بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
تيم للناس الامبارح بكت😹😭♥
الساعه ماشه لاتنين ونص وانا للان م صحيت 💔 البيت كان هادئ جدا 💔✨ وكل زول في غرفته والضيوف كمان انا معاي في الغرفه الشله كلها عدا رنا قالت م بتقدر تبيت ح تجي بكره 💔و اريج كمان معانا اما مع ماما في خالتي "اصلا عندي خاله وحده متزوجه لكن م عندها اطفال✨" وخالتو نجود "ام مها " ومع مهاب اصحابوا 💔 وعماتي كانو بايتين
---عند مهيار
عاين لتلفونو ومشى اخد دش عشان يقدر يصحصح لانو اصلا م قدر ينوم 💔 و جاء طالع لبس بنطلون اسود وقميص اسود واسبورت ابيض وساعه فضي لم طلع لقا محمد كمان جاهز واتجهوا ع المطار بعد خلصت الاجراءات قامت الطياره 💕 المتجهه الامارات بعدها للسودان الطياره نزلت في السودان الساعه سته ونص تقريبا✨ وفورا اتجهه ع البيت 💕
--- عندي
فتحت عيوني بالعافيه الغرفه كانت فاضيه قمته مشيت اخدته دش وانا واقفه وببكي 💔 الباب خبط جاني صوت مها يلا ياروان اطلعي بعد ربع ساعه طلعته من الحمام وجيت صليت ودعيت لبابا 💔 لم خلصته مها حضنتني وهي بتقول معقول يا روان ؟ غايبه عن الوعي من الساعه ثمانيه مساء ؟ انتي مش قويه ؟ اكيد يا روان ده قدر و انا لله وانا اليه لراجعون ياروان 💔 اتصبري عشان امك وعشان مهاب انتي ماشفتي حالتهم من امبارح وهم م اكلوا شي و مهاب للان م اتكلم مع زول حتي اريج من قبيل بتحاول تتكلم معاه بس هو م برد عليها مسحته دموعي وقمته وهي كمان قامت طلعت لي عبايه و طرحه لبستها ومسكتني من يدي وطلعنا قلته ليها ماشه لغرفه مهاب 💔 لم طلعنا سامعه عمتي بتقول لبتها مهيار جاي من لندن للبكاء واسه وصل السودان وجاي في الطريق م عرفته مهيار ده منو اصلا ولا حاولته اعرفه واتجاهلته تماما عمتي وهي بتنادي علي 💔حتي ودخلته غرفة مهاب لقيت اصحابوا كلهم مجتمعين حولو 💔 قلته ليهم ممكن تخلونا برانا؟ فعلا كلهم طلعوا بقينا انا ومهاب بس مشيت قعدت في الارض مقاصده ليه ✨ رفع راسو عاين لي مسافه حضنتو وبقيت ابكي انا وهو الاتين بكينا بكاء 💔 قلته ليه عمري م اتخيلته انو افقده كده يا مهاب م تخيلته اني ح اتوجع كده لم يمشي 💔 قال لي الفتره العشناها من غيرو دي كلها انا افتكرته انو خلاص بقا م بهمني ياروان حتي لو مات م بهمني لانو كنته معتبر انو م عندي سند لكن لم اسه مات حسيت بالجد انو سندي ضاع يا روان 💔 "خلونا نتفق انو خساره واحد من الاهل اصعب شئ ممكن يمر بيك 💔" بقيت بتكلم مع مهاب قلته ليه احنا لازم نصبر ونتقوى يا مهاب عشان ماما💔 فجاه صوت البكاء بره زاد 💔 مهاب قال لي ده منو ؟ قلته ليه م عارفه شويه كده وجاء واحد من اصحاب مهاب قال لينا تعالوا عشان تحاولوا تهدوا خالتو سمر لانو مما جاء ود اخوه وهي بتزيد البكاء 💔 طلعنا انا و مهاب عماتي فكوا ماما من الولد الكان ماسكها وببكي كمان م عرفته ده منو لانو كان مديني ظهروا جاء واحد تاني مسكوا بقا يهدي فيه إلتفتوا علينا واول م شافنا طوالي اتجهه علينا مسك مهاب ووالله مهما اقول ليكم كميه الوجع اللحظه ديك م ح تصدقوا 💔 مهاب والولد المعاه بقوا يبكو بصوت انتو فاهمين ؟💔 بعدها فكوهم برضو مهاب قال ليه دي روان لم قال ليه كده عاين لي وجاء عشان يشيل الفاتحه عزاني انا كمان وبعدها قعد وفهمته انو ده مهيار ود عمي وهو كمان ابوه وامه متوفيين 💔 " مهيار ود عم روان امه اتوفت لم كان في عمر سنه ابوه اتوفي كان عمرو18 بعد الوفى بثلاثه شهور هو سافر وانا عمري سته سنين 💔" مر اسبوعين ع البكاء ✨ والبيت بقا فاضي بس انا وماما ومهاب ومهيار ومحمد ومها بتجيني كل يوم 💙 حياتي بقت روتين عادي م بطلع من غرفتي كتير 💙 مهاب حالتو اتصلحت مهيار ومحمد م كانوا بخلوا براه وماما كمان احسن بكتير💙 في يوم بليل انا قاعده في غرفتي وبقراء كتاب سمعته صوت جوالي برن قفلته الكتاب ومشيت ع جوالي لقيت رائد 💔 كنته مسجلاه "حبيبي الحلو💙" لم شفته اسمو قلبي وجعني واتزكرته انه م جاء ولا حتي اتصل علي مكالمه 💔 قفلت الخط و عملته ليه بلوك من كل مواقع التواصل ✨ فجاه انتبهته انه قبل ثلاثه يوم حصل موقف
Flash Back💙
قاعده انا و مها ورنا وباقي السله في غرفتي مها قالت لي رائد م اتصل عليك ؟ولا حتي جاء؟ قلته ليها امكن م عارف ؟ رنا ردت كلمته انا مها ردت ليها هو انتي متواصله معاه ؟ وبعدين جبتي رقمو من وين ؟ حسينا بيها اتوترت شديد و بقت تحاول توضح لي قاطعتنا ماما خبطت الباب قالت لي في ضيفه دايره تبكي معاك ✨ وع كده قطعنا الموضوع وم تميناه ولم جيت راجعه لقيتها مشت بيتهم ....
بقت بفكر في الحاجه دي لم نمته ✨ بليل صحيت لقيت الغرفه مضلمه وساخنه عرفته الكهرباء قطعت وم لقيت جوالي بقيت واقفه في نص السرير وبصرخ مهااب مااما مهاااب 😹♥ فجاه حسيت بزول فتح الباب قلبي بقا يدق شديد وجاني ريحه عطر م غريبه علي ♥
وبعد ذلك ! يبعث الله من يحتضنك في قلبه كوطن🖤🖤'.
#ابقوا_بعافيه💙
والله طولتها يااه 😔💙 م تقولوا لي قصيره 😭😹 + امكن م انزل الا بكره ع حسب التفاعل 💙
