الجزء:1
#إنتقام_القدر
بقلمي✒:WARID FATIMA
انا وئام 25 سنة بنت فحال جميع البنات عندي حقي من الزين قريت وشديت الباك.....
وقريت عامين مور الباك وشديت ليصونض ديالي....
ومزال ربي ماسهل عليا فشي خدمة نحيد بها الدل على راسي وعلى واليديا....
لصبروا معايا وكافحوا المهم مانطولش عليكم انا دبا غادة مسخرة لماما عند خالتي...
لساكنة تقريبا حدنا فالحي انا من طبعي حدودية شوية ومعنديش مع كثرة البشار....
بهذا المعنى[بيتوتية] غادة حادرة راسي حيث خارجة غابزز مني وبطا عليا غافوقاش نوصل لعند خالتي ونرجع لدارنا....
مع انا غادة كنسمع واحد الصوت رجولي!!!؟ منكدبش عليكم قلبي تهز بالخلعة ومقديتش نتلافت ليه....
وهو تيقولي غاوقفي نسولك وتي غاوقفي مالك معندكش الفرنات...!!
شوية وهو يشد ليا فدراعي وتفزعت ديال بصح قلت ليه بعد مني.!!!؟
اشبغيتي عندي والله ماهزة شي حاجة هو بكثرة ماأنا مخلوعة وملي شافني هكاك مات عليا بالضحك!!!؟
وانا كنقول مع راسي اويلي عمرني شفت شي شفار كيضحك😏 هكا وانا نجرايدي عندي...
قلت ليه مالك كضحك هكاواش نتا شفار كوميدي😬 وهو يتفركع عليا بالضحك😂😂
عاوود وقاليا اول مرة غنصادف شي بنت فحالك👌 يعني اختياري لك مكانش من فراغ....
وانا بقيت مبقللة فيه كيفاش اختيارك وفراغ اشكتخربق عليا نتا!!!!
وفديك اللحظة هو سكت وبقا كيشوف فيا قالي عرفتي باش قدرت نهضر معاك اليوم راها إنجاز بحيث نتي بالنسبة ليا من النوع السهل الممتنع....
وكيف قلت لك منين وانا حاط عليك العين ومكنتش نقدر نتقرب منك حيث نتي دائما داير فحال التران بلا فران....
المهم انعرفك بنفسي انا توفيق 28 عام ودار ايدو من مور راسوا خدام مع الواليد ممكن تعرفيني براسك!!!
انا تلفت ومعرفت نقدم ولا نوخر بحكم اول مرة نوقف نهضرمع شي واحد....
مد ايدو بغايسلم عليا وانا مرة نقدمها ومرة نأخرها وفالاخير استسلمت ومديتها وياريتني مامديتها 😔حيث غاتكون هذيك هي بداية معاناتي😌😌😌😌
#جيم +تعليق😉
أنت تقرأ
إنتقام القدر
مغامرة#ممنوع_النشر_الا_بعد_أخد_إدني ¤من بعد ماكنت قارئة للقصص مدة 3 سنين وبعد تردد بيني وبين نفسي قررت نزعم ونكتب بعد الحاح من صديقاتي خصوصا... Fadwa Najih ¤لكانت لحوحة عليا وعطاتني طاقة كبيرة باش ناخذ هذا الخطوة كنشكرها بزاف من هذاالمنبر .... ¤بلاما...
