My Yaya is Beki

Beks 9: Kamoteng Ginto

Isa-isa na ring nagsilabasan ang mga kaklase ko. Inayos ko na ang mga gamit ko. Isang notebook lang naman ang dala ko at isang ballpen, mamayang hapon na ako bibili ng mga gamit ko.

Isinilid ko na ito sa aking bag at lumabas na rin ako ng classroom, nagmasid-masid muna ako sa paligid kung saan papunta ang mga tao dahil sigurado akong doon ang punta nila sa canteen.

Sumilip ako sa baba at nakita kong maraming tao ang nakatambay sa mga bench na kung saan nasa ilalim ng mga nagtataasang puno. Bumaba na nga ako at hinanap ang canteen.

Puro mga matang mapanghusga ang nadatnan ko nang ako'y makababa.

"Sino 'yan, bagong estudyante?" rinig kong bulong nung lalaki sa kasama niya.

"Alam mo ba sis, nakasakay yan sa kotse ni Papi Harold kanina?" rinig kong bulong naman nung babae sa isa niyang kasama.

"Ha? Paano nangyari iyon? Never pang nagsabay ng kung sino man si Harold sa kotse niya,unless-."

"unless what?" tanong naman nung kausap niya.  Alam niyo nagbulungan pa kayo kung naririnig ko rin lang.

Dali-dali akong umalis doon at pinagpatuloy ko ang paghahanap sa canteen. Naalala ko tuloy yung sabi ni ate gurl kanina sa may Information Desk.

Kinuha ko yug schedule ko at sinilip ang mini map ng school. Malipas ang ilang minuto ay nahanap ko na ang canteen, jusko nahihilo ako dito sa campus na ito napakalawak at napakaraming building.

Nakita kong may pila kaya nakipila muna ako,makalipas ang ilang minuto nagulat ako nang may kumalabit sa akin.

"Tabiiiii!" napatakip ako ng tenga nang makarinig ako ng sigaw mula sa likuran ko. Dahan-dahan, kong sinilip kung sino ito. Isang babae, may katangkaran, maganda naman, kaso maattitude tiiiih! Imbyerna niya ako. Imbes na makipagsagutan ako eh tumabi na lamang ako.

"Akala mo naman kung sino" bulong ko sa aking sarili. Tumigil siya sa paglalakad na siyang ikinagulat ko.

"What did you say?" rinig kong sabi niya sabay harap dito sa direksyon ko. Nakatingin siya sa akin na kulang nalang eh may usok na lumalabas sa ilong at tenga niya. Naglakad siya papalapit sa akin.

"What did you say?!" pagalit niyang sigaw. Sinilip ko kung may tao sa likod ko, wala naman.

"Ako ba?" nagtataka kong tanong sa kaniya.

"Yes you, you dirty little peasant!" sigaw niya sa akin. Iniimbyerna mo ako sis!

"Bakit sino ka ba?" sabi ko naman sa kaniya. Narinig kong nag-umpisang magbulong-bulungan ang mga tao sa paligid.

"You don't know me? Bago ka lang siguro dito? So if you didn't know me let me introduce myself" sabi niya sabay hawi ng buhok niya.

"I'm Cassie-."

"Mondragon? Oh bakit andito ka sa school? Akala ko ba hindi ka pinapasok? Cassie uwi! Walang papasok ng school!" pag-udlot ko sa sinabi niya. Nagtawanan naman ang mga taong nakiki-usyuso sa amin.

"No! I'm not a Mondragon! Okay, let me finish first!" sabi niya sabay hawi ulit ng buhok niya.

"I'm Cassie Salvacion Dominguez, in short Cassie, and I'm the Queen here in the campus! So you better not mess with me or else!" galit niyang sabi sa akin.