من الساعة سبعة الصبح نضت نكتب على خاطر كم وعلى خاطر مانعطلش عليكم ❤️
#فرصة_ثانية
#الحلقة14 قبل الاخيرة
#الكاتبةfatoom
فجأة بين هالدوشة والعياط يجي اتصال
ترن ترن ترن 📞
لجين ردت ع السريع
لجين:طاح التلفون من يدها 😰 شنووو
بتول 😳خيرك شنو فيه
لجين:طاحت على الأرض تعيط..........
خديجة:شنو صار خيرك شنو فيه 😰
لجين:مم محمد محمد خوي
نوال:خيره ولدي خيره 😰
لجين:تبكي ممحمد دار حادث وحالته خطيرة😭😭
بسمة:😰محمد
بتول:😰😰
نوال ناضت تعيط على طول حسها وتريش ووووه عليا وو وووه وليدي ووووه
نصيب تعيط وتحضن في امها وتهدي فيها
لجين:بسرعة نادي بابا نلحقو عليه في المستشفى
بتول طلعت بسرعة نادت على بوها
ومشو كلهم للمستشفى
اول ما وصلو لقوه ساعفينه ومدخلينه ع طول للعمليات
عبدالواحد :يصب عرق شد الدكتور شنو يادكتور ولدي شنو عايش عايش 😰
الدكتور اي اي عايش بس حادث قوي ونزف هلبا دم و لخبطة جت على بطنه اكتر شي وكلاويه مضررة لازمه متبرع في اسرع وقت
عبدالواحد :قعمز ع الكرسي ومنهار..لاحول ولا قوة الا بالله
نوال:تلود في لمستشفى وتعيط بأعلى صوت وتدعي ..وفي هاللحظه بس حست قداش الضنا غالي..ولو خسرت ولدها حيكون بسبب عمايلها وبس وعقاب من ربي ليها....
نجو بي اختصار
طبعا لمستشفى كلها مقلوبة والي سمع جي
دارو لكل تحاليل عشان الدم
وتبرعوله...أما لكلوة مالقوش متبرع واحتمال يخسر حتى التانية💔...
نوال حاضنه بنتها و ولدها وتعيط في ممر المستشفى
نوال:بيموت ولدي بيموت ياربي لااا ياربي خود روحي انا ياربي ماتعاقبنيش فيه
خديجة مقعمزة هيا وبناتها ويدعو
الدكتور للاسف مافيش متبرع تطابق مع المريض معش قدامنا وقت الكلاوي متضررات
عبدالواحد :حط يديه على راسه لا إله إلا الله
وفي هاللحظة وقفت لجين
لجين:اني تو نتبرعله خوي
عبدالواحد :😳
كلهم قعدو مصدومين واولهم نوال
بعد الي دارته فيهم ماتوقعتش يكافوها هكي
بس هما عملو بي أصلهم وضميرهم مهما يكون خوهم وماليهش ذنب بعمايل أمه
وعبدالواحد زادت كبرت هلبا في عينه ومعش قدر حتى يرفع رأسه قدام بناته
الدكتور:متأكدة يابنتي
لجين:اكيد هذا خوي نتبرعله حتى بعيوني
نوال:😳😳
عبدالواحد حضن لجين وبدون لا يقول اي شي وهالحضن وحده كان كافي ❤️
لجين:حضناته وبدت تبكي....من كانت صغيرة ماحضنتش بوها هالحضن
بسمة وبتول تأثرو هلبا لدرجة بدو يبكو ويبتسمو تخلطت دموع الحزن والفرح
نوال:حطت يديها على وجها وتحمد في ربي وتبكي
لجين دارت تحاليل وكل شي وخشت للعمليات
استغرقت العملية ساعات
المهم اليوم الي بعده
استاعو الاتنين وحالهم باهي والمستشفى بدت تعبي وتفرغ❤️.........
نوال مش مصدقة مقعمزة جنب ولدها وكل شوي تحضن فيه وتحمد في ربي
عند لجين ❤️
خديجة :تمسح على شعرها حمدلله على السلامة
لجين:الله يسلمك..
بسمة:كيف حاسة توا.
لجين:ماحسيت بشي عادي
بتول؛ لجونتي قوية
لجين:ضحكت اي قوية ههه
شوي وخش عبدالواحد
عبدالواحد :حمدلله على سلامتك بنيتي
لجين:بنتي من سنين ماسمعتها هالكلمة منه...ابتسمت الله يسلمك يا غالي
عبدالواحد :قعمز جنبها...مش عارف شن نقوللكم ولا كيف بتسامحوني بس
لجين:مااضايقش روحك مهما يكون انت تقعد بونا مافيش اب يكره صغاره
عبدالواحد :مش ح نسامح روحي كان صارلكم شي
بتول:مش مهم الي فات أهم شي توا شنو لحمدلله انكشفت نيتها وربي بين لحق
عبدالواحد :ياريت تعطوني فرصة ثانية نصلح اغلاطي ونكونلكم اب تتمنوه ونعوضكم ...
لجين وبسمة وبتول حضنو بوهم...وبدو يبكو احنى مسامحينك
عبدالواحد :شاف لخديجة كان ربي عاميني طول هالسنين ياريت تسامحيني
خديجة:مسامحة دنيا وآخره
عبدالواحد؛ طول عمرك قلبك كبير
بتول:هيا فكونا من لحزن والاكتئاب راه بعد شهر عندنا عرس
عبدالواحد؛ ضحك أن شاءالله على خير يا رب
شوي وخشت لممرضة..خلااص لو سمحتو خلو لمريضة ترتاح شوي
بسمة:اي خلاص خلونا نمشو نشوفو محمد اكيد فاق توا..
بتول:نمشوله انكدو عليه ونزعجوه😈😂
عبدالواحد :هذا فاش فالحة انتي ههه
بسمة:مزعجة اهيا 😂
لجين تشوفلهم كيف يضحكو لين طلعو ..ابتسمت الحمدلله يارب ❤️
