هو تعصب بالزايد كال...هااي احنه نجي من الشغل ما نلكه زقنبوت ناكله ومن تحجي وياهم صعد السكر هبط السكر عبالك مو سكر دولار...
استغفرت ربي بداخلي وجاوبه...خوووش
رجع بعصبية...انوب هاي مدري منين متعلمتها منو حجه وكالت خوووش ...خووش بوجهج
بعدها باوع الوجهي شاف عيوني انصدم كال . شبيج جنتي تبجين
هزيت راسي بأي وهمست...اريد امي
جر نفس وتقرب مني حضني كال...اشش اسكتي اليوم اخابرها واذا ما اجت اني اروح البغداد واجيبها
وهسه روحي ارتاحي بلكي اشوفلي مطعم مفتح اجيب منه اكل ...
خطيه هو راح واني دخلت بنوبة بكاء فضيعه حتئ ابو بدون استثناء كرهته....
....................................
مينا...
جنت كاعده علئ السديه وماما توكل بيه شوربه بس اني مدا اكدر اكل بصعوبه يعني
من سألت الدكتور كال...انتي انضربتي براسج عندج عصب من الاعصاب مات لذلك اكو صفحه مرات تحسين بيها من تاكلين وحتئ تحسين دائما خدرانه هل صفحه ان شاء الله بمرور الايام من خلال الاكل وحركة الفك الاعلئ يعيد العصب نشاطه ...
وهماتين كال...انتي لان صار اكثر من اسبوع بغيبوبه فشئ اكييد العصب يتشنج لان ماكو حركه وان شاء الله تصيرين زينه
خله وراح الدكتور وماما كعدت توكلني شوربه وعلي كاعد بصفها يطكطك بموبايله
كال...اول ما نبدي بالكورس الثاني قبل الأمتحانات النهاية حيسوولنه حفلة تخرج اهووو شلون ورطه تعال اشتري قاط واشمر القبعه واخذ صور
بعدها كمل...يالله اشتري قاط واضمه للعرس
امي جاوبته ...تسوون اول مره حنه بالجامعه انوب الحفله وين تصير
جاوبها بدون نفس...بنادي الصييد
ماما كالت...تاخذنه وياك
رد بغرور...اني حالف ما اخذ اي وحده وياي بس دينا ودينا ما دام حااامل بعد ما اخذها وين ماخذها هي وكرشها جنها فصمه حامل...
ردت بقهر وحزن...يعني ما نروح
جاوبها بسخريه وغضب...وين ترحن الخاطر دين النبي وين ماخذجن ادور الجن رجوووله هو اني يمكن ما اروح اشمر القبعه واجيجن وين توصل خل توصل
جاوبته ماما...انت يمه يا علي ليش هيج يأس من الحياة حب الدنيا يمه حتئ تحبك لا تصير سلبي حتئ مو زين عليك
رد بعدم اهتمام...اي خوووش
كتلها كافي بعد ما ارييد شبعت ...
امي رجعت نومتني وراحت كعدت ويه علي تسولف ويه وتحجي وتنصح بي
كلتله بمرح...حجيت ويه خالتك وكالت روان لعلي يكبع وياخذ وين نلكه ولد معدل مثل علي
YOU ARE READING
#في ثورة حبك
ChickLitتؤامان مختلفان من كوولشي تفرقهما الدنيا منذ الصغر وتجمعها عند الكبر كل الواحده منهن حياة خاصه كيف يلتقيان وكيف يخوضان الحياة وهما يفقدان صمام الأمان..«الوالده »
البارت37
Start from the beginning
