#اعويزه😍
قصة حقيقة 😍
الحلقه 5💖
انا :شهقت قلت يانعلاااااااااااي
ارجوان :كنك ؟؟؟؟؟؟؟؟؟
انا:العيل البلبول يانعلاي ساع ايحقن يسكنلي قدام خالتي يفضح بي
ارجوان :😳😳😳 انتي توا تفضحي روحك من صوتك هذا وطي اي بلبول يخرب بيتك
انا :حكيتلها القصه بالكامل
ارجوان :لما انروحو للحوش توا انتفاهمو هذا طرف يسيب عطك الخير ..
المهم عطيناها بضهرنا وطلعت من الملاهي من غير مايحقني وروحنا للحوش وتعشينا ..
وخشينا ل دار
ارجوان :هي يابت خلينا انرنو ع بلبول هههه ضحكتيني ع كلمة بلبول 😂😂شن اسمه هو
انا :لا ماني رانه ..قال اسمه عماد
ارجوان :نعليااا نا ومتذكره اسمه معناها عاجبك
انا:وجي انحمر لا ماعاجبني عليك منظر مغير يتلسون
ارجوان :باهي وين رقمه
انا:حطه لي في جيب الشنطه
ارجوان :باهي طلعيه
انا:لا فكيني من السريب
ارجوان :شن دخلك انتي ع اساس انتي عندك تليفون نبي نكلمه نا وناخذه
انا:باهي توا انطلعه وطلعته لها
خذت تليفونها واكتبت الرقم ورنت ورد عليها هو
ارجوان :الو
عماد:ايوا
ارجوان :عماد معاي
عماد:انعم تفضلي
ارجوان :انا بنت خالت البنت اللي مره عطيتها رقمك
عماد:اي بنت
ارجوان :شكلهن عرم 😂😂
عماد:لا والله العقل بالهون (كذاب طبعا)
ارجوان :باهي نذكرك بالقصه ذكراته طبعا اذكر
وانا طبعا جنبه انموت وتحياي قهرني تصرفها بس في نفس الوقت جواتي طايره من الفرحه
احساس غريب
المهم حكو مع بعضهم وحكتله انه شفناك اليوم وحكتله كيف قنعتني عشان تكلمه المهم قاللها عطيها لي
ارجوان :هاكي يبيك
انا:عدي روحي
ارجوان :هاكي يابت
المهم خذيت التليفون واول مره نمسك تليفون في حياتي ومانعرفش نسهري عليه
حكينا وتعرفنا ع بعضنا ومشا جونا ع تليفون ارجوان
المهم بعده بيومين جو هلي تكو عشان يجيبو خضره روحت من الامتحان الساعه 11لقيتهم قاعدين
انا:خير عليكم
امي :خير خير بحتت في 😳 ايش دايره في روحك (في عقلي ع اساس دايره عملية تجميل )
انا:يمي غير نظفت وجهي بس
امي :حي عليك كان يحقك بوك ماعاد تقعدي فيها هنا
خشيت لدار نبي نغير لقيت قسامي اختي جايه معاهم وخواتي الصغار فرحت بيهن امرايفه عليهم كلهم
غسلت وجهي ولبست توته جيبتها لي خالتي وطلعت
انا :خير ياباتي
باتي زمط طبعا لكن مايقدرش يهزب قدام خالتي
خالتي :نبي نحكيلكم حاجه
باتي :كنك اكيد الخرا 😠دارت شي حاجه
خالتي :عيب عليك ياعبدالعليم البنت اكبرت وبعدها نا نبيها تقعد عندي عشان تقرا من قريب وتلبس كيف البنات حرام عليكم بحتو منظرها وسرافتها تحكيلي وتبكي وتقول البنات ايتهزن علي
باتي:والله نا مامقصر نمشي ونشريلهن ف دبش
خالتي :العتب مش عليك العتب علي اختي اللي فاتحه فمها وماتكلمش معاك
باتي :سكت طبعا
امي :وسعو بالكم خلاص صار خير وعبد العليم خايف ع البنات ويشوف ف مصلحتهن
خالتي :والله البنت لما تنضغط راهي تنفجر واسحا تنفجرلك في طريق مش اكويسه
باتي :كان هذا خلونا نمشو وهو رقيتله
علي خشت خالي محمود هدا الوضع ويقعدو يسهروا ونسو الموضوع وجت العشيه وعدوا هلي للحوش ونا قعدت عند خالتي
طبعا تمينا نحكو نا وعماااد وجو سمح واهتمام يوعي ف نقرا ويدرلي في جو سمح
وجا اخر يوم في امتحاناتي مع اني فرحانه عشان نبي نكمل الامتحان وفي نفس الوقت متضايقه نبي نسيب عماد وماعنديش من وين نحكي معاه
انا :حبيبي اخر ليله راه
عماد:باهي بكره نبي نشوفك باهي
انا :قهرني بروده ومش هامه الموضع ..رديت عليه به..
عماد:تمام نبي نرقد توا وانتي ارقدي عشان امتحانك توغي بدري
انا:زعلت وانقهرت انه مش هامه الموضوع ..رديت قتله تمام ودموعي ينزلن
عماد:تمسي
انا :مسيك
سكرت منه وانهرت قلت انا الهبله اللي صدقته من يبحت في منظر كيفي وحطيت تليفون ارجوان جنبها ورقدت ونا دموعي ع خدي
ارجوان:نوضي ياحنه بوصاحب ساكن وعاني من عز نومي
انا :وعيت وراسي صداع وعيوني متورمات رديت قتله الوو
عماد:صباح الحب 💙
انا:صباح النور
عماد:امتي طالعه
طبعا نا نمشي ع كرعي لأنه مدرستي جنب خالتي للتوضيح
انا :نلبس ونفطر ونصلي ونرن عليك
عماد :نرجا في رنه حبي
انا:تم
سكرنا الخط ايش مازال يبي مني هالكذاب هذا
المهم درت جوي وكملت ورنيت عليه جا خشيت مع الشارع اللي فوق خالتي
عماد :صباح الخير
انا:مش سريب ماقلناها ع تليفون
عماد:نجيلي اللي زعلان
انا:مش قصه زعل نحنا قاعدين ف طريق افرض واحد يحقنا خطاني ياولد الناس سد انك امس فتتني وطلعت مكسد علي ومغير تمشي ف اي وقتك مع انه اخرى ليله
قاااااااطعني قالي
عماد:غلااااااي من قال اخرى ليله
وطلعلي تليفون
انا:عيوني 😍😍😍😍😍😍😍 من الفرحه قالي خلي هذا معاك ونحكو مع بعضنا فعلا روحت للحوش والزعم الكبد والحوسه وانتهي وقت الراحه ننزل للمدرسه وانروح وجونا سمح نا وعماد وتعلقنا بعضنا موت
بعدها كملت السنه ونفس الجو ودرت امتحاناتي النهائيه وفي يوم النتيجه باتي خش علي
باتي :اعويزه
نا:ها ياباتي بشر
باتي :نجحتي سلم ابنيتي نجختي وجبتي ممتاز
انا:طرت من الفرحه طير
باتي :هاكي
انا :شنو ياباتي قالي خوذيه وانا نبي ناخذه يطيح من التليفون السري ......يتبع
