زيزو....كاتبة روايااات مبتدئة..تتمتع بقلم جميييل جدا
https://www.facebook.com/zezo.amnokal
رواية بعنوان "عطر الزهور"
الشهيدة احمد. زيزو 1 ------------------------------------ فتحت الباب ودخلت مشيت للمطبخ وحطيت لكياس وطلعت مشيت لدار النوم طقيت الباب:نجوى......نجوى نوضي سادك نوم نجوى فتحت عيونها وبحتت فيا:صباح الخير انا:مساء النور نجوى ناضت تحك عيونها:افف باهي امتى روحت انا نحيت الكبوطه:توا...وحدفتها على السرير نجوى ناضت لبست شبشبها وخشت الحمام وغسلت وجهها وطلعت تلم شعرها:تغديت؟ انا راقد على السرير ومغمض عيوني:لا نجوى:نقليلك دحي انا تقلبت ورقدت ع جنبي اليمين:جبت حاجات للمطبخ ديري الي تبيه نجوى ماشيه للباب:معنديش نيه ندير شي انا فتحت عيوني وبحتت فيها:توا ليك ايام تقولي تبي حاجات باش اديري الي خاطرك فيه وتوا وقت حصلت كيف جبتهم معاش تبي!!! نجوى هزت كتوفها:طارت النيه....وفتحت الباب وطلعت انا نضت دخلت الحمام ندوش وكنت راقيلي من تصرفات نجوى ----------------------------------الشهيدة احمد. زيزو🥀
يوسف......انا اسمي يوسف عمري27سنه متزوج نجوى من سنه وتوا ساكنين بروحنا نخدم في محل للملابس من الساعه6الصبح لين12في اليل وكان زواجي من نجوى تقليدي ونسكنو في الشرق واهلها يسكنو في الجنوب بعد سكرنا سنه من زواجنا بداء كل شي نكد على نكد نجوى عندها طلباتها الخاصه وصعبه شوي وانا ع قد حالي وكنت نحاول نوفر ليها كل شي لكن للاسف منلحقش على كل الي تبيه وكانت تعايرني بكل راجل ليش هذا دار لمرته وانتا لا ليش وليش وليش لين مليت وكرهت عيشتي واليوم الي تزوجت فيه............ اهلي عايشين الحمد الله وعندي اخ اكبر مني عمر عمره32سنه متزوج وعنده صغار بنت وولد وفي بيبي ع الطريق ان شالله مرته زينب ع حالها وعندهم حوش بروحهم واختي مريم صغيرة عمرها17 ومخطوبه من ولد عمي وصاحبي جهاد نعتبره خويا وكنا بنفس العمر وقبل كنت خاطب اخته لكن فسخت بعد طلعت حامل🤦🏻♂ واهلها تبرو منها ومفيش حد يعرف مكانها حاليا ولا وين مشت ولا شن صار بيها.......... ---------------------------------الشهيدة احمد نجوى دخلت عليا شاده سفرة فيها دحي وخبزة وحليب:يوسف تفضل تغدى انا ننشف شعري:لا مخطريش نجوى بعتت فيا شوي بعدها رمتهم ع طول يدها وتعيط:الحقققق عليااااا نا الي قاعده نساير فيك ومتحمله العيشه اسوده الي عايشتها غير عن صاحباتي والبنات الي بعمري انا لوحت المنشفه وعيوني حمر ومشيت شورها نجوى طلعت بسرعه ودخلت المطبخ سكرته على روحها انا نخبط بقوة:افتحيي الخرا نجوى خير مانكسره نجوى وراء الباب:اقسم بالله ماني فاتحه بتضربني انا غمضت عيوني بقوة وخديت نفس:تمام تمام......ووخرت تلفتت ومشيت لدار خديت مفاتيح سيارتي ودخاني وفوني ولبست كبوطي وطلعت ولعت السيارة ومشيت ومش عارفه وين نمشي الصلا......... قعدت نلود في البلاد بدون فايده خديت فوني والتصلت بجهاد جهاد:الوو انا:وينك جهاد ناض قعمز ويحك شعره:في الحوش انا سكتت جهاد صبا ولبس شبشبه ماشي للحمام:فيك شي!!! انا:لا...