My Maton Girlfriend (On Going)

Kabanata 7

Kinagabihan matapos naming mag-dinner ay gumawa ng bonfire sila Mickel at nagtipon-tipon kaming lahat at doon nag-inuman.

As usual, hindi nawala ang truth or dare na laro nila. Maging ako ay napasabak at sinayawan ko pa si Art sa harapan niya. Game naman ako kasi marunong naman akong sumayaw. Walang malisya iyun sa 'kin, sa kanila oo. Pero pake ko naman ba?

"Nililigawan ka ba ni Art?" tanong ni Elyce pagkabalik ko sa tabi niya.

Salubong naman ang kilay na nilingon ko siya. "Ano ba naman 'yan Elyce, ang dami mong nalalaman. Una si Kartini, ngayon naman si Art. Mukha ba akong malandi?"

Wala akong nakuhang sagot sa kanya at tinawanan lang ako. Naiiling na binalik ko na lang ang tingin sa harapan pero nagtama  naman iyun kay Kartini.

Mula nang mangyari ang kanina ay hindi niya na naman ako pinansin pa. Pero kapag napapatingin ako sa kanya ay laging salubong ang kilay nito at masama ang tingin sa 'kin.

Sa inis ay pinandilatan ko ito ng tingin. Agad namang nag-iwas si Kartini at ibinaling ang tingin sa babaeng nilalandi siya.

Mas lumalim pa ang gabi at kung anu-ano nang kalokohang nasasabi nila Mickel. Nagiging bastos na din ang topic kaya mas lalong lumakas ang tawanan nila.

Ang mag-jowang sina Elyce at Reishi ay nagpaalam na maglalakad-lakad muna. Pero syempre hindi ako naniwala. Sigurado naman na gagawa ng milagro ang dalawang 'yun at sa madilim pumunta.

Hanggang sa nabawasan kami, at ako, si Daimler, si Mickel, si Art at dalawa niya pang kaibigan ang natira. Idagdag pa si Kartini na panay na din ang inom kanina pa. Himala nga at wala na ang kalandian nito kanina.

"So, would you tell my who's your first kiss, Kaye?"

Natawa ako sa tanong ni Art. Sa 'kin kasi tumama ang bote at hanggang ngayon ay naglalaro pa din kami.

"Ba't ba ang tsismoso mong gago ka?"

Nagtawanan sina Mickel saka binato ng kung ano si Art.

"Wala lang. Umaasa lang ako na ako ang first kiss mo. Remember the engineering night? We made out, right?"

Umismid ako saka tumungga ng alak. Gago talaga. Pati ba naman 'yun ipagsasabi pa. Akma pa itong may sasabihin na kung ano kung hindi lang sumingit si Daimler.

Ilang ikot pa ng bote at tumapat na naman 'yun kay Art. Napapansin ko, kung hindi sa 'kin tumatama, sa kanya naman. Parang pinagtitripan kami at dinadaya.

"I want you to body shot Kaye," ani Mickel.

Nanlaki naman ang mata ko. Oh! I'm excited! Matagal ko nang gustong gawin 'yun.

Bumaling sa 'kin si Art saka ngumisi. "Anu Kaye? Are you in?"

Ngumisi din ako saka tumango-tango. "Sure." Hinawakan ko ang hem ng T-shirt N suot ko, handa na iyung hubarin nang bigla na lamang may humila sa 'kin patayo at kinaladkad ako. Dahil sa kalasingan ay madali ako nitong nahila at sinandal sa kung saan.

Napangiwi ako sa sakit nang tumama ang likod ko. 'Aray naman!" reklamo ko saka sinamaan ng tingin ang ungas na nanghila sa 'kin. At hindi na ako nagulat nang makita kung sino ito.

"What the fuck is your problem, huh, Kartini!? Kanina ka pa ah. Inaano ka ba!?" Namumuro na talaga ang gagong 'to. Siya pa ang may ganang samaan ako ng tingin ngayon na parang ang laki-laki ng kasalanang nagawa ko sa kanya.

"Ano ha? Sumagot ka! Gago ka ba!"

Pinagtatampal ko ang dibdib niya dahil iyun lang ang abot ko sa kanya. Kaylangan ko pa siyang tingalain at ang tangkad-tangkad niya.

"Why do you have a lot of men surrounds you huh!?"

Nagsalubong ang mga kilay ko. Ano ba namang klaseng tanong 'yan? Syempre mga kaibigan ko, lalake. Magtaka siya kung mga babae ang nakapalibot sa 'kin, eh si Elyce lang naman ang kaibigan kong babae. Duh! Nakaka-bobo ang tanong niya sa totoo lang.

"There's Mickel, Daimler. And now... fucking Art. Are you that special that they are treating you like--"

Hindi ko siya pinatapos. Ang gago talaga nito. "So what's your point huh? Will you please get straight to the point now? And will you please tell me why did you dragged me here!?" Ang sarap-sarap ng inuman namin, sisirain niya lang. Hindi ko maintindihan si Kartini sa mga kinikilos niya. Bigla na lang magagalit sa 'kin at nakakainis na!

Inis niyang ginulo ang sariling buhok at mas ikinulong pa ako sa kinasasandalan ko. Inilagay niya ang dalawang kamay sa magkabilang gilid ko at inilapit din ang mukha sa akin dahilan para mataranta ako.

"H-hoy, w-what do you think you are doing?" Pakiramdam ko'y naumid ang dila ko at bigla ring nawala ang kalasingan ko lalo na't tinitigan niya ako mata sa mata bago bumaba ang paningin niya sa labi ko.

Nakakalusaw ang ganda ng mga mata ni Kartini. Iyan ang nararamdaman ko ngayon. Nagmumukha na talaga siyang badboy sa paningin ko habang patagal nang patagal.  Wala na iyung makapal niyang salamin na tumatakip sa itsurs niya. At ngayon nga ay madalas na siyang pinag-uusapan ng mga kababaihan.

Humugot ito ng hininga at saka nagmura. "Can't you see, Dwarfy? I am fucking jealous with the attention you are giving to your boyfriends!"

Itutuloy...
04-19-20