الجزء:4
#إنتقام_القدر
بقلمي✒:WARID FATIMA
جمعت الطبلة ولحقت على ماما للكوزينة وغسلت الميعنات وضربت دورة على الدار....
بحكم عارفة راسي باغا نخرج واخا ماما ما كتقول ليا والو.....
مي كيقولك [الحر بالغمزة] ملي ساليت شغالي....
دخلت عند ماما للكوزينة وبركت حداها حيث هذه هي عادتي كل نهار...
كنجي نشد انا ويياها اللغا مرة نجبدو جداتي الله يرحمها وطرايفها 😉
مرةمع الجيران كل مرة علامن النوبة اليوم.....
سبحان الله وبالصدفة كتهضر معايا على واحد البنت من الحي لورانا معنديش معها علاقة مي كنعرفها .....
الام:وئام جاوبتها نعم الحنانة😍😍
اعمارة الدار وضوها😍😍 وبدات كضحك عليا...
احح عليك العميميلة ديالي😀😄😀
وانا نجاوبها والله مكنصبغك نتي نوارة حياتي ونتي لكنستمد منك القوة ونتي مثلي الاعلى فهذا الدنيا 👪
الام :وهي تقولها ربي يخليكم ليا ويحفظكم من شرالخلق وينورطريقكم..
ياربي نتي وخوك كمال ويسهل عليه مسكين من هذا تمارة قالتها بحسرة 😔😔
ديال الطاكسي لماشي ديالو...
قرا قرا حتى تاعياوفلاخير جنابو غيطيبوا بكوسان الطاكسي ومشاكلوا....
شوفي غباك مسكين صحتو مشات كلهاهالقلب هالطونسيو هالكوليستيرول والسكروماخفي كان اعظم...
ديماهاز دقتو وساكت😢
شي نهار يطيح ماينوض......
وانا نسكتها قلت لها حرام عليك اماما مالك على الصباح تفايلي عليه.....
وانا نقولها: تي مالك تكوني فقنت وتصدقي فقنت اخر....
مال بنت الزوهرة ابتسام؟؟؟؟
حطات الموس من ايدها وهي دور عندي وداير ايدها على حنكها...
وبدات كتهضر بحسرة 😌😌 مسكينة ماشي كتاب عليها المكتوب وضحك عليها واحد ولد الحرام....
كلا لها دماغها وضحك عليها ودارلها كرش مسكينة واليوم فالصباح لقاوها واكلة فانيدة ديال الفار...
وصبحت ميتة وحاطة ورقة وكاتبة فيها كلشي...
وحتى على الولد لضحك عليها وقالت لهم بلي راها هازة روح معها وطلبت السماحةمن واليديها وخوتها. ..
وقالت لهم هم شهر ويتنسى ...
اولاتبقى فضيحتي تابعكم العمركامل😩😩
غصبها فشبابها وميمتها مسكينة مصابراش عليها وباها وخوتها مقادينش يهزوا راسهم قدام الجيران.....
انا فحال الا تصرفقتونزلت عليا هضرة ماما فحال الانذار....
وقلت بيني وبين راسي عنداك توفيق يدير ليا ماداااار لابتسام...
وا نفضت راسي من هذا الافكار ونعلت الشيطان...
وقلت مع راسي لا لا توفيق كيخاف الله فيا ومايقدرش يأذيني وهو مواعدني يجي لدارنا....
مفخباريش بلي كنت كنت قنع راسي بهذا الهصرة وكنخبي الشمس بالغربال. ...
غادي يقاد شي امور وقال بلي بغا ينفصل مع باها باش يستقل وميبقاش يشد الخلاص فحالو فحال بقية الخدامة......
وبغا يأمن لنا مستقبلنا ولكن هو كان كيحفر باش يدمرني😞😞
#جيم +تعليق😉
تصبحن على خير😴😴😴
أنت تقرأ
إنتقام القدر
Adventure#ممنوع_النشر_الا_بعد_أخد_إدني ¤من بعد ماكنت قارئة للقصص مدة 3 سنين وبعد تردد بيني وبين نفسي قررت نزعم ونكتب بعد الحاح من صديقاتي خصوصا... Fadwa Najih ¤لكانت لحوحة عليا وعطاتني طاقة كبيرة باش ناخذ هذا الخطوة كنشكرها بزاف من هذاالمنبر .... ¤بلاما...
