رواية العقرب ووحش الداخلية

بارت 4

أدهم/فى حاجة غريبة جدا وبعدين ايه دخل نور دلوقتي فى كلامنا

آدم بغموض/نور دى حكاية لوحدها ومش سهلة زى ما احنا شايفنها

أدهم  /فعلا انا كنت بتكلم مع ورد واول ما قلت ان نور ملاك  اتصدمت ومكنتش مصدقة انى بصف نور بالملاك وسرحت للحظة وشفت نظرة خوف وتوتر فى عنيها بس اختفوا بسرعة وقبل ما افهم نور كانت وصلت واخدتها 

قاطع حديثهم اتصال وظهرت على آدم علامات الاستغراب و رد  واستمع للجهة التانية وقال
آدم /تمام بافندم
محمود /مين دا
آدم /دا حضرت اللوا وامرنا نرجع حالا القاهرة من غير مناقشة واما نوصل هنعرف ليه
معتز /دا عمرها ما حصلت هو فى ايه النهاردة داحنا مكملناش يومين اجازة الاول هجوم عليك ودلوقتي الاجازة اتلغت
آدم /هنعرف المهم انتوا دلوقتي جهزوا حاجتكوا هنرجع القاهرة وانا دقايق وراجع  تكونوا خلصتوا
وخرج من غير ما يسمع ردهم وخرج يبحث عن نور قبل ما يغادر لازم يفهم
وراح غرفتها لاقها فاضية وعرف من مشرف الفندق انها غادرت وحاول يوصل لاسمها بس كانت مسجلة بحجز مش اسمها الحقيقى وزاد استغرابه وغضبه فأين ذهبت واختفت وكأنها لم تكن ولم يستطيع الوصول لاى معلومة عنها فقد اختفت فى لحظات وتركته من غير ما يفهم او تشرحه له ولكن كان فى داخله شعور بأنهم سيلتقوا من جديد
ورجع لغرفته وجمع أشياءه وغادر هو والشباب

فى العربية
أدهم /انا هتجنن من التفكير نور وورد اختفوا بالسرعة دى ازاي وليه

معتز /لا ومش عارفين نوصل لاى خيط ولا معلومة عنهم

محمود /فعلاً حاجة تحير وصدق آدم لما قال ان نور فيها حاجة غريبة

آدم /انا متأكد دلوقتي انهم الاتنين مش أشخاص عادية ولازم نعرف هما مين وليه اختفوا بالطريقة دى.....

وصمتوا وكل تفكيرهم الى حصل فى اليومين دول وبيحاولوا يوصلوا لاى خيط 

ـــــــــــــــــــــــبعد ساعات من السفر وصلوا على مشارف الفجر وذهب كل واحد لبيته ليرتاحوا وغطوا فى نوم عيميق من التعب والتفكير

ــــــــــــــــ واستيقظوا فى اليوم التالى وذهبوا لعملهم وليعرفوا ماذا حدث لاستدعائهم السريع للقاهرة 
داخل مكتب اللوا وأدوا التحية
آدم /ممكن نعرف يا فندم ليه تم الغاء الاجازة
اللوا /اوامر وصلتنى وكمان فى مهمة كبيرة انتوا مكلفين بيها بس مش لوحدكم

آدم /ازاى يعنى

اللوا /قصدى انكم هتشاركوا فريق الوحش فى المهمة دى
معتز بصدمة /انت قصدك وحش الداخلية ورجل المهمات المستحيلة
أدهم /انا سمعت ان محدش يقدر يقف قصاده ولا يعترض أوامره
اللوا /مش بس كدة فريقه هيحضر وهتشتركوا فى المهمة والوحش هيكون القائد فى المهمة دى
آدم بغضب /ازاى يعنى دا فريقى وانا المسئول عنه والمهمة هنقدر بيها لوحدنا من غير حد ولا هو رتبته اعلى عشان يبقا القائد
اللوا /  الموضوع مش موضوع رتب دى آوامر عليا يا آدم ومفيش نقاش فيها والمهمة كبيرة ومش اى مهمة

آدم /مهمة ايه لدرجة ان فريق العقرب ميقدرش عليها لوحده

اللوا /معرفش عنها حاجة ولو تعرف الوحش فالمهمات الى بيكون فيها معلوماتها سرية والاوامر عليا والفريق هيوصل فى أى وقت
وخرج
آدم بغضب /مين الوحش دا

أدهم /انت متعرفوش دا رجل المهمات المستحيلة وليه كمية بطولات عظيمة واسمه مسمع وحتى وزير الداخلية بنفسه  ميقدرش يعترض أوامره

معتز /وكمان عرفت ان محدش يعرف اسمه او شكله وولما بيظهر بيكون مقنع
ويقدر يدخل أى مكان من غير ما حد يحس

محمود/وكمان فريقه فيه ثعبان النت وثعلب الجيش يعنى فريق لا يستهان به
بصراحة انا متشوق اتعرف ع الوحش وفريقه
أدهم /بمعنى فريقنا فريق العقرب فريق المهمات الصعبة ففريق الوحش فريق المهمات المستحيلة من الآخر الوحش دا لغز وتعاملنا معاه هيفيدنا كتير

آدم /خلصتوا مدح فى الوحش... دلوقتي اتفضلوا نتدرب عما الفريق يوصل

فى ساحة التدريب وكانوا بينتظروا وصول فريق الوحش واستغربوا لما لقوا ساحة التدريب فاضية وصدموا..........

... يتبع....

أين اختفت نور وكيف......؟
وهل ستظهر من جديد فى حياة آدم....؟
ولماذا تخاف منها ورد.....
ومن هو وحش الداخلية......  وما المهمة التى سيكلفون بها.....؟