فتحت عيونها ببطء كانت نفسها تعرف هل هي حيه ولا ميته او حصل شنو اصلا 🤷🏻♀نزلت دمعه ساخنه واخدت طريقها من جفونها لحدي ما وصلت جيب رقبتها كانت الدمعه دي سبب كافي انو تعرف انها حيه... حست بالاعياء وانو في حاجه واجعاها لكن ما قادرة تحدد مصدر الوجع وين... حاولت تتحرك لكن وين ما كانت قادره ولا ترمش حتى 🔐
كان عزاب بطئ.... قررت تحاول تهدأ عشان تقدر تعرف الحصل شنو بالظبط.... اخدت نفس وياريتها ما اخدتو شمت ريحه الله لا وراكم ليها... ريحه ما بشموها الا قاتلي البشر وسافكي الدماء 🙊هنا يا دوب اطلقت العنان لدموعها وهي بتتذكر حصل شنو قررت انو اسلم حل انو تقوم وتشوف اخر خيط للنجاه... بدت تحرك اصابعها حست بتشنجات في جسمها كلو استغفرت حبه بعد ما رددت """يا رب انا عمري ما كنته زوله كويسه وما كنته بسمع الكلام يا رب بس نجيني وانا بإذن الله تاني حاتوب من كل ذنوبي يا الله ما تخليني أموت موته بشعه كدا يا رب انا لسه في حاجات ما عملتها لسه ما اتحجبته ولا انتظمته في صلاتي يا رب يا رب سامحني """*الموت جاك يا تارك الصلاه 😹*نزلت دموعها بغزارة خاصه انها ما قادره تحرك جسمها نهائي 💔💔............ في جانب تاني... .... يا عزام ليه خليت البت ديك حيه حسي دي دليل عزام.... يا ولد انت عوير انت صدقته اي نعم انا شلته منها كليه وحده لكن مديها جرعه زايده بنج ودا كافي يقتلها 😹😹بالبطئ يعني احسن البنات منها.... من حبي ليها يعني شلته كليه وحده لا يا فهيم 😹😹😹شلتها وحده لانو في وحده فيها مبادئ حصوه .... وانت عرفته كيف عزام.... يا زول أنا منو نسيت ولا شنو يلا حرك برا كلام معاك وزاتو عشان نلحق نصل لانو البوس مستعجل بعد رحله طويله كان عزام وأعوانو في مقر البوس خارج البلاد ................. في حينا الجميل البسيط الصباح اصبح كان في ريحه حلوه كدا بتطغا على ريحه الدعاش الناتج من مطرة أمس.... ريحه شاي باللبن المقنن وريحه بخور ترد الروح ✨✨كانت حبيبتنا بسمه بتستعد للمدرسه وكلها حماس لبدايه السنه.... زادت فرحتها خاصه لمن عرفت انو حتكون في الفصل الأول... كانت متحمسه شديد مهره... بسمه يا بتي اشربي الشاي مالك مستعجله كدا بسمه... اي اي اي حاشربو مهره.. الله يحفظك ويسدد خطاك اهم شي تتحصني وما تشتغلي بزول وانت شاطرة وان شاء الله حتنجحي وحاكون فخورة بيك 😍بسمه.. اننننن شاء الله مهره... هاك يلا حاجاتك واتوكلي وامشي طويل على المدرسه ما تتلفتي بسمه... كويس كويس كويس يا امي *طبعا بسمه عندها مشكله في الكلام وبتأتئ *مهره.... الله معاك قطع كلامهم عبد الصمد وهو بكورك ... يا مرا وين الشاي 😡ياخ ما ممكن الواحد يصحا من الصباح ما يلقا شاي مهره... جايباهو يا عبد الصمد هندا شال منها الكبايه شرب منها حبه بعدها شال الكبايه وكشحو ليها في جسمها بسمه بعد ما حصلت باب البيت وخلاص مارقه سمعت صرخه امها جات جاريه عبد الصمد... يا مرة دا شاي ليك قومي قبل ما اقع فيك ضرب 😡وبطلي لي تمثيل بالله تكرهو الزول من الصباح حاجه مهره شالت الكبايه في سكات ودمعتها في عينها شافت بسمه قدامها مسحت دمعتها بسرعه مهره... بسسمه 😕رجعك شنو يا بتي امشي اتوكلي دايرة الحصه تفوتك أول يوم بسمه.. أمي يدك يا أمي مهره... ما تخافي بس بالغلط دفقته الشاي في نفسي حسي بعمل ليها معجون بتبقا كويسه يلا يا بتي الله يرضى عليك امشي بسمه.... 