My Maton Girlfriend (On Going)

Kabanata 7

"Pinagsasabi mo?" ani ko saka muling nilingon si Kartini. Sa kanilang grupo ay siya lamang ang tahimik habang ang mga kaibigan niya ay maingay at kung may anong pinag-uusapan. Bahagya lamang aangat ang sulok ng labi nito saka iiling kapag kinakausap siya.

"Duh! Hindi mo ba makita? That girl is flirting with him. Ikaw dapat ang nasa pwesto ng malandi na 'yan ngayon."

Dahil sa sinabi niya ay lumipat ang tingin ko sa babaeng naka-pulupot ang braso sa kaliwang braso ni Kartini. Siya din 'yung babae kagabi.

Umismid ako. Maganda ang babae. Pero asa namang papatulan 'yan ni Kartini. Malinaw pa rin sa isipan ko ang sinabi nito noon na hindi niya tipo ang mga Pinay. Kaya malabong magpa-landi r'yan ang huli.

"Ano bang pake ko?" ani ko kay Elyce. Gaga din 'to eh. Gagawa-gawa ng issue. Kaya ang daming tsismosa sa mundo. Kahit wala namang sense, gagawan ng istorya.

"Aren't you jealous?" muli niyang bulong.

Nag-angat ako ng tingin at muling sumulyap kay Kartini. Saktong paglingon ko ay nagtama ang paningin naming dalawa. Akmang ngingitian ko siya katulad kagabi nang mag-iwas lang ito ng tingin sa 'kin.

Umismid ako saka muling nilingon si Elyce. "Hindi. Bakit naman ako magseselos?"

Natawa ito saka umiling. "You'll realize it soon."

"Hey girls, stop murmuring with each other. Alam ko namang ako ang pinag-uusapan ninyo. Kung gaano ako ka-hot."

Kapwa kami napalingon ni Elyce kay Mickel saka binato ito ng bote ng mineral water.

"Gago!" ani ko.

Buong maghapon ay kung anu-ano ang ginawa namin sa Resort. Nag-snorkeling din sina Mickel kanina at pinauod ko lang sila.

Samantalang si Art naman ay inaya ako at umangkas ako sa speed boat na minaneho niya.

Tuwang-tuwa pa ang gago habang nakayakap ako sa kanya. Kaya pagkabalik namin ay tampulan kami ng tukso ng mga kaibigan niya pati na rin sina Mickel.

"Ano Bro? Kayo na?" Lumapit si Mickel at inakbayan ako habang malawak ang ngisi kay Art.

"Ang hirap pasagutin ni Kaye pero sigurado naman na dadating kami dun," sagot naman ng gago kaya naghiyawan sila.

"Mga ulol! Asa naman!" Tinaas ko ang middle finger ko saka nag-walk out. Hahanap lang ako ng lugar na ako lang at gusto kong mag-selfie bigla.

Dinig ko pa ang halakhakan nila pero hinayaan ko na lang. Bumalik ako sa cottage na pinag-iwanan ko kanina ng mga gamit ko para kunin ang cellphone ko.

Habang papunta doon ay hindi ko naman ini-expect na makakasalubong ko si Kartini. Pero imbis na ngitian katulad ng madalas na ginagawa ko sa kanya, inirapan ko na lang siya. Badtrip ako sa pagmumukha niya ngayon.  Masyadong masungit at suplado. Hindi naman inaano.

Nilagpasan ko siya pero nagulat ako nang higitin na lang ako nito at isinandal sa puno ng niyog. Nanlaki ang mata ko hindi dahil sa nakikitang iritasyon sa mukha niya. Natatakot lang ako at baka mahulugan kami ng bunga. Paniguradong bagok ang ulo namin nito pagnagkataon.

"Kartini. Anu ba! Will you please get off me," naiiritang ani ko.

Mas lalong nagsalubong ang kilay niya at bumigat din ang kanyang pag hinga. Umawang ang labi niya, akmang may sasabihin pero hindi naman matuloy-tuloy.

"Do you have a problem with me, huh!? Why are you acting like I did something that makes you mad." Maypagka-bipolar din kasi. Hindi naman inaano pero ang sungit-sungit. Minsan mamamansin, minsan naman hindi.

"Fuck, Kaye!"

Nagulat ako sa pagmumura nito. Akmang magsasalita ako nang bigla na lamang itong mag-walk out. Salubong ang kilay na tinanaw ko na lamang itong papalayo.  Napairap ako sa hangin.