

Kinuha ko ang baunan ko saka bumaba na ulit kami ni Sath papunta sa Main Caf. Nakita ko na nandoon din si Iscalade kasama ang ilan pa sa mga kaibigan nila.

Nang makita kami ni Iscalade, agad siyang kumaway sa'min.

"Sarathiel! Zafirah! Dito tayo!" Yaya niya sa aming dalawa ni Sath.

Tiningnan ko si Sath pero umiling-iling siya. He looks pissed off as his friend strides his way towards us.

"Bakit? Niyayaya tayo nila Iscalade roon oh," turo ko pa sa direksyon nila Iscalade. Patuloy itong kumakaway sa amin.