شنجوك جهاد:تمام...مر عليا انا:تمام وسكرت الخط جهاد غسل وجهه وغير دبشه وقعد يستناني انا برمت ومشيت لحوشهم وصلت وركب جهاد ومشينا للقهوة وقعدنا مكسدين وندخنو الرقيلا جهاد:ادوي به انا نفخت الدخان:شن نحكي جهاد:مش عارف لكن شكلك فيك شي انا غمضت عيوني بشوي لانه جاء عليهم الدخان وقت نفخته:لا اموري طيبه جهاد:ممم مش عارف لكن نحس بينكم مشاكل انا بحتت فيه:انا ومن جهاد:نجوى انا جبدت من الدخان ونفخت وبحتت في الجهة الأخرى:لا مفيش مشاكل ومعاش تجبد اسمها جهاد ضحك:تمام يا برو اسفين انا ندخن وسارح ----------------------------------الشهيدة احمد بعد اسبوع نجوى معاش كلمتها بعد هذاك اليوم وكنت نتجنب ندوى معاها وهيا كانت تحاول نتصالحو لكن صديتها وكنت مش متحملها بكل اما هيا فبدت تعبانه وترجع ديما وكان وجهها الصفر وخديتها لتعاين وصدموني بخبر حملها وكنت فرحان هلبا لدرجه نسيت كل شي على عكس نجوى الي كان باين عليها مضايقه هلبا......... -------------------------------------الشهيدة احمد. زيزو🥀 بعد تلاته ايام كنت مروح بكري وداير لنجوى مفاجأة وكنت جايب ليها هاتم وسلسله دهب وجايب شكلاطات وجبت ليها عطرها المفضل وورد ........... دخلت وسكرت الباب بشويش منبيش تحس بيا حطيت الحاجات ع الكنبه وقربت منها والنصدمت صدمه عمري.................... نجوى تحكي في الفون:اقسم بالله كنت ناخد مانع منعرفش كيف حملت،سكتت شوي....والله العظيم خديت مانع بشن نحلفلك انا........حبيبي اسمعني....... انا دارت بيا الدنيا وشديت الحيط قعدت دقائق نستوعب......قربت فتحت الباب بقوة نجوى انفجعت:اءءء تمام خديجه نحكو بعدين وسكرت بسرعه وبحتت فيا...روحت انا قربت منها وعطيتها كف صبت وذنها دم منه نجوى شدت خدها وتبكي:يوسف خيرك انا مسكتها من شعرها وصبيتها وكنت في كامل جنوني ومنبحت شي قدامي قعدت نضربها بهستيريه ووين ماتجي الضربه تجي كنت مغلول خليتها طايحه وتبكي وطلعت جاء في وجهي الهدايه الي جبتهم رفعتهم وحدفتهم في الساس لين تكسرو كلهم وقعدت نكسر كل شي قدامي لين دهشت خديت مفاتيحي وطلعت سكرت عليها الباب ومشيت ركبت سيارتي ومشيت للبحر .......وصلت ونزلت قعدت على الرمله وحطيت يديا على وجهي:استغفر الله......استغفر الله .......استغفر الله .......استغغر الله قعدت نستغفر لين هديت وقعدت نفكر......تاني مرة.....تاني مرة تعرضت للخيانه......تخوني في وسط حوشي.......وسط داري......كم مرة التصلت بيه وانا طالع.........كم مرة قالتله حبيبي وانا نخدم ليل نهار لراحتها........كم مرة رقدت معي وتخيلته هوا........عيطت بقوة..........كم مرة كم مرة بس كم مرة يا حقيرة يا تافها.....حطيت يدي على راسي وانا بننفجر من الغل......قعدت على نفس الحاله لين طلع الصبح روحت للحوش فتحت الباب ودخلت لقيت كل الي كسرته مضموم:هه توا بتبدي تنظفي يعني؟؟ فتحت دار النوم لقيتها قاعده على السرير وتبكي نجوى بحتت فيا وناضت بسرعه جتني تبكي:يوسف وين كنت انشغلت عليك انا نبحت فيها بقرف:متقربيش مني....حدك متزيدي ولا خطوة نجوى وقفت وتبحت فيا وتبكي
