#في ثورة حبك

البارت الخامس عشر

البارت الخامس عشر
رواية..في ثورة حبك
بقلمي...نور سمو العراق
💔💔💔💔💔💔💔💔💔💔💔

وگطعو السچة التودينه عليهم
واحنه ياحيرتنه حيره
لانسينه ولاگدرنه نعود ليهم.

................................

مصطفئ رد بهدء...اكييد يابه ما اكسر كلمتك بس اني مستغرب الحاله بصراحه

عمو رد عليه بحنان...لا تستغرب يابه حالات تصير وانت تعرف بنت عمك ...

مسح وجهه بتوتر...هذا هو يابه انت فصل واني البس

امه ردت بفرح...هلهل يعني موستفاه

عمو جاوبها..اكعدي يمعوده لا تكعدين العالم من النووم

ورجع كمل...اني ان شاء الله باجر اروح واحجي ويه ابوها وان شاء الله نتفق بس تطيب نحدد الخطبه

مصطفئ بجمود...براحتك يابه

شفته ديريد يطلع خليت ورحت اركص ...

من دا اصعد انضربت بمحمد لزمني كال ...ليش حاضرتني ولج شوكت تكبرين انتي كل يوم الكه نفسي محضور

رديت بعصبية...تستاهل

ضحك...اووويلي منج .من عصبيتج بس امووت بيها عندج اكشن حلو تسووين واهس

همست...محمد وخر لاحد يجي

تقرب اكثر كال...خايفه

رديت بثقه...اي خايفه منك لان غااامض .تصرفاتك مو منطقيه انت شعندك ويه تغريد حتى هيج تحجي عنها وتتحكم بيه

جر نفس كال...لا باعي تغريد وحده منحطه حييل وسمعتها محلوه بجامعه حتئ البنات ميصادقوها اذا تشوفين تكعد بس ويه ولد لان محد يتشرف بيها واني صار اربع سنوات بجامعه واعرف الناس...

اما عن تحكمي بيج شئ عادي قبل لا تكونين بنت عمي انتي عرضي واعتبري خوف عليج مو تحكم اوك گلبي

واني حتئ فاتحت ابويه بموضوعج لو متهميني ما اكول الابويه واحجزج اليه

هزيت راسي بأي وابتسمت

ضحك كال...بالله افتحي الحظر مشتاق ونبي

ابتسمت...اوك

خليت ورحت للغرفه حييل انقهرت علئ دينا نايمه بتعب مسكينه انوب فاقده الغشاء

بستها وبجيت عليها لكيتها نايمه واني حتئ المي نسيت اجيبه...

شويه وصعدت ام مصطفئ جايبه مي الحمد لله

فتحت الحظر وضليت اسولف ويه محمد سوالف عاديه مع كمية غزل كبيره ....

مرة الايام ودنيا بدت تتحسن بس استغربت مصطفئ مدا يجي الها وكل شويه كالت مصطفئ متغير ليش...