😔كككويس كويس كويس يا أمي فعلا بسمه مرقت وهي من جواها متأكده انو أبوها هو السبب رددت في سرها ""وينك يا حسام تجي تشوف أبوك بعمل شنو فينا ""اتحركت بسرعه وهي مبسوطه بعد ما أتزكرت انو الليله أول يوم كانت كل ما تمشي في شارع توقف الشارع من سماحتها لكن أكيد نظراتهم دي ما نظرات شريفه خاصه انو هم حكمو عليها بالجنون 🙂فكان كل زول عندو نظرتو ليها المهم وصلت المدرسه وطوالي دخلت فصلها وكالعاده قعدت جنب صحبه طفولتها أمنه سلمو على بعض واتونسو حبه بعدها بدأ اليوم الدراسي وكان كلو تعريف للمواد الدراسيه والاساتذة... طبعا هي بتقرا أدبي انتهى يوم بسمه عادي ورجعت البيت كان كل شي طبيعي لحدي ما مشت البيت دخلت البيت لقت امها في الارض ووو...................... مكتب الجوكر الاستاذ مروان.... كان منتبه في أوراق لحدي ما سمع طرق باب مروان... اتفضل ... يا سعادتك حصلنا على المعلومات مروان... والبت 😒..... البت أمنا ليها عربيه خاصه لكن هي جايه من بورتسودان عشان كدا حتحتاج لنهايه اليوم حتى تصل مروان.... تمام. ... بس تابع عليك الله يا مهاب مهاب.. ان شاء الله... اتفضل الملف مروان... تمام أنا حاطلع عليهو وأنت تابع موضوع البت وعاوزك تجيبها بنفسك وبسريه تامه واعمل لي اجتماع بعد نص ساعه عاوز كل الدكاترة الشرعيين وكل طاقم العمل الموثوق فيهم مهاب.... ان شاء الله بعد طلع مساعدو بدأ يراجع في الملف بكل إهتمام... لدرجه انو ما حس بتلفونو البضرب جنبو بعد نص ساعه كان قرأ كل شي وبدا يستعد للإجتماع كان الإجتماع المرة دي بمنتهى السريه والشفافيه انتقى فيهو الموثوقين وبس اتحرك بكل ثقه نحو كرسيهو بعد ما القى التحيه وبعدها بدأ الاجتماع... مروان.... طبعا نحنا بدينا في القضيه دي لينا سنتين ونص ولحدي هنا وكفايه المجرمين ديل بدو يزيدو وبدو يبقو أقوى نحنا عشان نعرف الراس لازم نقطع اليدين مفهوم الكل... مفهوم سعادتك مروان.... إسم واحد ظهر في ملفاتنا كانت في أثر ساعه رجاليه منقوش عليها إسم محل فخم وغالي ودا الساعدنا نعرف اسم الشخص أو اليد اليمين لزعيم العصابه دي كان بحسب أقوال شهود عندو كم إسم بظهر بيهم عزمي...عزام ... حازم... عمر .. أنور.... مجاهد والى أخره في أخر عمليه كان إسمو عزام وعلى حسب أقوال بعض الناس انو الاسم الحقيقي ليهو هو عزمي وما معروف برضو اتوصلنا لانو البوس عندو يدين زارعهم وانو عاوز يد تالته تكون في الخرطوم عشان توصل ليهو المعلومات.. خاصه انو عزمي ويدو التانيه بعد كل عمليه بغيبو عن البلد ٣شهور شهق الكل بعد المعلومات دي كان في نوع من الصمت العندو معنى... وكان في سؤال في عيون الكل مروان.. 