နွယ်သည် ဆုမြတ် ပြောပုံအရ သက်ပိုင် ဖြစ်နိုင်သည်ဟု တွေးမိသည် ။ ထို့နောက် ဒေါသတကြီး တက်ခေါက်လိုက်သည် ။
"ဘာဖြစ်လို့လဲ နွယ်နီ "
"ဆုမြတ် ပြောတဲ့သူက နွယ့် ချစ်သူ သက်ပိုင် ထင်တယ် "
"ဟုတ်မယ် ။ သူတို့ စကားပြောနေတုန်း သက်ပိုင်ဆိုတဲ့ နာမည် ကြားမိသလိုပဲ "
နွယ်က တွေးရင်းနှင့် ဒေါသထွက်လာသည် ။ ဒါကို ရိပ်မိသည့် ဆုမြတ်က...
"ရှင်းသန့်က တကယ်ကို မလွယ်ဘူးနော် နွယ်နီ ။ သူတစ်ပါး ပိုင်ဆိုင်တဲ့အရာတွေကို သိပ်မက်မောတဲ့ပုံပဲ "
နွယ်က ခေါင်းလည်း မညိတ် ၊ ပြန်လည်း မဖြေမိ ။ ခုချိန်မှာ ရှင်းသန့်ကို ထုရိုက်ပစ်ချင်နေပြီဖြစ်သည် ။
"နွယ်နီ ဒီတိုင်းပဲ ထားမလို့လား ။ တစ်ခုခု မလုပ်တော့ဘူးလား "
"ဘာကိုလဲ ဆုမြတ် "
နွယ်က မျက်ခုံးပင့်ပြီး ဆုမြတ်ကို ပြန်မေးသည် ။ သူ မေးတော့ ဆုမြတ်က နားလည်ရခက်သည့် အပြုံးနှင့် စိုက်ကြည့်နေခဲ့သည် ။
*****************
ကားမောင်းနေသည့်တလျှောက် စစ်မင်းက သူ့လက်တစ်ဖက်ဖြင့် ရှင်းသန့်၏ လက်ဖဝါးတစ်ဖက်ကို ဆုပ်ကိုင်ထားသည် ။ ရှင်းသန့် ကားပြတင်းမှ အပြင်ဘက်သို့ အကြည့်တွေ လွှဲထားသည် ။ ခုနအဖြစ်အပျက်ကြောင့် အရှက်ပိုနေရတာကြောင့် စစ်မင်း၏ အကြည့်တွေနှင့် ရင်မဆိုင်ရဲသေး ။
"ရှင်းသန့် "
"ဟင် "
ရှင်းသန့်က အတွေးလွန်နေရာမှ စစ်မင်း၏ ခေါ်သံကြောင့် ပြန်ထူးမိသည် ။
"ကိုယ်တို့ တွဲနေတာ ဒီတိုင်းပဲ လျှို့ဝှက်ထားတော့မှာလား "
စစ်မင်း၏ စကားကြားတော့ ရှင်းသန့် သက်ပြင်းရှိုက်မိသည် ။ မေမေနှင့် မမနွယ်တို့ သိသွားလျှင် ကောင်းဖို့မရှိဟု တွေးမိသည် ။ ဖေဖေ ဆုံးပါးပြီးတည်းက အပြုအမှု ၊ ဆက်ဆံပုံတွေက သိသိသာသာ ပြောင်းလဲလာသည် ။ သို့သော် ရှင်းသန့် အပြစ်မမြင်ရက် ။ အဘယ်ကြောင့်ဆိုသော် သူတို့နှစ်ယောက်က ရှင်းသန့်၏ မိသားစုဝင်တွေလေ ။ ရှင်းသန့်မှာ သူတို့ကလွဲလို့ ဆွေမျိုးမရှိ ။ သူတို့သာ အတူမရှိလျှင် ရှင်းသန့်တစ်ယောက်တည်း အဖော်မဲ့နေရမှာဖြစ်သည် ။
![](https://img.wattpad.com/cover/214127241-288-k784162.jpg)
YOU ARE READING
My Ugly Girl ( Completed)
Romanceသူများစုံတွဲတွေ ကြည်နူးနေတာကို ကြည့်ပြီး အားကျနေရသူ ရှင်းသန့် ။ တုံးအပြီး ရိုးသားတဲ့ ရုပ်ဆိုးမလေး ရှင်းသန့်ရဲ့ ဘဝထဲ ကောင်လေးချောချောလေး နှစ်ယောက် ရောက်လာတဲ့အခါ ဘာတွေ ပြောင်းလဲသွားမလဲ ။တွေ့ကြုံလာရတဲ့ အခက်အခဲတွေအပြင် မနာလိုမှု ၊ အထင်လွဲမှု တွေကြားမှ...
part - 13 U+Z
Start from the beginning