كان مبلول وبرجف من البرد كان صوت الرعد كافي يهز جبل اما هو فكان همو بس تلفونو كان بحاول يلقط شبكه من اي جهه بس ماف امل ✨اكتفت بمراقبتو ابتسمت وهي بتعاين ليهو بحب... شكلو وهو بدوس في التلفون وشعرو البقا مبلول تماما واحساس المويه الكابه فيهو بغزاره كان جاي وهو زهجان انو الشبكه ما جمعت... ابتسمت وهي بتمد ليهو كبايه شاي بنعناع كانت بتراقب فيهو... اما هو فكان بيد ماسك التلفون ومنتظر ينور.. وباليد التانيه شايل كبايه الشاي اتنفست الصعداء بعد ما همست ... مين ما كنتي مستحيل اخليك تسرقيهو مني ولو على جثتي... .... يلا تشاو ماشه انوم بالمناسبه قول لرجالك ما يصحو يكركبو لي من الصباح ... تمام تصبحي على خير .. وانت من اهلو ........ في البلد في نفس التوقيت دا بالذات كان عبد الصمد بقح بطريقه فظيعه جاتو بسمه جاريه... مالك يا ابوي خير ... جيبي لي مويه سرعه فعلا مشت جابت ليهو مويه اتحسست يدو بعدها قالت ... حرارتك مرتفعه ماشه انادي امي وجرت لامها جابتها معاها مهره... خير مالك يا عبد الصمد ... ماف اي شي انتو بس دايرني اموت صاح دايرين ترتاحو مني وشال الكبايه ورماها مهره... دا كلام شنو يا راجل وقفت كلامها بعد ما سمعو برق قوي شديد .. زحو زحو مني انتو بس ما صدقتو عاوزين تتخلصو مني عارفكم انتي وبتك .... استغفر الله يا ابوي دا كلام شنو حسي خليك من دا هاك ابلع البندول دا ... ما داير انا كويس بس زحو مني فعلا زحو منو شال غطاهو واتغطا وقبل على الحيطه ونام 😴هناك مهرة وبسمه قلقو اي نعم هو فقري واي شي بس في النهايه هو ابوهم وشريك حياتها لمهره وعشرة عمرها طوالي حاولو يضربو لحسام بس كالعاده الشبكه خزلتهم 💔😭اضطرو يخلوهو ينوم وجو عملو ليهو مكمدات بعد اتاكدو انو ما قادر يقوم وخلاص الحمى انتهت منو مرت الليله ديك من اصعب الليالي عليهم خاصه مع هطول المطر الببشتن البيوت حقتهم وبجيب ليهم امراض كتيرة مزمنه بس بفضل الله الليله مرت بحمد الله.... ...... الصباح.. كان الجو خريفي ومغيم وقطرات الندى في كل حته.. مع رزاز حلو كدا وريحه حلوه احححح 😭💃🏼صحت بسمه وجهزت لمدرستها وطوالي طلعت بدري عشان الحصص بس ما نست تجهز شنطتها حقت السفر عشان المقابله حقتهم... وصلت المدرسه وطبعا بقا عندهم صحبات اكتر وعملو شله كدا ظريفه قعدو مع بعض وبقو يتونسو حبه ويقرو حبه لحدي ما انفردت بسمه بأمونه ... واي الليله حنمشي الخرطوم .. كدي احكي لي عنها ما حصل مشيتها .. اسكتي ياهنايه سمحه سماحه والعجب الشقه المؤجرها لينا صاحب حسام رهيبه... ايامك ياخ.. خليك من دا حسام اخبارو شنو ومالو طول كدا من البلد ولا بقينا وسخانين وسخانين وبقت ليهو البلد كيف كيف ... 😂😂لا لا والله بس شغلو صعب .. صحي هو شغال وين .. شغال والله ما عارفه بالظبط لكن الناس البكونو في الميناء وبنقلو البضايع وبشرفو عليها وكدا ... اها والله ما شاء الله وحتمشو ليهو الليله طوالي وابوك 💔🙂... اي والله انا زاتي شايله ليهو هم بس بنشوف لبعدين لو ما بقا كويس بنخليه. 