😆عارفكم مستغربين عرفته كيف الكلام دا في حين انو انتو الجبتو المعلومات دي دي أسرار المهنه بعدها ابتسم بعد ما أغاظهم وكل واحد بلع ريقو بفضول وخيبه أمل 😆حاره ياخ زي الزول يقول لي عاوز اقول ليك حاجه وبعدين يقول ليك ولا اقول ليك خليها 😃تقرب تقتلو واصل كلامو.... عزمي من طلاب طب الخرطوم الاتفصلو من الجامعه بسبب سوء السلوك وعمليات النصب والاحتيال اتسجن في السجن ٥سنوات بعدها طلع خارج البلاد فجأه ملفاتو اختفت حتى من شهادات الميلاد يعني بقا ما مواطن سوداني واخد جنسيات مختلفه خارج البلاد اليد التانيه على حسب الادله هو صديق طفوله عزمي وهو أمجد برضو ما بيقل عن عزمي في الإجرام مهاب... طيب يا بوس نحنا حنعمل شنو الموعد الجاي قرب للجريمتهم مروان.... القاعده الاولى لقبض المجرمين شنو 😆مهاب.... التفكير زيهم ابتسم بعد ما رجع جسمو لورا مروان ... أو تبقا زيهم 😏المهم عاوز معلومات أكتر وأكتر بالذات عن العامل المشترك بين البنات ديل وجامعاتهم وين واهلهم وكل شي بكرة الضهر تاني في إجتماع القا المعلومات دي كلها في مكتبي مفهوم 🙂الكل... مفهوم سعادتك مروان أشر لمهاب يلحقو للمكتب وفعلا لحقو مروان... مهاب انا ما مطمن امشي شوف البت امورها شنو مهاب... قالو لاقوهم تفتيش في الطريق وومروان... قلته شنو 😳اسمعني الحاقولو ليك دا يتنفذ وماف جنس مخلوق يعرف مهاب.... اتفضلمروان.............. مهاب.... علم وحينفذ مروان. . أتفضل على شغلك يلا بعد ما انتهى من شغلو رفع تلفونو ولقا مكالمات رجع للرقم واتكلم حبه شويه وزفر بضيق قبل ما يقول *صبرني يا رب *........ في قريتنا بسمه لقت امها واقعه قومتها من الارض ورشت فيها مويه شويه وتلفونها دقه اتكلمت حبه كدا وبعدها جات جاريه شالت التلفون وجرت على الدكان باعت الرصيد الفيهو وشالت القروش جابت من الصيدليه دوا الضغط حق امها وبسرعه جرت البيت ادت امها الدوا ورفعت التلفون طمنت اخوها انو امها بقت كويسه.... حمدت الله انو ابوها سافر لمصلحه ٣يوم عشان يرتاحو منو هي وأمها ادت امها تاكل بعدها خلتها ترتاح وهي مشت على كتبها كانت متحمسه تقرأ الدروس الادوها ليها وفعلا ساهرت وقرت كل قرايتها وكل شويه بتطمن على أمها 🥰عدت الليله ديك عليهم بخيرها وشرها ونامو 😴........... فلاش بببااااك كانت حاسه انو انفاسها بدت تقل ومع كل نفس بتحس بوخز في بطنها 😕بدت تصرخ بأعلى حس عندها شويه وسكتت بعد حست بالالم زايد بدت تجمع في الزكريات وكأنو دي أخر دقايق من حياتها اتزكرت مدخل الجامعه الصباح بدري وهي مستعجله ركبت عربيتها ومشت على كليتها وهي كليه علوم الاشعه جامعه الرباط مشت بكل فخر لابسه افخم الملابس كانت واثقه من مظهرها تماما لانو لافت بشكل ما طبيعي كالعاده مشت بكل إفتراء نحو الكفتريا وقعدت في كرسي براها شويه وجاها تلفون .. الو الو يا زول انت وين انا وصلت ... هههههههاي انت لاقي تشوفني من الصباح تعال منتظراك في ساوي أنا شويه كدا شالت مرايتها وبدت تعدل في الميكب وتتأكد من مظهرها بعد فتره قليله جا داخل بكل اناقتو وريحه عطرو فايحه قبل وصولو ابتسمت بكبرياء وهي بتأشر ليهو خصوصا لمن شافت عيون البنات الحاسدنها عليهو وقف جنب تربيزتها بابتسامه جزابه شويه ومدا ليها يدو سلمت باطراف اصابعينها وطوالي طلعت معقم بعد ما اشرت ليهو يقعد كانت بتمسح يدها بالمعقم ما أظهر انو اضايق بس بلع ريقو بحنق كدا وبعدا بدأ يتكلم وووووو
يتبع......
