بي كدا اكون حددتا مصيري شنو😴، وليد الحمدلله اتخرج، انا ماكلمتو اني اتخطبت لي ولد عمي، وطول الفترة دي وانا ماحسستو بي شي، هو بالمقابل حبو لي كل يوم بي زيد، مفروض كان احاول احسسو حبة واكون كعبة في تعاملي معاهو، بس للأسف قلبي ماكان بطاوعني أقسى عليهو😴💔، مع اني عارفة هو ما من نصيبي ومهما عملت ماحيكَون لي، وكل المعاملة الكعبة كانت من نصيب هشام 😴💔، كنت كعبة شديد معاهو مع انو نحنا مخطوبين، مااشوفو الا وشي يتغير وازهج، طوالي اقوم اخلي ليهو المكان، امو ماكانت مقصرة خالص، كل أنواع الإهانات قدمتا لي، وحصل كمان لي درجة انها بقت تمد يدها على، بس دايما هشام كان بقيف في طريقا، ويفهما انو انا خأبقا مرتو، ومابرضا فيني، انا ماكنت يشتغل بي كلامو، كنت بمشي الموضوع عادي، حنين ماحاولت تتكلم معاي، حست انها فترة وتعدي، ودي حاجة عادية بتحصل بين اي أتنين مخطوبين💔😴، وانا حالتي كانت غير😣، كنت بكرهه هشام وشايلة هم كيف حأعيش معاهو تحت سقف واحد واسمي يرتبط بي اسمو واجيب منو اولاد، 😣😴، بديت اراجع نفسي، واحس انو اختياري لي هشام كانت غلط، ومهما كانت الظروف مفروض مااتنازل عن وليد وماحأضحي عشان اشوف عمي مبسوط، وانا أشقى طول عمي، ماكان في توافق بيناتنا انا وهشام مع انو مخطوبين لينا سنتين، بس قدر مااحاول اجبر نفسي احبو، ماكنت بقدر، والحب مابجي بالجبر😴😣💔، ابتدت نقاشاتي معاهو تكتر ومن مافي احاول انكت عليهو، وكل دا ووليد لسة ماعندو علم بالموضوع، كل يوم يضرب لي عادي واتونس معاهو، ولما يكون فاضي كنت بمشي اقابلو، وليد استعين في شركة، اول مااستلم الوظيفة تضرب لي كلمني وكان مبسوط شديد 💔😣، انو اخيرا حيعمل قروش ويجي يتقدم لي، وساعتها عمي ماعندو حق يرفض، انا كنت يتظاهر ليهو اني مبسوطة وكمان متشوقة لأنو متين نكون مع بعض 💔، تمت سنة على تعينو في الشركة، وفي مرة ضرب لي عشان امشي اقابلو حاولت اتحجج بي أي عذر اني مافاضية بس كان مصر انو يشوفني😶، مشيت قابلتو عادي ولا كأنو في شي حاصل، كنت بخون هشام من وراه وامشي اقابل وليد اعمل شنو لكن ماكنت يطيق هشام ولابطيق اشوف وشو في البيت خالص، كل ماتسنح لي الفرصة اطلع من البيت، هشام كم مرة طلب متى نطلع سوا بس انا كنت برفض، هو حاسي بي اني ماعايزاهو، بس كان مديني فرصة وبقول خأتغير بعد كدا واتقبل الواقع، 😌😐بعد مشيت قابلت وليد طلع من جيبو هدية بسيطة كدا ولما فتحتها لقينا خاتم منقوش عليها حرفي بي جانب حرف اسمو😔، قعدت اعاين فيهو فترة وانا سرحانة، وقلبي واجعني لاني بقش فيهو، وطول المدة دي معشماهو فيني 🤨😔، قربت اعترف ليهو وأرى بالحاصل، بس اتراجعت في آخر لحظة، الوقت كان اتأخر شديد ودعت وليد ورجعت البيت، هناك لقيت هشام مستنني، وبس دخلت جا وسألني كنت وين، قلت ليهو كنت في الجامعة، ماصدقني وبقي يكورك فيني. وبنهرني، 😴😔بس سكتا منو وماقلت ليهو شي، دخلت غرفتي وقعدت ابكي 💔، حنين لقاني قعدة ابكي، جات وحاولت تسكتني، وقالت لي ماتزعلي من هشام انتي خطيبتو وهو خايف عليك، ماقصدو شي تاني، عاينت ليها وابتسمت، قشيت دموعي وبقيت عادية، وبس حنين طلعت طلعت الخاتم الأدنى ليهو وليد ولبيتو، قعدت اتمعن فيهو، واتخيل كيف حياتي حتكون حلوة مع وليد، بدل الجحيم الحأعيش فيهو مع هشام، بديت ابكي من اول وجديد، لما نرضا بي حاجة غصبا عننا، ونعيش حياة مابأختيارنا، يثبت ضعفنا عن مواجهه التحديات البتلاقينا، ونحاول نقنع روحنا انو لازم نضحي، حتى بنتازل عن حقوقنا في سبيل التضحيات.