🙂... اي احسن اها احكي اصحاب اخوك عاملين كيف واولاد الخرطوم عاملين كيف احييي فشفاشي اتهرد من شوفه عواليق الحله ديل ... هههه والله يعني هم ما كلهم حلوين بس نضيفين كدا واولاد البلد احلى منهم ديك يا هنايه 😂لكريم الشعر فاتيكا دا بختوهو في شعرهم تحلفي تقولي هو البت... ولا القويشات .... 😹😹😹بالغو المهم بيني وبينك اكيد في حلوين ... اي طبعا لكن حسام اخوي ما عندو اصحاب بس ياهو صحبو عبد الواحد دا وكمان مؤجر الشقه القصادنا طوالي ... واي 😹حظك اها وسمح🙈... هههه دا همك اي والله سمح كدا وجمالو مريح للعين ما واو .... واي يا هنايه 🙈💔اها وبعدو ... لا بعدو لا قبلو شغلتيني زاتو اقري اقري حسي تجي المرا تجوعر فينا ... ههههه طيب .......... في مكتب المخابرات... مروان... اتفضل مهاب... يا حبيبنا مروان... شايفك مبسوط والليله القميص مكوي مهاب... 😹😹الزول يعز نفسو ياخ مروان.. 😹😹بالله المهم اها الجديد مهاب ... الجديد انو حققنا في اخر حادثه وعرفنا البت اسمها هدى وهي خريجه جامعيه وقابلت امجد في معرض بحكم انها قاريه تسويق وكالعاده اكل راسها بس قالت فجاه قال ابوهو تعبان وتاني انقطعت اخبارو وحسي هي متزوجه من ولد عمها وسافرت الدوحه... اها تمام طيب والبت المعاها .... صراحه انا مستغرب هي نكرت تماما انو في بت معاها وقالت جات براها في حين انو قواتنا شافو بت معاها ... اوك سجل كل دا في المحضر وانقلو لقسم الشرطه وادي نسخ للعاملين المسلم ليهم القضيه دي ووافيني بالجديد .... علم وبالنسبه للشقه ... اي تمام مشكور اتفضل ... تمام ............ صحا بالصباح وكانت الشمس ضاربه في وشو لقا روحو راقد في الارض قام على حيلو وطقطق ضهرو شويه ومشا برا لقا الارض شربت المطرة كلها كأنو ماف مطره امس *شناة العمل 😝*شال جردل مويه وكباهو على نفسو شويه وامر رجالو يجيبو ليهو مويه شال المويه ومشا استحما اثناء ما بستحمى تلفونو ضرب وتوابش مشت عليهو ... الو الو امجد توابش طوالي عرفت انو دي البت الفي بالها الو معليش الشبكه كعبه.. امس ما قدرت ارجع ليك وما قدرنا نتقابل عشان المطرة الو انت سامعني الو طوالي توابش قفلت الخط ومسحت المكالمه شالت رقم البت وسجلتو عندها وبعدها مشت اوضتها ودخلت تستحم .... اما هو جا طالع من الحمام عاين للتلفون ماف اتصال مشا غرفتو لبس وبعدها كان على وشك يطلع بس وقف بصوتها ... وين يا طير ... قريب قريب .. ما ملاحظ انو نحنا متأخرين في الخطه وانت ولا همك تشيل وتتحاوم .... ما من الصباح النقه ياخ وبالله افصليها نص ساعه واجي الدنيا حتطير ... ممكن تقول لي منو ست الحسن والجمال الماشي تقابلها 🙂... قصدك شنو 🙄.. قصدي ما عاوز شرح... لكن اوك يا امجد انت عارفني كويس وعارف انو غيرتي بتعمل شنو ولو كترتها اترحم عليها .... اااانت بتقولي في شنو وبت شنو قربت منو ومسكت يدو احتضنتها بيدها بعدها عاينت ليهو في عيونو ... قصدي معروف يا ميجو حصل حضرته مسلسل من الحب ما قتل ""يع ""بس نفس الفهم