انا:لمي دبشك نجوى انهارت:لالالالا الله يربحك يوسف ندير الي تبيه ارجوك لا مطلقني شن بيقولو عني بيتشمتو فيا انا رفعت حاجبي:شن بديري يعني....توا بتخافي من الفضيحه؟؟.......توا بتتزكري كلام الناس....وين كان كلام الناس وقت كنتي تمارسي قذارتك؟......اتقي ربك يا بنت.......خافي ربك...توا تخافي من كلام الناس وربك مش خايفه منه؟ نجوى حاطه يديها على فمها وتبكي انا نأشر ليها بيدي:هيا لمي دبشك ونجاستك منبيش نشوفك بعد توا في حوشي وورقتك توصلك في اقرب وقت بأذن الله مش متحمل قرفك يبقى على ذمتي بكل هيي وتلفتت طلعت نزلت تحت وقعدت نسخن السيارة ونستناها وبعد لحظات نزلت وجت بتركب قدام انا سكرت الباب:لفي وراء متقعديش جنبي نجوى فتحت الباب الوراني وركبت وانا من كرهي ليها كان خاطري نحطها في كوفني السيارة.......... ----------------------------؛؛؛؛--- وصلنا حوش خالتها ونزلت نجوى تطق الباب وانا نزلت الشناطي وحطيتهم جنبها ورجعت ركبت سيارتي وحرقت العجل وكنت متمني نقتلها في مكانها.....لو قتلتها امس شن صار....ليش مادرتها...رفعت يدي من الستيرسو وبحتت فيها لحظات.....غمضت عيوني وفتحتهم ورفعت شعري من على عيوني:اسغفر الله شن نقول......الولد ولدي؟؟؟......ضغطت اكتر وكانت السيارة طايرة من السرعه وصلت للمحل الي نخدم فيه بناخد عطله لين ننضم اموري ونحل المصيبه الي صايرة......... كنت مصبي معى صاحب المحل نتفاهم معاه واسمعنا دوشه تلفتنا ومشينا جهتها بسرعه ولقينا بنت طايحه مغمى عليها وفي مرة كبيرة شوي جنبها تعيط انا بدون تفكير قربت ورفعتها في حضني وطلعت بيها لسيارتي وخديتها للمستشفى ودخلوها الطوارئ قعدنا نراجو لين طلع الدكتور وقربنا منه الدكتور:الحاله صاير معاها النهيار عصبي انا رفعت حاجبي وبحتت في المره المره تلخبطت وخشت بعضها:نقدر نخش عليها توا؟ الدكتور:لا توا متقدريش لكن بعد تصحى توا نخليك تخشي عليها المره:بارك الله فيك الدكتور:وفيكم بارك الله....ومشى انا قعدت مصبي المره:قربت مني:تقدر تمشي يا ولدي تعبناك معانا بارك الله فيك انا رفعت شعري على عيوني:لا عيب مفيش تعب توا نقعد لين يجي حد يقعد معاكم المره:بارك الله فيك شكرا انا:ولو احنا لبعض المره ابتسمت ليا ومشت قعدت على كرسي الأنتظار وانا قعدت مصبي ونفكر في البنت......توا البنت عمرها اقل من19وعندها انهيار عصبي!!! ربي يستر بجد كبرنا قبل وقتنا.....مسحت وجهي بيديا وشميت عليهم عطرها.......نزلت يديا بسرعه وانا نحس روحي انغميت استأذنت من المره وطلعت ندخن برا المستشفى عفوا انا تلفتت:نعم؟ الراجل:
. .
يتبع
Oops! This image does not follow our content guidelines. To continue publishing, please remove it or upload a different image.