هشام خلاص صبرو قل ناحيتي وابتدأ يتعامل معاي بي جد وعلى حقيقتو، هو انتظر على طويل، وماكان عايز يغصبني على حاجة، كان منتظرني من روحي اتقبل وضعي، واتقبل حقيقة انو حيبقي راجلي في يوم من الايام، غيرت تعاملو معاي وبقا قاسي من اول وجديد، وبقا يتحكم فيني وفي لبسي، وبس اتكلم معاه، طوالي يقوم على ما يخلي لي صفحة ارقد عليها😣💔وأمر تجي تتم الناقص، بقا يقول لي البسي دا وما تلبسي دا، وكاتم على نفسي، وبقا كمان يوصلني الكلية ونهاية اليوم يجي يرجعني، بقيت ازهج من تعاملو معاي، وماعاجباني حكاية يومي مقيدني ويراقبني، وينتظرني آخر اليوم عشان يجي يسوقني من الكلية، لما اتكلمت معاهو، خيرني بين انو أقبل بي كدا، أو ماف لي كلية تاني😣💔، واقعد في البيت، عمي كان لاحول ليهو ولاقوة، وبقي مرضان شديد، وحركتو في البيت قلت، ولو كان بعافيتو ماكان حيرضي هشام يتحكم فيني كدا، قعدت في البيت وبطلت امشي الكلية، ووليد كل يوم يضرب لي مابرد عليهو لمن بقا يقلق، 💔😣، وانا اشيل وادعي في هشام، كم مرة سألني اها قلت شنو تمشي بي رأيي وعلى مزاجي رلااخليك ف البيت، تتفرغ لي شغلو وكلية ليك مافي تاني😣💔، كنت بسكت ومايرد عليهو، وبس حابسة نفسي في الغرفة، لاباكل لابشرب، ودلال كانت زعلانة شديد، ومتغاظة من تعامل هشام معاي، بس انا سكتها انها مااتجيب سيرة ليهو أو تمشي تتكلم معاهو، حنين كانت بتحنس فيني، وتحاول تخليني اهدا، وعدتني انها تتكلم مع هشام يخفف عني شوية ويبطل يراقبني، وقالت لي انتي كمان حسني معاملتك معاهو وخلي يثق فيك 💔، حنين اتكلمت مع هشام ووعدتو اني اتغير معاهو، واخلي البعمل فيهو، واعدل طريقة تعاملي معاهو، قعدت يفكر في الموضوع وفي النهاية وافق، رجعت تاني اتصرف على راحتي ورجعت لي حريتي زي زمان 😶😌، وبقيت امشي الكلية عادي،بقيت حبة حبة اغصب نفسي واحاول احب هشام، بس خالص ماكنت بقدر، وكيف حأعيش معاهو وانا مابحبو، لحدي ماختيت في بالي ماشرط اكون بحبو المهم يكون في حبة رحمة بيناتنا وشوية احترام ربيهم نقدر نواصل حياتنا.ابتديت اطلع معاهو، وحاولت حبة كدا انسا وليد يس كنت كل مرة بتذكرو، وكيف هو بأني حياتو على حبنا، قلبي يتقطع على حالتو حيكون كيف بعد يعرف اني حأتزوج ولد عمي، بقيت نادر ماحأتكلم مع وليد 💔😌متحججة بي فكرة انو دي اخر سنة لي في الكلية واني مشغولة شديد بقرا وكدا، وانا في الأساس عايزاهو ينساني ومايرجع يفكر فيني تاني، 💔😌كنت بقصد اتجاهلو واتجاهل رسايلو، عشان يزهج مني ومايرسل لي تاني، بس حبو لي كان قوي شديد، يرجع يرسل لي من أول وجديد ومازهح خالص 💔😶، كم مرة اتجاهلتو، بس ماكنت قادرة امنع نفسي من اني ماابسمع صوتو، فشلت خطتي في إبعادو، ولقيت نفسي يتقرب ليهو من اول وجديد، وبقيت أخبو زيادة 😶💔😌😣، وفي نفس الوقت بقيت بعامل هشام كويس، وبتظاهر اني مبسوطة معاهو وانو كان اختياري المثالي، هشام كان أكبر غلطة في حياتي وكنت عارفة كدا، كنت عارفة اني حأعاني واشقي معاهو واضوق الويل، بس كنت رغما عن دا كلو متمسكة بيهو، عمي كل مرة يسألني عن حالي كيف وكيف انا وهشام، كنت بطمنو واقول ليهو مبسوطين شديد، وانا كمان مبسوطة لاني حأتزوجو. وليد كم مرة قال لي انو خلاص بعد كدا ناوي يتقدم لي، بس انا كنت في كل مرة بأجل الموضوع وماعايزاهو اصلا يجي يتقدم ولاحتى زول يعرف قصتنا
يتبع....
