Campus Romance

Chapter 2: The Sexual Predator

Makinis ang mukha. Matangos ang ilong. Malinis tingnan. Mabango kahit pawisan.

Pinipilit kong maging natural kahit gwapong-gwapo ako kay Noah habang ngumunguya sya ng burger. Madaldal si kuya. Nakwento na nya kung ilang taon na sya sa Amerika, kung gaano sya kadalas umuwi at kung sino-sino ang mga kasama nya sa bahay.

Kusa na syang nagkwento na para bang sabik-sabik maibahagi ang buhay nya at ang mga bagay na nasa isip nya. Sumisingit lang ako paminsan ng tanong, tawa at tango.

Interesante naman buhay nya. Nakakainggit nga e. Mapapasana-all ka nalang sa sobrang garbo ng buhay nila. Bilang isang tao na galing sa hirap, nakakaramdam ako ng konting inggit sa mga kwento nya. Nagkwento din ako ng konti sa buhay ko. Mahilig din akong magkwento ng buhay ko pag nakakakilala ako ng taong masarap ka-kwentuhan pero mas interasado akong makinig sa kanya nung araw na yon. Hinayaan ko lang syang magsalita ng magsalita.

Pwede kong sabihan na nagsimula kaming maging magkaibigan nung araw na yon. Madalas kaming nagkakasabay kumain ng lunch. Minsan nililibre pa nyako. Nakakasama namin si Kai minsan pero dahil sa magkasama na din kami sa bahay at nagkakasawaan na din kami minsan sa isa't-isa bukod sa may mga kaibigan ding babae si Kai na hindi ko naman kagaanan ng loob, madalas kaming dalawa lang ni Noah ang magkasama. Si Marcus naman ay napapasama sa mga kaklase naming mahilig uminom, mag cutting ng klase at umabsent. Ayus din naman si Marcus pag nakasanayan mo na. Hindi friendly pero hindi din naman sya masamang tao. Nakasanayan ko na din sya at natotolerate ko na pero mas ayus pa din sakin pag hindi ko sya nakakasama sa kahit ano mang lakad. Pero dahil pinsan sya ni Noah at magkasama sila sa bahay, hindi maiwasan na magkaroon kami ng interaction. Minsan medyo napapansin ko din na medyo ine-engage nya sa usapan si Kai kahit hindi naman sya feel kausapin ng isa. May balak siguro si kanong hilaw na pormahan si Kai.

Okay naman kasama si Noah. Intellectual din at marami naman kaming mga bagay na napagkakasunduhan. Hindi nga lang sya yung tipong nagbabasa ng libro pero mahilig din syang manuod ng mga malalalim na pelikula. Minsan kahit matagal kaming nakatambay sa isang lugar, hindi naman kami nagkakasawaan at nauubusan ng pinag-uusapan. O kahit maubusan kami ng pinag-uusapan ay hindi naman kami nagkaka-ilangan. Siguro kung may pagka-ilang man, sa parte ko yon. Ewan ko, pero parang minsan naiisip ko na baka pag-isipan kami ng masama dahil parati kaming magkasama. Na may namamagitan sa'ming dalawa. Marami namang magkaibigan na matalik na lalaki na hindi mo pag-iisipan na may relasyon sila. Kagaya ni William at ng kaibigan nyang si Von na parating magkadikit pero hindi mapagkakamalan na may bakla sa kanilang dalawa. Pero ewan ko ba. Effort talaga sakin to act naturally pag kasama ko si Noah. Maakbay at mahawak pa naman sya. Generally, tahimik sya pero nung madalas na kaming magkasama, lumabas na din yung kakulitan at kagaslawan nya. Yung batian nga namin sobrang awkward nung una kasi andaming ritwal ng mga lalake pag nagkikita na kung ano-anong style ng high five. Eventually, nakasanayan ko na din yung fist bump pag nagkikita at nagpapaalamanan kami.

Isa pang hirap akong makasanayan ay yung bigla nyang paghuhubad sa harap ko pag nasa banyo kami na malapit sa Gym kung saan ko sya nakita dati na hubo't hubad. Well, hindi naman sya naghuhubad ng all out sa harapan ko ngayon at tinitira parin nya ang underwear nya pero hindi pa din maiwasan na sipat-sipatin ko ang bukol sa harapan nya ng hindi nya nahahalata. Minsan pag kagpapalit sya ng underwear, pumapasok sya sa cubicle at bahagyang sinasara ang pinto. Nakakalibog din naman kasi ang katawan nya dahil athletic. Kung hindi mo makokontrol ang sarili mo baka bigla mo nalang syang yakapin sa sobrang fit ng katawan nya. Pero kagaya ng fist bump at pagiging mahawak nya, nakasanayan ko na din to act naturally pag naghuhubad sya sa harapan ko. Para din hindi sya makahalata na may tama sakin ang paghuhubad nya, sinanay ko na din na naghuhubad ako na brief lang ang natitira pag nagbibihis pero usually tumatalikod ako sa kanya.

Isang araw, out of curiosity, tinanong ko sya tungkol sa tattoo nya na parang Japanese words na vertically nakalagay sa kaliwang bahagi ng V-Line cut part ng katawan nya pababa sa bahaging natatakpan ng underwear nya. Walang pag-aatubiling binaba nya ang brief nya para makita ko ng buo ang nakasulat.