رجعته البيت مع مهيار ♥ وبقينا قاعدين انا ومها في الغرفه ومتوترين وبندعي انو يجي 😭 بعد الساعه عشره الباب خبط ♥ مهاب طلع فتح ودخلوا جوه وجاء داخل غرفتي قال لي ابوها جاء ياروان طبعا لم قال كده جريت حضنتو وانا بقول الحمد لله 😹♥ لبسنا عبايات وطلعنا ليه كان معاه بته وراجلها💙 سلمنا عليهم و ضيفناهم و اديناهم الفلاش نسخنا فيه التسجيل وابوها قال لي شكرا ليك يابتي لو م كلامك والله م كنت ح اقدر اخد حقها 💙 قلته ليه يا عمي انا كمان بت و حتيت نفسي مكانها قال لي طبعا عارفه انو ممكن يطلبوا شهادتك قلته ليه وانا جاهزه اقدمها وبعدها طلعوا و اليوم داك كنته مرتاحه جدا 🎶
نمرر الايام شويه ... الليله المحاكمه حقت رائد ♥ و حكمه عليه 🎶 والحمد لله ابوه كمان شهد ضضده وامه واخته حالتهم كانت تحنن والله 😭 .. بعد كم يوم اتصلت على اخت رائد اسألها من حالتهم كيف ♥ قالت لي امي طردت ابوها من البيت بعد عرفت بعملتو من رائد و رقدت مستشفي والليله ح يطلعوها 😭 قلته ليه بجيكم بكره 🎶 كلمته اهلي ماما قالت لي خلي مهاب يمشى معاك ♥ تاني يوم العصر مها جات عشان ح تمشي معانا مشينا انا مها ومهاب ♥ مهيار كان عندو شغل 🎶 والله حالتها تحنن يااه بكينا بكاء معاها 😔♥بقت عليها ولدها وراجلها 💔😭 رجعنا منهم ومرا كم يوم عادي لكن مهيار وصحبه رحلو شقه 💕 في يوم وانا قاعده في غرفتي بقرأ في كتب جاتني مكالمه من مها
مها : روان ؟ وين انتي ؟
انا: في البيت يا مها ليه في إيه ؟
مها : رنا اتوفت 💔
لم قالت كده سمعتها بعيده 😭💔 في النهايه دي صُحبه عمري 😭 قلته ليه تعالي لي عشان نمشي ليهم 😭 قالت لي البكاء م هنا هي اتوفت في مصر واهلها نازلين بكره ح يدفنوها هنا 💔 قلته ليها طيب 😭 تاني يوم من الصباح اخدته دش وصليت ولبسته عبايه و طرحه ومشينا لمها في بيتهم عشان من هناك ح نمشي لبيت ناس رنا 😭 مشينا والله حالتهم كانت صعبه جدا يااخ دي بتهم الكبيره 💔 بعد مرور اليوم معاهم رجعنا البيت اتكلمته مع مهيار قلته ليه مهيار انا والله م فيني حيل و نفسيتي بقت زيرو 😭 قال لي طيب لحظه وبرجع ليك اتغظته منه جدا 😔 بعد عشره دقايق اتصل م رديت عليه الا بعد ثلاثه مكالمات دايره اتكلم كده سمعته بقراء قران يالله من صوتو ♥ يالله من البحه في صوتو لم يقراء لي وهو بقراء انا نمته 😹♥ صحيت تاني يوم مسكته جوالي لقيت منه مسج " قلب مهيار ان شاء الله يكون مزاجك احسن ♥ يالسمحه و لم قلته ليك عشره دقايق مشيت اتوضي عشان اجي اقراء ليك م عشان اخلط ♥ هو انا اصلا لاقيك وين عشان اخليك تنومي منفسنه ؟ بعدين انتي عارفه كان احسن اخليك تنومي ساي من اسمع صوت شخيرك في التلغون 😹 لانو الليل كلو بهلوس بصوت شخيرك ده 😹😹 وبحبك " اتصلته عليه فورا
مهيار: امم؟
انا: كذاب م بشخر يااه
مهيار : 😹😹 يعني اسه المسج الطولك ده م ركزتي الا في شخير دي ؟ بعدين انا افتكرته انك ح تقولي لي كلام رومنسي♥ تجي تقولي لي كده ؟ يا قاتله الرومنسيات 😹😹♥
#ابقوا_بعافيه
م حابه اصدمكم لكن الباقي حلقتين 😹😹💃💙
