قصه حقيقيه 😍
نزلت من السياره
باتي :كم حق الابله يابت
انا :الحصه ب10 ياباتي
مدلي 100جنيه فرحت اول مره
نمسك مبلغ زي هضه
باتي :خوذي منهن لأبله والباقي مصروفك
انا :باهي ياباتي
نزلت ل خالتي
خالتي :مرحبا مرحبا تفضلو انزل ياعبد العليم تغدا هنا
باتي :اقعد الخير نبي نروح للغلم
العويل في المدرسه
خالتي :محمود اشوي ويجي وتوا يدير يوم عشان مامسكتك
باتي :لا سلميلي عليه وتوا نجيه جيت ركاح...
خالتي :سلم علي غاليه والعيال
باتي :يصل وعينك من المنجوه كان زعمت كبدك كلميني
خالتي :اعويزه ف عيوني ماتشيل همها ..خشي ياعويزه وانا نكره الدلع هذا مانقبله بكل
خشي ارجوان تراجي فيك
خشيت لدار بنت خالتي طبعا انسخطت داره خياليه كلها وردي وسرير ولقيتها يدوبها واعيه ودايره حمام ولابسه توته تهبل
(ماتستغربو اني اول مره نحق حوش خالتي لأني مانطلعش بكل الا لعيت جدي هل باتي وهل امي غيرها لأ)
المهم سلمنا ع بعضنا
انا :دار اتسهف
ارجوان :😂😂😂عنجد تسهف يابت تحضري اسمها تهبل
انا :انكسفت وانكبت علي امي ساخنه
ارجوان :انا صاح اصغر منك لكن انا عايشه ف البلاد ونفهم حبيبتي غيري من روحك سامحيني كان جرحتك بس انتي معقوله مالقيتش من ينصحك
انا :في عقلي (كان القيت اللي ينصحني ماحد جا يوم جرحني)
سكتت
ارجوان :خلاص توا نعطيك من دبش تلبسي شن رايك وفكك من الهرابيد هذن
انا:لا لا توا امي تهزبني
ارجوان : عليش تهزبك اخويله نحنا خوات ياهبله وانا نبي نديرلك جو عشان تمشي لأبلتك متأنقه
انا:لا فكيني من لسان امي
ارجوان :سكتي اسكتي خلاص اخويله شوري توا خلينا نمشو انوتو الغدا مع ماما وبعدها انفتلكك
طلعنا من الدار وخشينا للكوجينه قعدت نبحت ف الكوجينه ونذكر ف كوحينتنا (مطراها يشغل )تنهدت وقلت يالله الحمدلله
خالتي :نوني (ارجوان)عدي قولي ل خوتك ينوضو
ارجوان:حاضر ماما
المهم طلعو عيال خالتي وجا راجل خالتي وسلمو علي والحق رحبو بيا
بعد تغدينا صبينا للكوجينه وخالتي تمت تحلفلي ماتقربيهن
خالتي :يااعويزه نا منغسلش ع يدي نحط ف الغساله
انا :غساله 😳في عقلي اول مره نحقها
بعدها خشينا لدار
ارجوان :والله انتي سمحه يابت تبيلك برمه بس هيا اول حاجه ديري حمام
خشيت للحمام وعطتني شامبو وعطتني حاجه قالتلي هذا شامبو جسم وعطتني مجموعه نيفيا الكامله (في عقلي خبر اول مره نحقه) وعطتني ليفه اول مره نحقها نا واخذه علي اليفه الحمره متاعت البصل لمه يجيبه لنا باتي انتعاركو عليها نا واختي ويجيبني شامبو واحد ونتعاركو عليه..المهم خشيت واسبحت وطلعت طبعا عطتني ديشمبر عندها زايد ..طلعت لقيتها اموتيلي لبسه ..
ارجوان :نعيمآ حبيبتي ..هي انشفلك اشعرك
وطلعت الاستشوار
انا :هذا شنو
ارجوان:استشوار ايجفف الشعر ويخليه ناعم ..انتي شعرك سمح بس يبي اهتمام
انا:اها زمطت طبعا (في سري انعيش ونشوف)
المهم دارتلي شعري وبعدها طلعت اله
انا :هذا ايسما
ارجوان :هذي ازاله الشعر حبيبتي نديرلك جسمك وبعدها نديرلك وجك
انا :استاعضت طبعا خبر جديد عليا سلمت روحي لها
وبعدها كملت جسمي ودارت وجي وزاطت فو جي وجبتلي ماسكات وقعدت اديرلي ف تقشيرات وانا مستاعضه
خشت خالتي: نجك لي يااعويزه ثاريتك سمحه غير دافنتك امك الله يسامحها
انا :حولي نوني (ارجوان)مشيت ع جوهم 😂نقول نفس مايقولو
خليني نشوف سهفتني
ارجوان :اس ولا كلمه خليك هاديه من بدري ونا نعاني فيها ياماما مغير تطاير
خالتي :اول مره هذي عادي وبعدها توا اتعود توا نشريلك منها ل اله هذي
انا :لا ياخالتي والله مااديريها توا نقول ل باتي يشريها لي
خالتي :اسكتي هدية خشتك ل حوشي بعدها باتك نبي نكلمه يجبلي قسامي ونبي نشريلكن دبش معقوله انتن بنات وي الورده وهذا منظركن دبش متشرط ...
ارجوان :هيا صبي اغسلي وجك وتعالي البس خشيت انصدمت في روحي تغيرت واجد
وطلعت من الحمام .
ارجوان: هيا البسي عشان يوصلوك ماما وبابا لأبله
أنا :تمام توا انبهدلكم ياخالتي
خالتي :اس فكينا من الحركات
لبست ابلوزه شيفون بودريه وعليها قولف اسود تحت من الركبه وسروال توب اسود وشاح امخربش وكندره وشنطه سود
ودرتلي مكياج خفيف ماركه وبختلي عطر وهذا كله نا مستاعضه وعقلي خلاص خايفه من ردت فعل هلي ومشيت لأبله
طقيت ل باب طبعا انتبع في تعليمات ارجوان
طقيت الباب :افتحت وحده قتلها
انا :اهلين هذا حوش ابله وفاء
ابله وفاء :تفضلي انا ..
انا :البنات جن
ابله وفاء :اها تفضلي للمربوعه
خشيت لقيت البنات انصدمن 😳😳😳هذي الزغديشن تمن يضاحكن 😂😂😂😂😂😂😂😂
قالن الزغد تحضرو شكله تبي اتحرر ليبيا
المهم لقيت ملاك صحبتي
ملاك :نجك لي تهبل ياعنوني باهي اللي درتيها
انا:اها وسكتت نخاف نقول شي كلمه ويقعدن يتهزن
المهم شرحت الأبله وكملت
جوني خالتي وخالي محمود وروحنا للحوش وعدو الجو سمح وابصاره
قعدت كم يوم نفس الوضع
بعظها في يوم خالتي عيطتلي
خالتي :اعويزه
انا:ها ياخالتي
خالتي :نعم يااعويزه مش ها..نبس ناخذكن انتي ونوني لملاهي تغيري جوك قبل الامتحانات
انا:فرحت قتلها باهي ياخالتي..
ارجوان عطتني لبسه سمحه ومشينه وانا في الملاهي انشوفلك هذك الشوفه ........
#يتبع
