الجزء :16
#انتقام_القدر
بقلمي✒#Fatim_Waridجمعات راسها وناضت كملت لبسها وهي كلها محطمة منهارة داخليا حيث لحد الساعة مزال مغوتات مبكات مخرجت داكشي لي محبوس فقلبها هزات ساكها بالثقالة وتمت غادة خارجة مع الباب متسوقاتوش هبطت مع الدروج ناض تبعها كيقولها سايني نوصلك واخا كتسمع الهضرة مي مفكداش لها كملات طريقها وهي غادة مرفوعة معارفاش فين غادة ولا اشنو داير بيها ومع قربت تدخل لدربهم قاطعة الشانطي هو بالصدفة كان جاي لمحها قلبو تهز ملي شافها غادة ومرفوعة عيا يعيط ووالو واش سمعت ليه ولا لا وبالمقابل جاية سيارة عافط مولاها على الفران محس براسو حتى بدا يجري بكل ماأوتي من قوة هو براسو تزكل من موطور كان غيرفعوا اولا لطف الله جرا وجرا حتى وصل وخطفها بزربة مع هو جرها هي ترفعت ووعات وبدات كتسول اشنو واقع طمنها ومسح على راسها وقال لها عيت مانعيط لك ولكن مسمعتيش دطريت نجري باش نعتقك من الطموبيل لكانت غادخل فيك حلات عينيها وقالت ليه هذشي كلو واقع وماناش هنا بفففف سمحليا اخويا رامي والله مارديت البال جاية مسخسخة على رجلي من المدينة التحت تفاوت عليا الطوبيس وقلت ارا نجرها على رجلي عوض منبقا واقفة فالبلاكة والوقت بدا يفوت وخفت لا يتلقى ليا شي حد وبي عفويتو نطق وقال لها علاش معيطتيش لخويا كمال قالت ليه مابغيتش نبرزطوا فخدمتوا ونخليه يحبس الخدمة على ودي اصلا انا موالفة غامعرفت مالي على العموم شكرا ارامي وحطات ايدها على ايدو وهو ديك الحركة معرفتش بأنها راها رونات ليه احاسسيو ولخبطاتو وولا يدخل ويخرج فالهضرة وباش مايبينش دطر ينساحب وسلم عليها وزاد وهي براسها مافهمت فيه والو كملت طريقها وطلعت لدارهم ولقات مها عاد كاتحط الكوتي شافت فيها وكأنها حست بها وسولتها مالك اكبيدتي جاية ماشي حتى لهيه وهي تجاوبها والو اماما غاهرب عليا الطوبيس وضربتها على رجلي من حدا المكتبة حتى لهنا ونتي عارفة المسافة طويلة عييت بزاف وتهديت وهي تخاصم عليها فحال رامي علاش متعيطش لخوها وعطات نفس المبرر لمها انساحبت لبيتها من بعد ما طلبت الاذن من مها حطت صاكها وتحطوا افكارها وتحط جهدها وحطت ايدها على خدها وكتفكر كيفاش تخرج راسها من هذا الورطة وهي فسهوتها كتحس بتيليفونها كيصوني جاوبت وقالت الو
يتبع .....
#جيم_تعليق
#ارائكم_فالجزء
#بون_دودو😴😴😴
![](https://img.wattpad.com/cover/226499779-288-k658336.jpg)
YOU ARE READING
إنتقام القدر
Adventure#ممنوع_النشر_الا_بعد_أخد_إدني ¤من بعد ماكنت قارئة للقصص مدة 3 سنين وبعد تردد بيني وبين نفسي قررت نزعم ونكتب بعد الحاح من صديقاتي خصوصا... Fadwa Najih ¤لكانت لحوحة عليا وعطاتني طاقة كبيرة باش ناخذ هذا الخطوة كنشكرها بزاف من هذاالمنبر .... ¤بلاما...