انا عندي كميه من الحب اتجاهك بس انت ما معبرها ووافقته على برودك مقابل تكون لي لكن ما حصل سمحته ولا حاسمح لوحده تخليك بعيد مني خت الكلام في راسك قرب منها شويه لحدي ما فك يدو من يدها بكل سخريه ابتسم وهو بقول الكلام دا احتفظي بيهو وبعدين من متين امجد بتاع حب دي لعبه جديده بلعب بيها وبرميها ليك تتصرفي ... بتمنى 🙄وياريت ما تتقلب الموازين وتلعب بيك هي بدل تلعب بيها ومشت طوالي على غرفتها خلتو ليك حيران وخايف خايف من رده فعل توابش وخايف على نور 💔اسرع في خطواتو لحدي ما وصل عربيتو وطوالي اتحرك لحدي ما وصل اوزون كان داخل بكل فخر لمح شعرها المميز بس قصادها كان في واحد... حسا بطعنه وكانت خطواتو ماشه بالبطئ... ازدادت طعناتو بعد ما شاف ملامح الولد المعاها كان جنتل بمعنى الكلمه.... شويه وكان حيرجع بس سمعها وهي بتنطق اسمو ... امجد سكت للحظات بس اضطره انو يمشي عليهم ... كيفك يا زول مالك ما بترد قبيل ضربته ليك وما كان في رد .... تمام بخير وانت ازداد توترو بتفحص الزول المع نور ليهو ... احم ما تعرفينا .... ههه دا عمار اخوي الكبير هو ما اخوي اخوي هو اخوي من امي .... اها اتشرفنا عمار... لي الشرف اتفضل وفعلا قعدو مع بعض وكان في جو مشحون لحدي ما هي طلبت كوفي وجات ... هي قايز مالكم مبوزين بالمناسبه عادي يا امجد تتكلم قدام عمار... عمار دا صحبي بحكي ليهو اي شي .... ههه اي ظاهر عليهو ظريف عمار.. تسلم لكن ما قلته لي انت شغال شنو امجد... شغال دكتور عمار... في مستشفى شنو امجد... والله بقيت ما بمارس الطب وشغال ادرس الايامات دي نور.. واو حلو اول مرة اعرف امجد... ههههه عمار... طيب في ياتو جامعه امجد... احم في كم جامعه 😊عمار.. زيي امجد.. يعني بساعد كم زميل لي كدا في التدريس هنا وهناك عمار.. يعني مساعد ما دكتور امجد ظهر في وشو التوتر ... لا دكتور بس بساعد انو نور.. برييييك خلاص انتهت الاسئله ابردو على فكرة يا امجد ما تضايق عمار بهظر معاك وبلعب معاك ضاغط بعدها عمار ونور بقو يضحكو امجد التوتر شويه خفه منو بس عمل فيها بضحك معاهو عمارختا يدو في كتف امجد بعدها قال .. قلبك خفيف يا حبيبنا روق المنقه انا واثق من اختيارات نور حبيبتي واكيد انت زول كويس بس حبيت العب دور الاخ شويه بس ولا يهمك انا ماشي ومريحكم مني عشان تاخدو راحتكم نور.. ليه يا عمار حرام عمار... عندي شغل ضروري... بس اوع تتأخري نور... حاضر من عيوني عمار.. عيونك تسلم لي يلا يا ابو الشباب نتلاقى في الافراح امجد... ان شاء الله تسلم بعدها مشا عمار اما امجد قرر يشرب سجارة عشان تخفف من التوتر الخلاهو ليهو عمار بس نور منعتو . لا بليز يا ميجو .. دقيقه دقيقه ابتسم بعد ما قال ههههه قلتي شنو ميجو عديل كدا والله الليله حته سجاره حاختها في خشمي ماف ... 😹😹للدرجه دي ... واكتر انت ما عارفه انت بالنسبه لي شنو والله انت غير كل البنات ولاب لاب لاب حنك الاولاد الكضب داك اخدو قعدتهم بعدها امجد رجع ونور برضو رجعت
يتبع......
