#في ثورة حبك

تغشيشه 😬

وأذا القلوب سؤلت
بأي ذنب كُسرت
ماراح أكولن عالكسر
هو الله يدري انت السبب

مشهد تغشيشي...

👇👇👇👇👇👇👇👇👇👇👇

جنت كاعده علئ القنفه واني حاطه رجل علئ رجل واصبغ باظافري ...

صفنت وشردت بذهني ...مصطفئ معقووله نساني معقوووله يطلكني ويروح يسافر ويستقر بالغربه

جريت نفس ...وخلي يروح وشنو يعني اني هماتين اشووف حياتي قابل اضل هييج اشو صايره حلوه وعندي سند مو بحاجته

الانفصال احسن حل كرامتي انهانت ونسحلت بالكااع متوقعتها منه ابببد

اندك الباب رحت كلت ...منوووو

مجااوب

بس مستمر يدك بالباب  فتحت الباب شويه بس بعصبية...منوو منوو اسم الله الزهره اقتحمونه الدواعش...

اول ما فتحت الباب هو دفعه بقووه واني صايره وره الباب ارتطم وجهي بين الحايط والباب

صرخت بوجع واني اخلي ايدي علئ وجهي

هو دنك عليه وسحبني  بسرعه وخوف وبصوت كله حنان...ديينا حبيبتي هاا انضربتي

دفعته بعصبية...كسرتني تكسر وخررر مني شبييك انت هاي شغلت بس تكسير وخيانه وشك وما عندك اي اسلووب ما عندك

لزمني وكفني رد بهدوء...اني فهمتج الصار بس انتي معانده وما اعرف شبييج

رديت بهدوء عكس القهر الي بداخلي...اي ما اريد افهم منك يا اخي ما احبك ما اريد

رد بعنف ...بس اني احببج واريدج والله اذا مرجعتي وياي اشيلج واخليج بسياره واخذج بصحراء واكطعج حتئ من اهلج

ضحكت...والله عشتووو خريج السجون صاير حرامي ويخطف

ابتسم وتقرب مني وحضن خصري باديه...اي شفتي من وراج خريج سجوون وحرامي وارهابي اذا تردين افجر نفسي افجرها

جريت نفس ...غير يستقر ابو قتاده الاصمعي

حرك ايده علئ بطني همس...مشتاقلج

رديت..واني ممشتاقتلك

جاوبني بغمزة....افااااا مرتاحه يعني هنا

رديت بعبره...سلبت راحتي و تسألني  مرتاحه ...ابشرك ما مرتاحه مو لان ابتعدت عنك لااا بس لان جرحتني وكسرتني كسره بحياتي ما انساها

تقربت منه واني ااشر علئ نفسي والدمعه بعيني...ولك اني روحي ما جنت احببه اني دينا طوول عمري اكره نفسي شلوون حبيتك ما اعرف

تقرب مني اكثر وحضني اكثر وهمس قريب مني ...تدرين اني شنو الي مصبرني علئ بعدج عيونج الحلوه الي كل لحظه اتذكرهن وجكارتي الي ضاربه ركن بشفتي

بلعت ريكي بخووف...تشرب جكاير ؟

ابتسم بذوبان...اي متشووفيين شفايفي التحبيهن خربانات

انصدمت باوعتله باستهزاء...ياااا شوكت حبيتهن

ضحك...تموتين عليهن والله تذكرين من مره قبل لا اخطبج شلوون صفنتي بيهن

ضربت رجلي بالارض بعصبية وخجل...لا تجذب اصلا جنت جنت جنت

ضحك بسخريه...جنتي تحسبين بشواربي موو

تعصبت...اهووو مصطفئ شتريد هسه

سحبني بقوه حسيت طرت بحضنه..يالله بغلة علئ كولة امه شكبره شكده واحسه دفش ويايه يسحبني بقوووه لو يلزمني حييل ما اعرف شلون يقارن نفسه بيه وهيج يتصرف واني وياه جنه بومبا وتمون

دفعته ما حسيت غير بشفايفه احتضنت شفايفي بغرام وعشق واني الثووله بادلته مو غبيه وصاعد الجفاف

حسيت علئ نفسي دفعته وضليت اهز براسي يمين شمال..جني ساجده عبييد

ابتعد عني واني امسح بشفايفي بقوووه صرخت بوجها ...انت متستحي جاي مناك لهناك بس حتئ هيج تتصرف جان رحت الصاحباتك انطنك

ضحك..ما عندي صاحبات غيرج وبعدين اذا معاجبتج بوستي شكووو بادلتيني

رديت بخجل واني اطرد الموضوع..مبادلتك لا تجذب

رفع حاجب...افااا لعد منوو الي ذاب وساح وضل يي

ادفعته..اهوو مصطفئ شبييك حرام هيج تحجي لان انت ان شاء الله طليقي

اتقرب مني بوعييد ...طليقج؟

هزيت راسي بأي

ما حسيت بي غير شالني واني اصررخ وادفع بي واصييح ..علي الحكلي خطفو اختتك علي تعااال

.........

هاي تغشيشه بعد شتردوون

تغشيشه حلوه ومو حزينه تخص مصطفئ ودينا

بس اكيد لهنا الاحداث ما انتهت وبعد اكو احداث

ولان احبكم غششتكم وانتم تستاهلون

واخليكم ويه غلاف طلحه الي بي هووايه من احداث القصه...

👇👇👇👇👇👇👇

شكرا طلحه Talha-25-3

ان شاء الله فديوم اسولف الكم شلون تعرفت علئ طلحه ...

كووولش احب تصميماته وكووولش احترمه فعلا قليل امثاله بحيث ما اخجل من اطلب منه تصميم

رغم اني حييل خجووله وما احب اطلب من واحد ومن اكوله اريد تصميم الكاه مصمم فد خمسين غلاف 😂😂😂😂

تصبحون على خير...

كونوا انتم كونوا بخير...احبكم 💔

نور سمو العراق...😘