ချစ်သူသာနေကြာပန်းတပွင့်ဆိုရင်🌻(Season-2) Completed

Part-13 (Unicode)

"ဟမ်။ နန်း။"

"ဘယ်သူ့့ဆီက ဖုန်းလာတာလဲ။ ဆရာ့ဆီကလား။"

"အမ်။ မဟုတ်ပါဘူး။"

"မဟုတ်ဘူးဆို ဒီမှာ လာကြည့်ပေးပါဆို။ ဒီနှစ်ခုထဲကဘယ်ဟာပိုကောင်းလဲ မသိဘူး။"

နန်းကတော့ ကျွန်တော့်ကို လှမ်းပြောပြီး အရောင်မတူအသွင်ကွဲတဲ့ဆိုဖာနှစ်လုံးဆီကို အာရုံပြန်ရောက်သွားလေသည်။

"အင်း။နန်း။ကိုယ်လာပြီ။"

တနေကုန် ပတ်ပြီး ဝယ်ပြီးနောက် နန်းစိတ်တိုင်းကျ ပစ္စည်းတွေ ရလာလေပြီ။ စိတ်မြန်သူပီပီ ခန်းဝင်ပစ္စည်းတွေကို ကျွန်တော့် အိမ်မှာ တခါတည်း နေရာချလိုက်လေသည်။ အမှတ်တမဲ့နဲ့ နာရီကို ကြည့်လိုက်မိတော့ ညခုနှစ်နာရီထိုးတော့မည် ဖြစ်သည်။ အဲ့တော့မှ ပြီးခဲ့တဲ့ အပတ်က ရှင်းကို ချိန်းထားတာ သတိရတော့သည်။ ဒီနေ့ ညရှစ်နာရီ တွေ့မယ်လို့ ပြောထားတာဘဲ။ မဖြစ်ဘူး။ မြန်မြန်ပြီးမှ ဖြစ်တော့မယ်။ နန်းကတော့ ပရိဘောဂတွေ မကျိုးမပဲ့အောင် ပစ္စည်းသယ်လာတဲ့သူတွေကို သေချာကြပ်ကြပ်မတ်မတ်ညွှန်ကြားနေလေသည်။ ကျွန်တော်ကတော့ စိတ်မရှည်နိုင်တော့ဘဲ အလုပ်သမားတွေနှင့်အတူ လိုက်ပြီး သယ်ပေးနေမိသည်။ ပစ္စည်းတွေ ခပ်မြန်မြန်နေရာချထားဖို့သာ စိတ်ထဲလော်ဆော်နေမိသည်။ အိမ်ကနဂိုကတည်းက ပစ္စည်းများများစားစား မရှိလို့သာ တော်သေးသည်။ ညခုနှစ်နာရီခွဲလောက်ရောက်တော့ ပရိဘောဂတွေကိုနေရာချထားပြီး ဖြစ်သည်။ နန်းက အလုပ်သမားတွေကို ပိုက်ဆံရှင်းနေလေသည်။ မီးဖိုချောင်ထဲကိုဝင်သွားပြီး ရေခဲသေတ္တာထဲမှာ ရေတစ်ဘူးကိုထုတ်လိုက်သည်။ ထို့နောက်စားပွဲပေါ်တွင် အသင့်ရှိနှင့်သောဖန်ခွက်ထဲသို့ လက်တစ်ဖက် ကရေလောင်းချလိုက်ရင်း ရေသောက်ဖို့ အပြင်

"ကိုဘုန်း။"

ခါးတဝိုက်ကို ရစ်ပတ်လာတဲ့ နူးညံတဲ့ အထိအတွေ့အောက်မှာ လက်ထဲက ရေခွက်လွတ်ကျမတတ် ဖြစ်သွားသည်