#فرصة_ثانية
#الحلقة12
#الكاتبةfatoom
💙فاطمةالطاهر 💙
لجين:سمت بسم الله وخشت ومنزلة راسها ومشبكة يديها في بعض..
عبدالواحد :هادي هيا لجين..خشي سلمي حنجيب لقهوة وطلع...
لجين :خدت نفس وأول مارفعت عيونها.. تجمدت في مكانها من الصدمة...😳
------------
بسمة :طاحت من يدها التوكة وقفت مصدومة 😳ض ضياء شش شنو ادير
ضياء:بكل هدوووء سكر لباب بلمفتاح وحطه في جيبه...
بسمة :جت تجري لعند لباب..ءءء افتح لباب شنو ادير انت 😰
ضياء :بدون لا يشبحلها...شدها بقوة مع خصرها وسحبها لصقها في الحيط وحاصرهابيديه وعيونه شرار وواضح عليه انه معصصصصب
بسمة:بصوت عالي مبحوح وتاعب...تبعد فيه عليها شنوووو يلي درته افتح لباااب افتتححه
ضياء:ضرب يده على الحيط بقوووة ...بصوت رجولي عالي....انتي شنو يلي درتييييه علاش هكي بسمة علاااااااش فهمييييني
بسمة:منزلة راسها وترعش والدموع ينزلو...وهوا لاصق فيها وانفاسه السريعة تضرب في وجها بقوة
ضياء :فهمييييني علاش هكي شن درتلك انااااااااااااا
بسمة:ضض ضياء خليني تت تو نشرحلك كل شي
ضياء:شنو بتشرحي شنووو و انتي وحدة خاينه.
بسمة:لالااا ضياء ماتحكمش عليا اعطيني فرصة نشرحلك
ضياء:يعيط عليها بأعلى صوته..اي فرررصة اي فرررصة بعد يلي درتيه فيا كسرررتيني يابسمة علااااش
بسمة:تبكي ضياء ارجوك افهمي اعطيني فرصة ثانية
ضياء:اي فرصة تانية وانتي وحدة كداااابة كداااااابة
بسمة:حطت يديها على وجها وبدت تبكي بشهقة 😭
ضياء:لما شافها تبكي بالوضعية اهيا فقد أعصابه معش تحمل ....سحبها ليه بقوة وحضنها 🔥🙊
وبسمة زادت تبكي وتشهق بالصوت وكأنها كانت ادور في هالحضن حتى تبكي عليه وترتاح وكأنها لقت لمكان يلي ترتاح فيه واطلع كل يلي في قلبها ضياء:حضنها بقوووووة كأنه لو فلتها حتختفي من قدامه...حاضنها ويمسح على شعرها بسمة اشششش خلاص معش تبكي ياقلبي خلاص اشششششش ... قاملها راسها...و يمسح في دموعها بيديه ويبعدلها في شعرها من وجها معش تبكي خلاص انا اسف...
بسمة:رفعت راسها وخلت عيونها فيه
ضياء:شاد وجها ويبعدلها في خصلات شعرها ولاحظ علامات الضرب على وجها ورقبتها 😳هذا شنو من دار فيك هكي
عند لجين 🔥❤️
لجين:واقفة ومش مصدقة 😳😳 انت
مالك:حاط رجل على رجل...وعلى وجهه ابتسامة الانتصار...شنو ماتبيش تقعمزي يا لجين
لجين:شنو جابك شن تبي
مالك:عيب عليك تلزي في خطيبك
لجين:خطيب شنو شن يلي قاعد ادير فيه فهمني
مالك:تحديتيني صح وانا نحب التحدي ومانسمحش اي حد يفوز عليا
لجين:خدت نفس وقعمزت...انت شن طينتك شن يلي تبيه مني باش تخطاني
مالك:نبيك انتي بطوبتك
لجين:😳
مالك:تفرحيش مانبيكش تكوني زوجتي نبيك تكوني أم لي آية بس وبما انك خالفتي شروط العقد ف فكرت نرفع عليك قضية ونشحورك في الحبس ولا نخليك تدفعي الثمن غالي على عملتك...
لجين:تشوفله بستغراب شش شن تفكير هذا
مالك:تحسابيني نخليك تنجي بدون لاتخلصي فاتورة عمايلك مش ع كيفك تمشي ايمت ماتبي وتوا حترجعي ورجلك فوق رقبتك
لجين:وقفت في حلمك نتزوجك
مالك:لا مش في حلمي في الواقع حيصير هالشي نوعدك....
لجين:رفعت يدها هيي انت منو تحساب روحك عبالك كل شي يمشي بي امرك
مالك:شدلها يدها وسحبها ليه...
لجين:وجها مقابل صدره وتتنفس بسرعة
مالك:بصوت هادي يدك هادي نقطعهالك لو مزالت ارتفعت عليا فاهمة...
لجين:معش تسمع في يلي يقول فيه بسبب ريحته يلي خدرت كل عقلها وقربها منه بالشكل هذا🔥..
مالك:بعدها عليه....فكري كويس لو وافقتي حيكون على خاطر آية وبس لو ماوافقتيش حنضطر نستخدم طرق تانية 🤷♂️
لجين:في سرها..قد مااني معصبة منه وكارهاته قد مانبي نكون قريبة منه هلباا لسبب مش معروف رغم انه واحد وقح
مالك:حنشرب القهوة ونروح ونبي الرد بسرعة فاهمة هيا قعمزي....عدل جاكيته وقعمز أن شاءالله تكون القهوة حلوة
