#في ثورة حبك

البارت الواحد والعشرين

البارت الواحد والعشرون
رواية...في ثورة حبك
بقلمي..نور سمو العراق
💔💔💔💔💔💔💔💔💔💔💔💔

التعب ڪِلة عله چتافچ،
العرف والمو عرف عافچ
يروحي شبيچ وأتانين بالغربة.
ياهو المثل گلبچ محترك گلبه

...................................

لزمني من فكي بقسووه كال...لعد تحبين منو

رديت بغضب وعنف...مو شغلك

هو تخبل كال..اه وتحبيين مووو

لزمني بقسووه ودفني علئ الجربايه تخبلت من شفته انقض عليه مثل الوحش وهو يوزع بوساته علئ وجهي ورگبتي واني ادفع بي واتوسل وابجي

حسيته جردني من ملابسه صررخت...لا مصطفئ لاا

دفعته بغضب وضليت ارافس برجليه بس هو قييد مقاومتي بعنف وهو اصلا ثكييل واني ضعت جوواه

ضليت ابجي وارفس واضرب بي باديه وارجف همست...مصطفئ لا الله يخلييك الله يوفقك وخرر مصطفئ لا تكسرني لا تحرك كلبي

هو ابتعد بسرعه واني وخرت وارجف لزمت فستاني،من صدري وابجي واباوع عليه وهو كعد علئ السرير ومسح وجهه بتوتر...

نزلت بسرعه من السرير وكعدت علئ الارض بعد ما لميت رجليه الصدري ...

هو باوعلي وبلع ريكه بعدها اتقرب مني بخطوات بطيئه

واني صرخت وحضنت نفسي باديه...

كعد مقابيلي ركبه ونص وبلع ريكه بهدوء مد ايده ديلزمني صرخت برعب ولزكت روحي بالحايط

همس بصوت حزين وهادئ...ديينا ديينا بس اصبري خليني افهمج اني اني مو قصدي والله

صرخت بوجهه...مصطفئ نزلت من عيني،وطلعت من حيياتي ما اتقبلك والله تحسسني وحده من الطالعات من الطريق كرهتك والله اذا انت صدك ابن عمي افسخ الخطوبه مستحييل احبك

تنهد بضيق..دينا انتي متعرفين شصار واني تعرضت الضغوط هوووايه انتي هم اعذريني

هزيت راسي بنفي...لاااا انت جذااب ومغرور. ما اريدك عووفني انت اصلا تكرهني

دفعته وطلعت اركض علئ الدرج وكفت بصعوبه حاولت ارتب نفسي واضبط انفاسي

بس هيهات ما اكدر اسيطر علئ نفسي

حاولت قدر الإمكان...

اول منزلت انتبهت عليه مينا وجهي مخطووف وعبالك مسويتلي عمله والكحل سايل ما ادري بي

سحبتني عن انضارهم بسرعه همست بهدوء...شبييج دينا

بلعت ريكي واحس بعلقم وغصه بداخلي رديت بجمود وعبره...ماكووو شئ

ضلت مركزه بعيوني واني بجيت ودرت وجهي بسرعه هي خطيه خافت وعرفت اكوو شئ

مسحت دموعي ورتبت شكلي همست بهدوء ...اسكتي،بعدين نتفاهم شنو الصار لا تخلين عمتي تتشمت بينه ...