كرونيك جمتنا الصدفة😍😍

🌹الحلقة 13🌹

#çhrønīqūę🇩🇿
مايا : يميم والله جامي كليت ماكلة هك بزاااف بنينة

خولة : يسما حنا كنا خيال

شوقي : لالا ماما ماكلتك بنينة مي الله يبارك ماكلتهم روعة

ايهاب : صح والله بنينة سورتوا هذا متوم

رانية :.احم احم لمتوم دارتوا هادية 😆

ايهاب : مي جا شويا مالح لالا

خولة : ايهاب وليدي 😂😂😂😂😂

مايا :معنداكم جا كلش بنين رانية امبعد اعطيني لاروسات تع هذو ميني بيتزا باسك علابالي خطيبي يموت عليهن

هادية : علاش مخطوبة نتي مايا

مايا : وي مخطوبة حبي

مروة : الله يبارك بنتي ربي يكملك

مايا : نشاله طاطا لعقوبة لرانية وهادية وهديل

شوقي :حقا هديل كيفاش راك مع الباك ديالك

هديل : والله راني معاه عييت

ايهاب :مزال مشفتي والو صعيب

شوقي : علاش نتا كون ماشي أنا والله مجيبو

ايهاب : 😒😒😒😒😒😒

مايا : اااا هديل باك كيما اسلام

هديل : شكون اسلام

مايا : خويا صغير هذا عام يجوز الباك

رانية: الله يبارك ربي ينجحهم كامل نشاله

أيا جازت هذي ليلة غير تقصار وقعدة امبعد لحق ليل وراحو وناضو لبنات خملو كلش وغسلو لماعن وكل وحدة شدت بلاصتها

2:00 تع صبح رانية ناضت تطل من بالكون كي عادة قاعدة تخمم في شوقي تتفكر ضحكتو واهتمامو فيهم

رانية في قلبها : علاش راني نخمم فيه انا دك لازم نكون راقدة غدوا نخدم 😖

ايا جات ليها هادية

هادية : شوقي راه في قلبك ختي

رانية : مفهمتش

هادية : رانية كيما بنات الفاميلية قلال الرجال لفحولة قلال وشوقي راجل بزاااف هايل وشفتي وقف معانا وقفة اه رجال

رانية : صحا ملخر وش حبا تقولي

هادية :حتا وربي كتب وتكوني حلالو وش فيها ختي وش يخصو

رانية : أنا مع شوقي ختي هو راجل لباس عليه ميخصو والو لبنات كامل يتمناوه يجي يعشق فيا انا لي نهار كامل لابسة الطابلية فلحمي

هادية : ههه ياخي مهبولة ديالي صح في لقلوب ختي وراني حاسة بلي نتي وشوقي راح تكونو عايلة وحدة

رانية : ههههههه شوقي و انا!!؟ محال هادية محااال

هادية : ختي متقوليش هك كلشي بلمكتوب ودك ايا ندخلوا نرقدوا غدوا نخدموا  ايا عمري
******

7:00 تع صبح كي العادة لبنات ناضو يوجدو روحتيهم بش كل واحد يروح لشغلو ونوضوا سليم و بشرى بش يدوهم يقراو 

ايا رانية راحت لخدمتها وهادية دات خاوتها لمسيد وهديل راحت لليسي ديالها

نروحوا عند هديل :

كانت رايحة مع صحاباتها

صحبت هديل : لبنات علابالكم سمعت بلي ليوم يجيبولنا تلميذ جديد

صحبتها 2 : صح شكون هذا

صحبتها 1 : والله معلابالي راهن يقولو بلي زل ومن عايلة لباس بيهم

هديل : وحنا وش دخلنا فيهم كل وحدة تتلها بروحها

صحبتها 1 : أنا علابالي كون تشوفي طيحي فيه يابقرة

هديل : نننننن حببتشي أنا منطيحش فيه أنا طحت في يحيا براكات قلبي واحد ماشي باركينغ ايا ندخلوا راه جا شيخ

ايا قاعدين يقراو حتا يدخل عليهن المراقب

المراقب : السلام عليكم يتلاميذ اليوم جبنالكم زميل جديد ليكم في القسم الاسم ديالو هو اسلام حمزاوي مقبل عل شهادة البكالوريا كيفكم نتمنا تجوز عام مليح وليدي وحظ موفق

اسلام merci bcp monsieur

صحبتها 1 : يخاه يهدر فرونسي لبنات

هديل :وشفيها خلونا منو أنا نتبع درس

ايا اسلام دخل كلاصة كامل تغزر فيه لبنات دراري حايرين في لبستو في شعرو وزيد يهدر فرونسي وراح قعد مور طابلة تع هديل

وبدا الدرس ديالهم

الاستاذ : جماعة الخير شكون يذكرني في الدرس لي فات

هديل : استاذ استاذ استاذ

استاذ :تفضلي هديل

هديل : استاذة الدرس لي فات قرينا عل نقل الرسالة العصبية في الجسم

استاذ : تقدري تذكرينا بالشرح

هديل قاعدة تتعقن ورفد يدو اسلام

اسلام : استاذ تسمحلي

استاذ : نعم تفضل اسلام

اسلام شرحلهم الدرس.  شغل هو لي كان يقريهن بالعربية والفرونسي هديل قاعدة حالة فمها ومتحبش لي يديلها بلاصتها في قسم وقعدو

استاذ : جيد اسلام

وكملوا درس وهديل حالة غير فمها وحايرة وامبعد موراها قراو انخليزية منحكيلكمش طفل هذاك شغل قاوري الله يبارك امبعد صونات تع 10 بش يخرجوا للساحة

صحبتها 1 : هديل راني خايفة يديلك بلاصتك مشفتيهش كيفاش يقرا

صخبتها 2 : والله غير صح ربي يستر

هديل :هديل لولة وتقعد لولة وغير مكاله يطمع بش يديلي بلاصتي يخاه شوفي لبنات كامل لصقة فيه الله يسترنا تبهديلة

وكان اسلام يقصر مع صحابو ويغزر في هديل

اسلام : ياخو شكون هذيك

صحب اسلام : هذي هديل القارية اللولة تع كلاصتنا دايما هي لولة

اسلام :مي اسلام راه جا يسما غير تنساها لبلاصة لولة

صحب اسلام : مشكيتش طفلة ماشي ساهلة والله

اسلام قاعد يغزر في هديل وهديل تغزر فيه ونضرات تحدي بيناتهم